1 Samuel 6:3 - Bible in Tzeltal Bachajón

³ Hich la yalic: Teme yac asutic bahel te scaxahul te chapbil-c'op yu'un te Dios yu'un Israel, ma me jocholuc yac aticonic suhtel, ya me awa'beyic mahtanil yu'un stahel falta; hich ya xlecubex soc tey yac ana'ic a te bin scuentahil ma ba loq'uem ta atojolic te sc'ab te Diose, xchihic.

Bible in Tzeltal de Oxchuc y Tenejapa

³ La sjaq'uic, jich la yalic: —Teme ya asutic bael te scajonil trato te Dios yu'un Israel, ma me stuqueluc nax ya aticunic sujt'el. Ya me sc'an te ay bi ya aticunbeyic te Yajwalic, swenta stojol te amulic ataojic ta stojole. Jich me ya xlecubex ta chamel soc tey me ya ana'ic a, te bi swentail te ma ba acuxoj awo'tanic ta castigo yu'une —xiic.

1 Samuel 6:3 ပူးပေါင်းရင်းမြစ်များ

Job 10:2

Hich ya calbe te Dios: Ma me xawal te ay jmul; a'bon jna' te bin yu'un te yac atijbelon ta c'op.

Éxodo 23:15

Ya me apas te Q'uin yu'un Pan te ma ba yich'oj levadura. Hich te bin ut'il la jcalbat, huqueb c'ahc'al yac awe' pan te ma ba yich'oj levadura, ta yorahil te u yu'un Abib, como ha yorahil te loq'uex tal ta Egipto. Ma me ayuc mach'a jochol sc'ab ya xtal ta jtojol.

Éxodo 34:20

Yan te sba-quelmal burro ya me ajeltay ta jcoht tut tuminchij; teme ma ba yac ajeltay, ya me awac'be snuc'. Ya me ajeltay spisil te aba-nich'anique. Soc ma me ayuc mach'a ya xtal ta jtojol te mayuc bin yich'oj ta sc'ab.

Éxodo 8:15

Pero te faraón, c'alal la yil te mayuquix swocol, la stulanubtesbe yo'tan, ma ba la ya'iybe sc'opic, hich te bin ut'il la yal te Jehová.

Levítico 5:6

soc ya me yic' tal ta stojol Jehová jcoht yantsilel tuminchij o tentsun scuenta mahtanil yu'un stojel smul te stahoje. Hich te sacerdote ya spasbe te stojel smul te stahoje.

Levítico 6:6

Scuenta mahtanil yu'un stojel smul te sfalta stahoj ya me yic' tal ta stojol Jehová jcoht tat tuminchij o tentsun te mayuc bin jihnem yu'un, te hich stojol te yac awale, ya me ya'be ta stojol te sacerdote scuenta mahtanil yu'un stojel mulil.

Deuteronomio 16:16

Oxeb buelta ta jujun ha'bil spisil winiquetic ya me xtal ta stojol Jehová te Dios awu'un tey ta lugar tsahbil yu'un: ha te Q'uin yu'un Pan ma ba yich'oj levadura, te Q'uin yu'un Semanahetic soc te Q'uin yu'un Yaxna. Ma me ayuc jtuhluc te jochol sc'ab ya xtal stehc'an sba ta stojol te Jehová;

1 Samuel 5:11

Ha yu'un la sticonic ta iq'uel te príncipaletic yu'un te filisteohetic, hich la yalbeyic: Ticonahic bahel te scaxahul te chapbil-c'op yu'un te Dios yu'un Israel, ac'a suhtuc bahel ta banti te lugar yu'un, scuenta yu'un ma ba ya smilotcotic soc te jlumalcotic, xchihic; como ay buen tulan xiwel scuenta lajel ta spisil te pueblo, como tulan yac'oj sc'ab Dios tey a.

1 Samuel 5:7

C'alal hich la yilic, hich la yalic te mach'atic ayic ta Asdod: Ma me xhil ta cohliltic te scaxahul te chapbil-c'op yu'un te Dios yu'un Israel, yu'un tulan yac'oj tal sc'ab ta jtojoltic soc ta stojol te Dagón te dios cu'untique, xchihic.

1 Samuel 5:9

Pero te c'alal la yich'ic bahel tey a, tulan la yac' tal sc'ab te Jehová ta scontrahinel te pueblo, la yac' buen xiwel; soc la ya'be swocolic te mach'atic ayic ta pueblo, muc' biq'uit hahch siht'el yu'unic.

1 Samuel 6:8

Tsacahic te scaxahul te chapbil-c'op yu'un Jehová, mohtesahic ta carreta, soc ya me awotsesic ta caja ta sts'ehl te bintic pasbil ta oro te ya xtuhun awu'unic scuenta mahtanil yu'un stahel falta; hich yac acoltayic bahel.

1 Samuel 6:9

Soc ya me awilic bahel; teme ya xmo bahel ta sbehlal te sq'uinal ta Bet-semes, yu'un ha nix la ya'botic te bayel jwocoltic ini; yan teme ma teyuc ya xbaht a, hich ya jna'tic a te ma ha'uc te sc'ab Dios te la ya'botic jwocoltic, yu'unix hich nax talem a, xchihic.