1 Samuel 6:21 - Bible in Tzeltal Bachajón

²¹ Ha yu'un la sticonic bahel c'op ta stojol te mach'atic nahinemic ta Quiriat-jearim, hich la yalbeyic: Te filisteohetic la sticonic suhtel tal te scaxahul te chapbil-c'op yu'un Jehová; la', ich'ahic bahel, xchihic.

Bible in Tzeltal de Oxchuc y Tenejapa

²¹ La sticunic c'op ta stojolic te yajwal lum Quiriat-jearim, jich la yalic: “Te filisteoetic la sticuniquix sujt'el tel te cajón yu'un Cajwaltic, la' ich'aic bael”, xi' te sc'opique.

1 Samuel 6:21 ပူးပေါင်းရင်းမြစ်များ

2 Samuel 6:2

Hahch bahel ta Baala ta Judá soc spisil te winiquetic sjoquinej, yu'un ya yich' mohel tey a te scaxahul te chapbil-c'op yu'un Dios, te banti ya yich' halbeyel sbihil te Jehová te scuentahinej spisil, te hucul ta yohlil te querubinetique.

Salmos 78:60

Ha yu'un la yihquitay te nahilpac' templo ta Silo, te nahilpac' banti nahinem ta yohlil te ants-winiquetique.

Jeremías 26:20

Ay yan winic te c'opoj ta sc'op-jalwanej ta scuenta sbihil Jehová, ha te Urías snich'an Semaías, te talem ta Quiriat-jearim, c'opoj ta scontrahinel te pueblo soc te q'uinal ini, hich te bin ut'il la yal te Jeremías.

Jeremías 7:12

Bahanic ta lugar cu'un ta Silo ta banti la jcac' te jbihil ta shahchibal, ilawilic bin la jpasbe ta scaj schopolil te Israel te pueblo cu'une.

Jeremías 7:14

hich nix ya jpasbe te na ini te yich'beyejon te jbihile, te ha smuc'ulinej awo'tanic, te la jca'beyex soc te ame'atatique.

Josué 15:60

Quiriat-baal (ha te Quiriat-jearim) soc Rabá; cheb pueblohetic soc te tut pueblohetic yu'unique.

Josué 15:9

ta bahwits ya yac' buelta c'alal ta sloq'uib-ha' yu'un te ha'etic yu'un Neftoa, ya xbaht xan c'alal ta pueblohetic yu'un te wits Efrón, tey ya yac' buelta c'alal ta Baala, ha te Quiriat-jearim;

Josué 18:14

La yac' buelta ta stojol banti ya xmahl c'ahc'al ta stojol sur yu'un te wits te snuhp'usitayej sba soc Bet-horón, c'oht ta loq'uel ta Quiriat-baal (ha te Quiriat-jearim), ha te pueblo yu'un te sts'umbal Judá. Ha te mojon ta stojol banti ya xmahl c'ahc'al.

Josué 9:17

Hich loq'uic bahel te snich'nab Israel, ta yoxebal c'ahc'al c'ohtic ta banti pueblohetic yu'unic, ha te Gabaón, Cafira, Beerot soc Quiriat-jearim.

Jueces 18:12

Baht spas scampamentohic ta Queriat-jearim ta sq'uinal Judá. Ha scuentahil te Campamento yu'un Dan sbihil c'oht te lugar te ay ta stojol smahlib c'ahc'al yu'un Queriat-jearim c'alal ora.