1 Samuel 7:3 - Bible in Tzeltal Bachajón

³ Te Samuel hich la yalbe spisil te Israel: Teme spisil awo'tanic ya suhtex tal ta stojol Jehová, loq'uesahic ta awohlilic te jyanlum diosetic soc te Astarot, a'beya awo'tanic te Jehová soc ac'a abahic ta a'batinel yu'un, hich me ya scoltayex loq'uel ta sc'ab te filisteohetic, xchi.

Bible in Tzeltal de Oxchuc y Tenejapa

³ Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

1 Samuel 7:3 ပူးပေါင်းရင်းမြစ်များ

Génesis 35:2

Hich te Jacob la yalbe te mach'atic ay yu'un ta sna soc spisil te mach'atic sjoquinejic: Loq'uesahic te jyanlum diosetic te ay ta awohlilic, poca abahic soc jeltaya ac'u'ic.

1 Reyes 11:33

como la yihquitayonic soc la sch'uhuntayic Astoret te antsil-dios yu'un te sidonetic, te Quemos te dios yu'un Moab, soc Moloc te dios yu'un te snich'nab Amón. Ma ba behenic ta be cu'un ta spasel te bin lec ta jtojol, ma ba la sch'uhunic spasel te chahpambil mandariletic cu'un o te bin caloj ta mandar, ma hichuc te bin ut'il la spas te David te state.

1 Reyes 8:48

teme ya suhtes yo'tanic ta atojol ta spisil yo'tanic soc ta spisil sch'uhlelic tey ta sq'uinal te scontrahic te ic'otic bahel ta chuquel yu'un, teme ya sc'oponat tal ta stojol te q'uinal la awa'be te sme'static, ta stojol te pueblo te tsahbil awu'un soc te Na la jpasbat yu'un te abihile,

2 Reyes 17:39

ya me awich'ic ta muc' te Jehová te Dioson awu'unic; ha me ya scoltayex loq'uel ta sc'ab te acontrahic, xchi.

2 Reyes 23:15

Ha nix hich te scajtajib ta chiq'uel mahtanil ta Bet-el soc te lugartic spasoj te Jeroboam snich'an Nabat, te la ya'be sta smul a te Israel, la schic', la sutp'in ta tan soc la ya'be sc'ahc'al te sloc'omba Asera.

1 Crónicas 22:19

A'beya awo'tanic soc ach'uhlelic ta slehel te Jehová te Dios awu'unique. Hahchanic, pasahic te ch'ul awilal yu'un te Jehová Dios scuenta yu'un yac awich'ic tal te scaxahul te chapbil-c'op yu'un Jehová soc te bintic ch'ultesbil ta stojol Dios ta na te ya yich' pasel ta scuenta sbihil te Jehová, xchi.

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

2 Crónicas 19:3

Pero ay bintic lec te apasoj, yu'un la aloq'ues ta q'uinal te loc'ombahetic yu'un Asera soc awac'ojix awo'tan ta slehel te Diose, xchi.

2 Crónicas 20:33

Pero te toyol awilaletic ma ba la yich'ic loq'uesel, como te pueblo ma to junuc yo'tanic ta stojol te Dios yu'un te sme'statique.

2 Crónicas 30:19

ha te Jehová te Dios yu'un te sme'static, aunque ma ba slecubtesej sbahic hich te bin ut'il ya yal te mandariletic yu'un te ch'ul awilal scuenta ch'ultesel, xchi.

Proverbios 16:1

Ay ta scuenta ants-winiquetic te ya snopic bintic ya spasic, pero ay ta scuenta Jehová yalel teme ya xc'oht ta pasele.

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

Jeremías 24:7

Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

Jeremías 36:3

Te sna Judá, c'alal ya ya'iy spisil te bintic chopol jnopoj te ya jpasbe, ya wan suhtes yo'tanic jujutuhl yu'un te chopol be yu'unique, hich ya jpasbe perdón yu'un schopolil soc smul, xchi.

Jeremías 4:1

Teme ya suhtat talel, Israel, xchi te Jehová, suhtan tal ta jtojol. Teme yac aloq'ues bahel te loc'ombahetic awu'un te ihlaybilic soc teme ma ba bayuc nax ya xbahex,

Ezequiel 14:6

Ha yu'un, halbeya te sna Israel: Hich ya yal te Jehová, te Ajwalil: Suhtanic tal ta jtojol, ihquitayahic hilel te loc'ombahetic awu'unic, loq'uesahic tal asit awelaw ta stojol spisil te bintic ilobtic sba awu'unique.

