1 Samuel 6:7 - Bible in Tzeltal Bachajón

⁷ Ha yu'un pasahic yach'il carreta, soc ic'ahic tal cha'coht me' wacaxetic te ay yalic, te ma to ayuc chucbil yugo ta snuq'uic, a'beyahic sjoch te carreta, pero ic'ahic suhtel ta na te yalatac.

Bible in Tzeltal de Oxchuc y Tenejapa

⁷ Ja' yu'un ticunaic ta pasel jun yach'il carreta. Ya me atsaquic cheb me' wacaxetic te tojq'uel to yalique, ja' te ma'yuc moem yugo ta snuq'uique. Ac'beyaic snit beel te carreta, pero ma me xawac'beyic sjoin bael te yalique, ya me awaq'uic jilel ta sna wacax stuquelic.

1 Samuel 6:7 ပူးပေါင်းရင်းမြစ်များ

2 Samuel 6:3

La scajanic ta sba yach'il carreta te scaxahul te chapbil-c'op yu'un Jehová, la yich'ic hahchel ta sna Abinadab te ay ta tsehl. Te Uza soc Ahío, snich'nab Abinadab, yacalic ta stojobtesel bahel te yach'il carreta.

1 Crónicas 13:7

La yich'ic hahchel ta yach'il carreta te scaxahul te chapbil-c'op ta sna Abinadab. Te Uza soc Ahío la stojobtesic bahel te carreta.

Números 19:2

Hich ay te bin halbil ta mandaril te la yal te Jehová: Halbeya te snich'nab Israel te ac'a yiq'uic tal jcoht tsajal wacax te mayuc bin jihnem yu'un soc te mayuc cajambil yugo ta snuc'.

Deuteronomio 21:3

Te mamaletic yu'un te pueblo te nopol ay te banti tahot te mach'a lajem, ya me stsac jcoht jcolel wacax te ma to ba a'tejem, te ma to scuchoj yugo,

Deuteronomio 21:4

ya yiq'uic bahel ta spamlej ta banti ay uc'um te spisil ora ay ya'lel, te ma ba tucbil soc mayuc bin ts'umbil tey a, ya sc'ajbeyic snuc' te jcolel wacax tey ta spamlej.