1 Samuel 6:17 - Bible in Tzeltal Bachajón

¹⁷ Ha'ic ini te ho'eb colel siht'el pasbilic ta oro te la ya'beyic Jehová te filisteohetic scuenta mahtanil yu'un stahel falta: jujun yu'unic te Asdod, Gaza, Ascalón, Gad soc Ecrón.

Bible in Tzeltal de Oxchuc y Tenejapa

¹⁷ Te jo'eb sijt'ubel pasbil ta oro te la yac' te filisteoetic swenta slectesjibal yo'tan te Cajwaltic, jujun c'oem ta swenta te lum Asdod, Gaza, Ascalón, Gad soc Ecrón.

1 Samuel 6:17 ပူးပေါင်းရင်းမြစ်များ

2 Samuel 1:20

Ma me xawalic ta Gat, soc ma me xawalic ta callehetic ta Ascalón, scuenta yu'un ma me tse'eluc yo'tanic a te yantsil-nich'nab te filisteohetic, scuenta yu'un ma ba ya xwihlic yu'un yutsil yo'tanic te yantsil-nich'nab te mach'atic ma ba yich'ojic circuncisión.

2 Samuel 21:22

Ta schanebalic ini, te sts'umbal te nahtil winiquetic ta Gat, lajic ta milel yu'un David soc te winiquetic yu'une.

2 Reyes 1:2

Te Ocozías yahl cohel ta ventana ta scha'cajal sna te ay ta Samaria, tsahc ta chamel yu'un. Ha yu'un la sticon bahel a'batetic te hich la yalbe: Bahanic, joc'obeya te Baal-zebub te dios yu'un Ecrón teme ya xc'ax cu'un te jchamele, xchi.

2 Crónicas 26:6

Te Uzías loc' bahel ta ya'beyel guerra te filisteohetic, la sjimbe sts'ahcul te Gat, Jabnia soc Asdod. La spas pueblohetic ta sq'uinal Asdod soc ta bayuc ta sq'uinal te filisteohetique.

Jeremías 25:20

soc spisil te jyanlumetic ta yohlilic; spisil te ajwaliletic yu'un te sq'uinal Uz soc spisil te ajwaliletic yu'un te sq'uinal filisteohetic: ha yu'un Ascalón, Gaza, Ecrón soc te mach'atic hilemic ta Asdod;

Levítico 5:7

Teme ma xhu' yu'un jcoht jcolel tuminchij, ya me yic' tal ta stojol Jehová cheb xpuliwoc o cheb jcolel stsuhmut scuenta stojel smul te stahoje, jcoht scuenta stojel mulil, jcoht scuenta scohtol chic'bil mahtanil.

Amós 1:6

Hich yaloj te Jehová: Ta scuenta oxchahp mulil yu'un Gaza, ta scuenta chanchahp, ma ba ya jcom te castigo yu'une; como la yic' bahel ta chuquel spisil te jun pueblo yu'un ya ya'be ta sc'ab Edom.

Amós 6:2

Bahan ta Calne, ilawilic, c'axan bahel ta muc'ul Hamat patil cohanic bahel ta Gat yu'un te filisteohetique. ¿Yu'un bal c'ax lec xan te ha'ex te bin ut'il te nacionetic ini? ¿Yu'un bal c'ax muc' xan te sq'uinalic te bin ut'il te aq'uinalique?

Deuteronomio 28:27

Te Jehová ya me ya'bat te c'ahc'al chin yu'un Egipto, soc chacaletic, sal soc bayel sac'al te ma xhu' ya xlecubat yu'une.

Jueces 1:18

Te winiquetic yu'un Judá ha nix hich la yu'untayic te Gaza, Ascalón, soc Ecrón soc te q'uinal yu'unique.

Jueces 14:19

Te espíritu yu'un Jehová hul soc yu'el ta stojol Sansón, hich co bahel ta Ascalón, la smil lajuneb scha'winic (30) ta tuhl winiquetic tey a. La yich'be bahel sc'u'ic, ha baht stoj a te mach'atic la sna'beyic scuentahil te chucul c'ope; ilinem a suht bahel ta sna te state.

Jueces 16:1

Te Sansón baht ta Gaza, la yil jtuhl j'antsinel-ants tey a, la sjoquin ta wayel.

Jueces 16:21

Te filisteohetic la stsaquic, la sloq'uesbeyic sit, la yiq'uic bahel ta Gaza, soc la schuquic ta cadenahetic pasbilic ta bronce scuenta yu'un ya sbehentes molino ay ta cárcel.

1 Samuel 5:1

Te filisteohetic, c'alal la spojic te scaxahul te chapbil-c'op yu'un Dios, la yich'ic hahchel ta Eben-ezer, bahtic soc ta Asdod.

1 Samuel 5:10

Ha yu'un la sticonic bahel ta Ecrón te scaxahul te chapbil-c'op yu'un Dios. Pero c'alal c'oht ta Ecrón, te mach'atic ayic ta Ecrón hich hahchic ta aw: La yich'botiquix tal te scaxahul te chapbil-c'op yu'un te Dios yu'un Israel scuenta yu'un ya smilotic soc te jlumaltic, xchihic ta xiwel.

1 Samuel 5:8

Ha yu'un la sticonic ta iq'uel tal spisil te príncipaletic yu'un te filisteohetic, hich la sjoc'obeyic: ¿Bin ya jpascotic soc te scaxahul te chapbil-c'op yu'un te Dios yu'un Israel? xchihic. C'asesahic bahel ta Gat te scaxahul te chapbil-c'op yu'un te Dios yu'un Israel, xchihic. Hich la sc'asesic bahel tey a te scaxahul te chapbil-c'op yu'un te Dios yu'un Israel.

1 Samuel 6:4

¿Bin mahtanil yu'un stahel falta ya ca'becotic? xchihic. Hich la sjaq'uic: Ho'eb sloc'omba siht'el pasbil ta oro soc ho'eb sloc'omba ch'o pasbil ta oro, hich yipal te jaytuhl príncipaletic yu'un te filisteohetic, como junax te chamel awich'ojic ta apisilic soc te príncipaletic awu'unique.