1 Samuel 7:4 - Bible in Tzeltal Bachajón

⁴ Ha yu'un te snich'nab Israel la sch'ojticlanic loq'uel te loc'ombahetic yu'un Baal soc Astarot, ha nax la yac' sbahic ta a'batinel yu'un te Jehová.

Bible in Tzeltal de Oxchuc y Tenejapa

⁴ Te israeletic la xch'ojic loq'uel te jayeb ta jchajp sloc'ombail Baal soc te sloc'ombail Astarté, ja' xanix la xch'uunic te Cajwaltique.

1 Samuel 7:4 ပူးပေါင်းရင်းမြစ်များ

1 Reyes 11:33

como la yihquitayonic soc la sch'uhuntayic Astoret te antsil-dios yu'un te sidonetic, te Quemos te dios yu'un Moab, soc Moloc te dios yu'un te snich'nab Amón. Ma ba behenic ta be cu'un ta spasel te bin lec ta jtojol, ma ba la sch'uhunic spasel te chahpambil mandariletic cu'un o te bin caloj ta mandar, ma hichuc te bin ut'il la spas te David te state.

1 Reyes 11:5

Te Salomón la st'un te Astoret te antsil-dios yu'un te sidonetic, soc te Milcom te ihlaybil loc'omba yu'un te amonetique.

1 Reyes 8:48

teme ya suhtes yo'tanic ta atojol ta spisil yo'tanic soc ta spisil sch'uhlelic tey ta sq'uinal te scontrahic te ic'otic bahel ta chuquel yu'un, teme ya sc'oponat tal ta stojol te q'uinal la awa'be te sme'static, ta stojol te pueblo te tsahbil awu'un soc te Na la jpasbat yu'un te abihile,

2 Reyes 23:15

Ha nix hich te scajtajib ta chiq'uel mahtanil ta Bet-el soc te lugartic spasoj te Jeroboam snich'an Nabat, te la ya'be sta smul a te Israel, la schic', la sutp'in ta tan soc la ya'be sc'ahc'al te sloc'omba Asera.

Oseas 14:3

Ma ba ya scoltayotcotic te Asiria; ma ba ya xmohotcotiquix ta cawu; ma ba hich ya calbecotiquix te bin jpasojtic ta jc'abcotic: Ha diosetic cu'uncotic, ma xchihucotic, como ha'at ta atojol ya sta c'uxultayel te me'ba' alal.

Oseas 14:8

Hich me ya yal te Efraín: ¿Bin cochel a te loc'ombahetic? xchi. Ho'on ya ca'iybe sc'op soc ya jcanantay; hich ya xc'ohon ta stojol te bin ut'il taj te spisil ora yax, ya xloc' tal ta jtojol te sit awu'une.

Jueces 2:11

Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Jueces 2:13

La yihquitayic te Jehová, la sch'uhuntayic te Baal soc te Astarot.

1 Samuel 7:3

Te Samuel hich la yalbe spisil te Israel: Teme spisil awo'tanic ya suhtex tal ta stojol Jehová, loq'uesahic ta awohlilic te jyanlum diosetic soc te Astarot, a'beya awo'tanic te Jehová soc ac'a abahic ta a'batinel yu'un, hich me ya scoltayex loq'uel ta sc'ab te filisteohetic, xchi.

1 Samuel 7:5

Patil hich la yal te Samuel: Tsobahic spisil Israel ta Mizpa, ya jc'opombeyex te Jehová, xchi.