1 Samuel 7:1 - Bible in Tzeltal Bachajón

¹ Hich talic te mach'atic ayic ta Quiriat-jearim, la yich'ic bahel te scaxahul te chapbil-c'op yu'un Jehová, la yaq'uic ta sna Abinadab te ay ta ba tsehl; soc la sch'ultesic te Eleazar, ha te snich'an, scuenta yu'un ya scanantay te scaxahul te chapbil-c'op yu'un Jehová.

Bible in Tzeltal de Oxchuc y Tenejapa

¹ Jich bajt'ic te yajwal lum Quiriat-jearim, la yich'ic bael te cajón yu'un Cajwaltic, c'o yaq'uic ta sna Abinadab, te ay ta ch'in witse. Jich ora la yac'beyic yich' tulan yat'el ta stojol Dios te snich'ane, te Eleazar, swenta yu'un ja' ya scanantay te cajón yu'un te Cajwaltique.

1 Samuel 7:1 ပူးပေါင်းရင်းမြစ်များ

1 Crónicas 13:3

ya quich'tic tal ta jtojoltic te scaxahul te chapbil-c'op yu'un te Dios cu'untic, como c'alal ta yorahil Saúl ma ba la jquich'tic ta cuenta, xchi.

Salmos 132:6

Ta Efrata la jca'iytic, la jtahtic ta ha'maltic ta Jaar.

Isaías 52:11

¡Loc'anic, loc'anic bahel tey a, ma me xapiquic te bin bohloben sc'oblale! ¡Loc'anic bahel ta yohlil, poca abahic, ha'ex te yac awich'ic bahel te bintic ay yu'un te Jehová!

Josué 18:14

La yac' buelta ta stojol banti ya xmahl c'ahc'al ta stojol sur yu'un te wits te snuhp'usitayej sba soc Bet-horón, c'oht ta loq'uel ta Quiriat-baal (ha te Quiriat-jearim), ha te pueblo yu'un te sts'umbal Judá. Ha te mojon ta stojol banti ya xmahl c'ahc'al.

Josué 9:17

Hich loq'uic bahel te snich'nab Israel, ta yoxebal c'ahc'al c'ohtic ta banti pueblohetic yu'unic, ha te Gabaón, Cafira, Beerot soc Quiriat-jearim.

1 Samuel 6:21

Ha yu'un la sticonic bahel c'op ta stojol te mach'atic nahinemic ta Quiriat-jearim, hich la yalbeyic: Te filisteohetic la sticonic suhtel tal te scaxahul te chapbil-c'op yu'un Jehová; la', ich'ahic bahel, xchihic.

1 Samuel 7:2

Bayel tiempo halaj ta Quiriat-jearim te scaxahul te chapbil-c'op yu'un Jehová, ha jtahb (20) ha'bil; spisil te israeletic oc' yo'tanic yu'un slehel te Jehová.