1 Samuel 7:10 - Bible in Tzeltal Bachajón

¹⁰ Te c'alal yac ta yaq'uel a te scohtol chic'bil mahtanil te Samuel, tal te filisteohetic ta ya'beyel guerra te snich'nab Israel. Pero te Jehová ha nix yorahil a te la yac' buen tulan chahwuc ta stojol te filisteohetic, la xiwtes, hich la yich'ic tsalel ta stojol te snich'nab Israel.

Bible in Tzeltal de Oxchuc y Tenejapa

¹⁰ Te c'alal yac ta yaq'uel a te chic'bil smajt'an Dios te Samuel, te filisteoetic yacalic ta noptsajel bael ta stojol te israeletique. Pero te Cajwaltic la yac'bey coel tel buen tulan chawuc ta stojol swenta xiwteselic, jich la yaiyic tsalaw te israeletique.

1 Samuel 7:10 ပူးပေါင်းရင်းမြစ်များ

Salmos 18:15

Chicnaj te sc'ubulil mar, chican ta ilel te yich'o-ip te bahlumilal ta scuenta te tulan tsitsel awu'un, Jehová, ta scuenta te yic'al ani'.

Salmos 29:3

Te sc'op Jehová ay ta sba te ha'etique. ¡Te Dios te ay yutsilal ya st'omtes sc'op, te Jehová ya st'omtes sc'op ta sba bayel ha'etic!

Salmos 29:4

Te sc'op Jehová ay yip; te sc'op Jehová ay yutsilal.

Salmos 78:66

La stenticlan suhtel te scontratac; la yac'ticlan ta q'uexlal sbahtel q'uinal.

Zacarías 4:6

Ha yu'un hich la yalbon: Ha te sc'op Jehová ini ta stojol Zorobabel, te hich ya yal: Ma ta scuentahuc soldadohetic soc ma ta scuentahuc yipic, ha ta scuenta te espíritu cu'un, xchi te Jehová te scuentahinej spisil.

Deuteronomio 28:7

Te Jehová ya me stsal te acontra te ya xhahch scontrahinat. Ta jch'ix nax be ya xloq'uic tal stahat, pero huc-ch'ix be ya xloq'uic bahel ta ahnel ta atojol.

Josué 10:10

Te Jehová la ya'be bayel xiwelic ta stojol Israel, la smilticlanic tsobolic ta Gabaón; la snutsticlan bahel ta be te ya xmo bahel ta Bet-horón, soc la smilticlan bahel c'alal ta Azeca soc Maceda.

Jueces 4:15

Te Jehová la sten bahel ta espada te Sísara soc spisil carretahetic soc soldadohetic yu'un ta stojol Barac. Te Sísara co ta scarreta, baht ta ahnel ta yoc,

Jueces 5:20

C'alal ch'ulchan la yaq'uic guerra te eq'uetic, c'alal ta sbehic la ya'beyic guerra te Sísara.

Jueces 5:8

C'alal la stsahic yantic diosetic, hulix guerra a ta yochibal te pueblohetic; ma ba chicnaj mahquilal o lanza ta yohlil ho'pic (40,000) ta tuhl ta Israel.

1 Samuel 12:17

¿Ma bal ha'uc yorahil boj trigo? Ya jc'opon te Jehová, ya me yac' talel chahwuc soc ha'al, scuenta yu'un hich yac ana'ic soc hich yac awilic a te c'ax bayel schopolil bin la apasic ta stojol Jehová yu'un te la ac'anic ajwalil awu'unic, xchi te Samuel.

1 Samuel 14:15

Hahch buen xiwel ta campamento, ta yohl q'uinal soc ta stojol spisilic ta jchahp soldadohetic; soc ha nix hich xiwic te mach'atic loq'uemic bahel ta spojel biluquetic, soc nihc te q'uinale; c'ax bayel xiwel.

1 Samuel 2:10

Te mach'atic ya scontrahinic te Jehová ya me xlajinotic, ha ya xt'ohm tal ta stojolic c'alal ta ch'ulchan. Te Jehová ya me yich' ta c'op c'alal ta sti'il bahlumilal; ya me ya'be yip te ajwalil yu'un, soc ya me ya'be xan yip te Mach'a malbil ta aceite yu'une, xchi.

1 Samuel 7:11

Loq'uic bahel ta Mizpa te snich'nab Israel, la snutsic bahel te filisteohetic, la smilticlanic bahel c'alal ta ye'tal Bet-car.