1 Samuel 5:9 - Bible in Tzeltal Bachajón

⁹ Pero te c'alal la yich'ic bahel tey a, tulan la yac' tal sc'ab te Jehová ta scontrahinel te pueblo, la yac' buen xiwel; soc la ya'be swocolic te mach'atic ayic ta pueblo, muc' biq'uit hahch siht'el yu'unic.

Bible in Tzeltal de Oxchuc y Tenejapa

⁹ Pero te c'alal la yich'ic c'axel, te Cajwaltic la yac' xan jajch'icuc ta buen xiwel. Spisil yajwal lum la yac' jajch'uc sijt'ubelic ta spisil, muc'-biq'uitetic.

1 Samuel 5:9 ပူးပေါင်းရင်းမြစ်များ

Salmos 78:66

La stenticlan suhtel te scontratac; la yac'ticlan ta q'uexlal sbahtel q'uinal.

Amós 5:19

Hich ya xc'oht te bin ut'il mach'a ya x'ahn loq'uel ta stojol choj, ya sta sba soc oso; o hich te bin ut'il te mach'a ya x'och ta sna soc ya yich' yip sc'ab ta pahc', ya xti'ot ta chan.

Deuteronomio 2:15

Te sc'ab Jehová tal ta stojolic yu'un ya slajinlan ta yohlil te campamento ha to c'alal cham spisilic.

1 Samuel 12:15

Yan teme ma ba yac awa'iybeyic sc'op te Jehová, teme yac atoy abahic ta stojol te mandariletic yu'une, ya me scontrahinex te sc'ab Jehová hich te bin ut'il la scontrahin te ame'atatique.

1 Samuel 5:10

Ha yu'un la sticonic bahel ta Ecrón te scaxahul te chapbil-c'op yu'un Dios. Pero c'alal c'oht ta Ecrón, te mach'atic ayic ta Ecrón hich hahchic ta aw: La yich'botiquix tal te scaxahul te chapbil-c'op yu'un te Dios yu'un Israel scuenta yu'un ya smilotic soc te jlumaltic, xchihic ta xiwel.

1 Samuel 5:11

Ha yu'un la sticonic ta iq'uel te príncipaletic yu'un te filisteohetic, hich la yalbeyic: Ticonahic bahel te scaxahul te chapbil-c'op yu'un te Dios yu'un Israel, ac'a suhtuc bahel ta banti te lugar yu'un, scuenta yu'un ma ba ya smilotcotic soc te jlumalcotic, xchihic; como ay buen tulan xiwel scuenta lajel ta spisil te pueblo, como tulan yac'oj sc'ab Dios tey a.

1 Samuel 5:6

Tulan c'oht te sc'ab Jehová ta stojol te mach'atic ayic ta Asdod soc ta sjoyobal, la sjinticlan soc la yac'ticlambe coluc siht'el.

1 Samuel 6:11

Patil la smohtesic ta carreta te scaxahul te chapbil-c'op yu'un Jehová soc te caja te banti ay te ch'ohetic pasbil ta oro soc te loc'ombahetic yu'un colel siht'el.

1 Samuel 7:13

Hich tsalbil c'ohtic te filisteohetic, ma ba la yochintaybeyic xan te sq'uinal Israel. Te sc'ab Jehová la scontrahin te filisteohetic te jayeb c'ahc'al cuxul te Samuel.