1 Samuel 7:9 - Bible in Tzeltal Bachajón

⁹ Te Samuel la stsac jcoht alal-tuminchij te ya to schu'un, la ya'be scuenta scohtol chic'bil smahtan te Jehová; soc awon ta stojol Jehová ta scuenta Israel; a'iybot sc'op yu'un Jehová.

Bible in Tzeltal de Oxchuc y Tenejapa

⁹ Te Samuel la stsac jcojt' alal chij, scojt'ol la yac'bey ta chic'bil smajt'an Cajwaltic, soc jajch' sc'oponbey Dios ta stojol te israeletique. Aiybot yu'un Cajwaltic te sc'ope.

1 Samuel 7:9 ပူးပေါင်းရင်းမြစ်များ

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Salmos 99:6

Te Moisés soc Aarón ayic ta yohlil te sacerdotehetic yu'un, te Samuel ha jtuhl ta yohlil te mach'atic la sc'oponic; la sc'oponic te Jehová, jac'bot sc'opic yu'un.

Jeremías 15:1

Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Levítico 22:27

Te c'alal ya xtohc jcoht wacax, tuminchij o tentsun, huqueb c'ahc'al ya sjoquin sme', pero ta swaxaquebal c'ahc'al stohquel a, ya xhu' ya yich' aq'uel scuenta chic'bil smahtan Jehová.

Deuteronomio 9:26

Hich la jcal ta sc'oponel te Jehová: Ay, Cajwal Jehová, ma me xalajin te pueblo awu'un, te bin ay awu'un te la acoltay loq'uel ta scuenta smuc'ul awu'el, te la aloq'ues tal ta Egipto ta scuenta yip ac'ab.

Santiago 5:16

Talel c'axel halbeya abahic te amulique, soc talel c'axel c'opombeya abahic Dios, scuenta yu'un hich me ya xlecubex ta chamel a. Te ya sc'opon Dios te mach'a toj yo'tan, ay yu'el soc bayel bin ya xc'oht ta pasel yu'un.

Jueces 6:26

Pasa scajtajib ta chiq'uel mahtanil yu'un Jehová te Dios awu'un ta sba te ahnibal ini. Ic'a tal te schebal toro, a'beya scuenta scohtol chic'bil mahtanil, tuhuna scuenta si' te ste'el te sloc'ombahil Asera te yac ats'et, xchi.

Jueces 6:28

Ta sab, te c'alal hahchic te mach'atic ayic ta pueblo, jimbilix a te scajtajib ta chiq'uel mahtanil yu'un Baal soc ts'etbilix a te sloc'omba Asera te nopol ay tey a, soc ac'bilix a scuenta scohtol chic'bil mahtanil te schebal toro ta sba te scajtajib ta chiq'uel mahtanil te pasbilixe.

1 Samuel 10:8

Patil ya me xnahilijat cohel cu'un ta Gilgal; ya xtal joquinat ta yaq'uel scohtol chic'bil mahtaniletic soc milbil mahtaniletic scuenta lamal q'uinal. Mahliyawon huqueb c'ahc'al ha to teme ya xc'ohon ta atojol soc ya ca'bat ana' te bin ya sc'an yac apas, xchi.

1 Samuel 12:17

¿Ma bal ha'uc yorahil boj trigo? Ya jc'opon te Jehová, ya me yac' talel chahwuc soc ha'al, scuenta yu'un hich yac ana'ic soc hich yac awilic a te c'ax bayel schopolil bin la apasic ta stojol Jehová yu'un te la ac'anic ajwalil awu'unic, xchi te Samuel.

1 Samuel 16:2

La yal te Samuel: ¿Bin ut'il ya xbohon? Teme ya ya'iy te Saúl, ya smilon yu'un, xchi. La sjac' te Jehová: Ic'a bahel jcoht tut wacax, hich yac awal: Talemon ta ya'beyel milbil smahtan Jehová, xchihat.

1 Samuel 2:35

Ya cotses yan sacerdote te jun yo'tan ta jtojol, te ya spas te bin ya sc'an co'tan. Ya cac' ya xhalaj te sts'umbal, soc ya me x'a'tej spisil ora ta stojol te mach'a tsahbil cu'une.

1 Samuel 7:17

Patil ya suht xan bahel ta Ramá, yu'un tey ay sna a. Tey ya schahpan a te Israel, soc tey la spasbe scajtajib smahtan a te Jehová.

1 Samuel 9:12

La sjaq'uic te ach'ixetic: Tey. Ilawil, tey xanix ay bahel awu'unic. Suja aba, como hulem talel ta pueblo, yu'un yo'tic te ants-winiquetic ya xbaht yaq'uic milbil mahtanil ta toyol awilal.