1 Samuel 5:7 - Bible in Tzeltal Bachajón

⁷ C'alal hich la yilic, hich la yalic te mach'atic ayic ta Asdod: Ma me xhil ta cohliltic te scaxahul te chapbil-c'op yu'un te Dios yu'un Israel, yu'un tulan yac'oj tal sc'ab ta jtojoltic soc ta stojol te Dagón te dios cu'untique, xchihic.

Bible in Tzeltal de Oxchuc y Tenejapa

⁷ C'alal la yil te yajwal lum Asdod te bi yac ta c'oel ta pasele, jich la yalic: —Te scajonil trato te Dios yu'un israeletic, ma xju' ya xjil ta coliltic, melel te Dios yu'unique, yac yac'belotic buen tulan castigo soc te Dagón te dios cu'untique —xiic.

1 Samuel 5:7 ပူးပေါင်းရင်းမြစ်များ

2 Samuel 6:9

Te David bayel la xi' te Jehová ta hich ora, hich la yal: ¿Bin ut'il ya xhu' ya xtal ta jtojol te scaxahul te chapbil-c'op yu'un Jehová? xchi.

1 Crónicas 15:13

Te bin ut'il ma hichuc la apasic ta nahil to, te Jehová te Dios cu'untic ilin ta jtojoltic ta scaj te ma ba la jlehtic hich te bin ut'il yaloj ta mandar, xchi.

Éxodo 10:7

Ha yu'un te a'batetic yu'un faraón hich la yalbeyic: ¿Ban c'alal ya ya'botic jwocoltic te winic ini? Ac'a bahel te winiquetic scuenta yu'un ya sch'uhuntayic te Jehová te Dios yu'unique. ¿Yu'un bal ma to xana' te jihnemix te Egipto? xchihic.

Éxodo 12:33

Te egipciohetic la sujic loq'uel te pueblo Israel te yacuc xloq'uic bahel ta ora ta sq'uinalic, yu'un hich la yalic: Ya xchamotcotic ta jpisilcotic, xchihic.

Éxodo 8:28

La yal te faraón: Ya caq'uex bahel yu'un yac awa'beyic milbil smahtan te Jehová te Dios awu'unic ta jochol taquin q'uinal, pero ma ba c'ax namaluc ya xbahex. C'opombonic me Dios, xchi.

Éxodo 8:8

Ha yu'un te faraón la sticon ta iq'uel te Moisés soc Aarón, hich la yalbe: C'opona te Jehová te yacuc sloq'ues bahel te xch'uch'etic ta jtojol soc ta stojol te pueblo cu'un, ya cac' loc'uc bahel te pueblo awu'un yu'un ya ya'beyic milbil smahtan te Jehová, xchi.

Éxodo 9:28

C'opona te Jehová, yu'un tic' a te chahwuc yu'un Dios soc te bat. Ya caq'uex bahel, ma ba ya jcomexix, xchi.

Jeremías 46:25

Hich yaloj te Jehová te scuentahinej spisil, te Dios yu'un Israel: Ya ca'be castigo te Amón te dios yu'un Tebas, te faraón, Egipto soc te diosetic soc te ajwaliletic yu'un, soc te mach'atic smuc'ulinej yo'tanic te faraón.

Jeremías 48:7

Te bin ut'il ha smuc'ulinej awo'tanic te awa'telic soc ac'ulejalic, ha nix hich ya me awich' tsaquel. Te Quemos ya x'ic'ot bahel ta chuquel soc te sacerdotehetic soc te príncipaletic yu'une.

1 Samuel 4:8

¡Ay me jwocoltic yo'tic! ¿Mach'a ya xhu' ya scoltayotic loq'uel ta sc'ab te diosetic ini te ay bayel yu'elic? Ha te diosetic te la ya'beyic spisil ta chahp castigohetic te egipciohetic ta jochol taquin q'uinal.

1 Samuel 5:6

Tulan c'oht te sc'ab Jehová ta stojol te mach'atic ayic ta Asdod soc ta sjoyobal, la sjinticlan soc la yac'ticlambe coluc siht'el.

1 Samuel 5:8

Ha yu'un la sticonic ta iq'uel tal spisil te príncipaletic yu'un te filisteohetic, hich la sjoc'obeyic: ¿Bin ya jpascotic soc te scaxahul te chapbil-c'op yu'un te Dios yu'un Israel? xchihic. C'asesahic bahel ta Gat te scaxahul te chapbil-c'op yu'un te Dios yu'un Israel, xchihic. Hich la sc'asesic bahel tey a te scaxahul te chapbil-c'op yu'un te Dios yu'un Israel.

1 Samuel 6:20

Hich la yalic te mach'atic ayic ta Bet-semes: ¿Mach'a ya xhu' ya stehc'an sba ta stojol te Jehová, te ch'ul Diose? ¿Mach'a ya yich'botic loq'uel ta jtojoltic te scaxahul te chapbil-c'op? xchihic.