1 Samuel 7:2 - Bible in Tzeltal Bachajón

² Bayel tiempo halaj ta Quiriat-jearim te scaxahul te chapbil-c'op yu'un Jehová, ha jtahb (20) ha'bil; spisil te israeletic oc' yo'tanic yu'un slehel te Jehová.

Bible in Tzeltal de Oxchuc y Tenejapa

² Jtab ja'wil jalaj ta Quiriat-jearim te cajón yu'un Cajwaltic. Spisil te israeletic oc' yo'tanic yu'un te Cajwaltic, jajch' sleic ta spisil yo'tanic.

1 Samuel 7:2 ပူးပေါင်းရင်းမြစ်များ

1 Crónicas 13:3

ya quich'tic tal ta jtojoltic te scaxahul te chapbil-c'op yu'un te Dios cu'untic, como c'alal ta yorahil Saúl ma ba la jquich'tic ta cuenta, xchi.

1 Crónicas 13:5

Ha yu'un te David la stsob tal spisil Israel c'alal Sihor yu'un Egipto ha to ta yochibal Hamat, scuenta yu'un ya yich'ic tal te scaxahul te chapbil-c'op yu'un Dios te ay ta Quiriat-jearim.

Jeremías 26:20

Ay yan winic te c'opoj ta sc'op-jalwanej ta scuenta sbihil Jehová, ha te Urías snich'an Semaías, te talem ta Quiriat-jearim, c'opoj ta scontrahinel te pueblo soc te q'uinal ini, hich te bin ut'il la yal te Jeremías.

Jeremías 3:13

Na'a me hiche te achopolil, como acontrahinej te Jehová, te Dios awu'un, soc la awac' aba ta antsinel ta stojol yantic diosetic ta ye'tal spisil pimil ya'binal te'etic, ma ba la awa'iybon te jc'ope, xchi te Jehová.

Jeremías 31:9

Soc oq'uel ya xtal, soc sc'uxul co'tan ya quic'ticlan suhtel tal. Ya cac' behenuquic ta sti'il be-ha'etic, ta toj be te banti ma ba ya sc'ohchin yoquic, como ho'on tatilon yu'un Israel, soc te Efraín, ha jba-nich'an.

San Mateo 5:4

Bayel me yutsilic te mach'atic ya x'oq'uic, como ya xmuc'ubtesbot q'uinal ya'iyic.

Josué 9:17

Hich loq'uic bahel te snich'nab Israel, ta yoxebal c'ahc'al c'ohtic ta banti pueblohetic yu'unic, ha te Gabaón, Cafira, Beerot soc Quiriat-jearim.

Jueces 2:4

C'alal laj yo'tan ta c'op te ch'ul a'bat yu'un Jehová, spisil te snich'nab Israel hahchic ta tulan aw ta oq'uel.

1 Samuel 7:1

Hich talic te mach'atic ayic ta Quiriat-jearim, la yich'ic bahel te scaxahul te chapbil-c'op yu'un Jehová, la yaq'uic ta sna Abinadab te ay ta ba tsehl; soc la sch'ultesic te Eleazar, ha te snich'an, scuenta yu'un ya scanantay te scaxahul te chapbil-c'op yu'un Jehová.

1 Samuel 7:3

Te Samuel hich la yalbe spisil te Israel: Teme spisil awo'tanic ya suhtex tal ta stojol Jehová, loq'uesahic ta awohlilic te jyanlum diosetic soc te Astarot, a'beya awo'tanic te Jehová soc ac'a abahic ta a'batinel yu'un, hich me ya scoltayex loq'uel ta sc'ab te filisteohetic, xchi.