Ezequiel 18:31

Ch'oja bahel spisil te bintic ac'axuntayejic te la atahic mulil yu'une, pasahic ta yach'il te awo'tanic soc yach'il espíritu awu'unic. ¿Bin yu'un ya xlajat, pueblo Israel?

Oseas 14:1

¡Israel, suhtan tal ta stojol Jehová te Dios awu'un, como ta scaj amul te yahlate!

San Mateo 15:8

Te pueblo ini ta ye nax ya yich'onic ta muc', pero te yo'tanic namal ayic ta jtojol,

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Mateo 6:24

Mayuc mach'a ya xhu' ya yac' sba ta a'batinel yu'un cheb ajwaliletic; como ya me yihlay te jtuhle soc c'ux ta yo'tan te yane, o jun yo'tan ta stojol te jtuhle, soc ya sp'aj te yane. Ha nix hich, ma xhu' yac awac' abahic ta a'batinel yu'un Dios soc yu'un te c'uhlejalile.

San Lucas 4:8

La sjac' te Jesús: Loc'an ta jtojol, Satanás, como hich ts'ihbabil: Ch'uhuntaya te Cajwaltic te Dios awu'un, soc ha nax me xawac' aba ta a'batinel yu'un stuquel, la yut.

San Juan 4:24

Ha Espíritu te Diose, ha yu'un te mach'atic ya yich'ic ta muc', ya sc'an ya yich'ic ta muc' ta scuenta espíritu soc ta smelelil, xchi.

Deuteronomio 10:20

Ich'a ta muc' te Jehová te Dios awu'un, ha nax me xawac' aba ta a'batinel yu'un. Ha me xat'un bahel stuquel, soc ha ta scuenta sbihil te ay bin jc'axel yac awal ta jamal.

Deuteronomio 13:4

Ya me at'unic te Jehová te Dios awu'unic soc ya me awich'ic ta muc', ya me ach'uhunic te mandariletic yu'un soc ya me awa'iybeyic te sc'ope; ya me awac' abahic ta a'batinel yu'un soc jun me awo'tanic ta stojol.

Deuteronomio 4:29

Pero teme tey yac alehic a te Jehová te Dios awu'unic, ya me atahic, teme ta spisil awo'tan soc spisil ach'uhlel yac alehique.

Deuteronomio 6:13

Ich'a ta muc' te Jehová te Dios awu'un, ha nax me xawac' aba ta a'batinel yu'un, soc ha nax ta scuenta sbihil te jc'axel ay bin yac awal ta jamal.

Josué 13:31

soc j'ohlil te Galaad, Astarot soc Edrei, ha pueblohetic banti scuentahinej te Og ta Basán; ha yu'un c'oht te j'ohlil te snich'nab Maquir snich'an Manasés, ha chican te jaychahp ayique.

Josué 24:14

Ha yu'un ich'ahic ta muc' te Jehová soc junuc me awo'tan ac'a abahic ta a'batinel yu'un ta mero melel. Loq'uesa ta awohlilic te diosetic te la sch'uhunic te ame'atatic ta jehch te muc'ul-ha' soc ta Egipto, ac'a abahic ta a'batinel yu'un Jehová.

Josué 24:23

Loq'uesahic hiche te yantic diosetic te ay ta awohlilic, ac'a awo'tanic ta stojol Jehová te Dios yu'un Israel, xchi te Josué.

Jueces 10:16

Hich la sloq'uesic te yantic diosetic, la yac' sbahic ta a'batinel yu'un te Jehová. C'ux la ya'iy te Jehová te ay swocol te Israel.

Jueces 10:6

Pero te snich'nab Israel la scha'pasic xan te bin chopol ta stojol Jehová, la yac' sbahic ta a'batinel yu'un te baaletic soc te Astarot, te diosetic yu'un Siria, Sidón, Moab, Amón soc yu'un te filisteohetic. La yihquitay ta yo'tanic te Jehová, ma ba la yac' sbahic ta a'batinel yu'un.

Jueces 2:11

Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Jueces 2:13

La yihquitayic te Jehová, la sch'uhuntayic te Baal soc te Astarot.

1 Samuel 31:10

La ya'beyic ta templo yu'un Astarot te ya'tejib te Saúl soc la sjihpambeyic te sbaq'uetal ta sts'ahcul te Bet-sán.