1 Samuel 6:9 - Bible in Tzeltal Bachajón

⁹ Soc ya me awilic bahel; teme ya xmo bahel ta sbehlal te sq'uinal ta Bet-semes, yu'un ha nix la ya'botic te bayel jwocoltic ini; yan teme ma teyuc ya xbaht a, hich ya jna'tic a te ma ha'uc te sc'ab Dios te la ya'botic jwocoltic, yu'unix hich nax talem a, xchihic.

Bible in Tzeltal de Oxchuc y Tenejapa

⁹ Pero ac'a asitic ta yilel. Teme toj ya xbajt' ta ch'in lum Bet-semes te wacaxetic soc te carreta, te banti slumal te cajone, yu'un ni me ja' a te Dios yu'un Israel te yac yac'bel bayal jwocoltique. Yan teme ma teyuc ya xbajt'ic a, yu'un ma ja'uc te yac yac'bel tulan castigo ta jtojoltic, yu'unix jich nax talem a te wocol julem ta jtojoltique —xiic.

1 Samuel 6:9 ပူးပေါင်းရင်းမြစ်များ

2 Samuel 1:6

Hich la yal te winic: C'alal tey ayon ta wits Gilboa a, la jquil te yich'oj yip ta slanza te Saúl, soc yacalic ta talel ta spat te carretahetic yu'un guerra soc te winiquetic cajajtic ta cawu.

1 Reyes 4:9

Ben-Decar, ta Macaz, Saalbim, Bet-semes, Elón soc ta Bet-hanán;

2 Crónicas 25:21

Ha yu'un tal te Joás ajwalil yu'un Israel, la yilbe sba sit soc te Amasías ajwalil yu'un Judá ta guerra ta Bet-semes ta sq'uinal Judá.

Éxodo 8:15

Pero te faraón, c'alal la yil te mayuquix swocol, la stulanubtesbe yo'tan, ma ba la ya'iybe sc'opic, hich te bin ut'il la yal te Jehová.

Eclesiastés 9:11

Ay yan bin la jquil ta ye'tal ch'ulchan: Te tsalaw ma ha'uc yu'un te mach'a ya xhu' yu'un ahnimal, o te tsalaw te guerra ma ha'uc yu'un te mach'atic ay yipic, te we'elil ma ha'uc yu'un te mach'atic p'ij yo'tanic, o te c'ulejalil ma ha'uc yu'un te mach'atic ay snopojibal yu'unic, o te lec ta o'tanil te mach'atic p'ijubenic; como ya sta yorahil soc ay bintic ya xc'oht ta stojol spisilic.

Isaías 26:11

Jehová, atoyoj ac'ab, pero ma ba ya yilic. Ac'a yilic te xut'et awo'tan ta stojol te pueblo awu'un, ac'a q'uexawuquic; ac'a lajuquic ta c'ahc' te chapal awu'un ya xc'oht ta stojol te acontrataque.

Amós 3:6

¿Ya bal yich' oq'uesinel corneta ta pueblo te ma ba ya xnihquic ants-winiquetic yu'un? ¿Ay bal wocol ya xc'oht ta pueblo te ma ba ticombil yu'un Jehová?

San Lucas 10:31

Ay jtuhl sacerdote te co bahel tey a, c'alal la yil la sjoybetay.

Josué 15:10

ya yac' buelta ta Baala ya xbaht ta stojol banti ya xmahl c'ahc'al c'alal ta wits Seir, ya xc'ax bahel ta stojol norte yu'un te wits Jearim, ha te Quesalón, ya xco bahel ta Bet-semes, ya xc'ax bahel ta Timna;

Josué 21:16

Aín, Juta, soc Bet-semes soc te aquiltic yu'unic; baluneb pueblohetic yu'un te cha'chahp ini.

1 Samuel 6:10

Hich la spasic te winiquetique. La stsaquic cha'coht me' wacax, la schucbeyic carreta soc la yotsesbeyic ta sna wacax te yalatac.

1 Samuel 6:12

Toj behenic bahel te me' wacaxetic ta sbehlal Bet-semes, yacalic ta oq'uel bahel, ma ba loq'uic bahel ta wa'el o ta q'uexam ta be. Te príncipaletic yu'un te filisteohetic la st'unic bahel ta spat c'alal ta sti'il te Bet-semes.

1 Samuel 6:3

Hich la yalic: Teme yac asutic bahel te scaxahul te chapbil-c'op yu'un te Dios yu'un Israel, ma me jocholuc yac aticonic suhtel, ya me awa'beyic mahtanil yu'un stahel falta; hich ya xlecubex soc tey yac ana'ic a te bin scuentahil ma ba loq'uem ta atojolic te sc'ab te Diose, xchihic.