1 Samuel 5:3 - Bible in Tzeltal Bachajón

³ C'alal hahchic ta sab ta yan c'ahc'al te mach'atic ayic ta Asdod, pacal ta lum a te Dagón ta stojol te scaxahul te chapbil-c'op yu'un Jehová. La stamic hahchel te Dagón, la yaq'uic ta yawil.

Bible in Tzeltal de Oxchuc y Tenejapa

³ C'alal sacub q'uinal, c'otic ta stemplo te yajwal Asdod, ch'ayem coel ta lum a c'o staic te Dagón, ta elawal yu'un te scajonil trato yu'un Dios. La stamic jajch'el te Dagón, tey la yaq'uic ta banti yawil nix.

1 Samuel 5:3 ပူးပေါင်းရင်းမြစ်များ

1 Reyes 18:26

Hich la yiq'uic tal te toro te a'botic, la schahpanic, soc la sc'oponic te Baal c'alal ta sab ha to ta ohlil c'ahc'al, hich yac yalbelic: ¡Baal, jac'a jc'opcotic! xchihic. Pero mayuc chicnaj sc'op, mayuc mach'a la sjac'.

Salmos 115:7

ay sc'abic, pero mayuc bin ya stsaquic; ay yoquic, pero ma xbehenic; soc ma xc'opojic ta snuq'uic.

Salmos 97:7

Ya xq'uexawic spisil mach'atic ya sch'uhuntayic loc'ombahetic, ha te mach'atic stoyoj sbahic yu'un te loc'ombahetique. Spisil te diosetic ya squejan sbahic ta stojol.

Éxodo 12:12

Ha nix ta ahc'abal a ya xc'axon ta sq'uinal Egipto soc ya jmil spisil ba-alaletic soc sba-al chambahlametic ta sq'uinal Egipto; soc ya ca'be castigo spisil te diosetic yu'un Egipto. Ho'on Jehovahon.

Isaías 19:1

Ha te bin halbot sc'oblal te Egipto: Ilawil te Jehová mohem ta sba tocal te ya x'ahnimaj bahel, ya x'och bahel ta Egipto. Te loc'ombahetic yu'un Egipto ya xnihquic ta stojol, soc xcham yo'tanic te egipciohetique.

Isaías 40:20

Te mach'a pobre, ya stsabe ste'el te ma xjoch'ob; ya sle te mach'a p'ijuben ta spasel, yu'un ya spasbe loc'omba te ma xpuch'.

Isaías 41:7

Te carpintero ya ya'be smuc'ul yo'tan te j'ultesej taq'uin, te mach'a ya sch'ul ta martillo ya ya'be smuc'ul yo'tan te mach'a ya sten taq'uin ta stenojibal, hich ya yalbe: Lec ay banti lap'bil, xchi. Patil ya ya'be clavo yu'un ma syuc' sba a.

Isaías 46:7

Ya sq'uechic bahel, ya yaq'uic ta yawil; tey ya xhil a, ma stij sba ta yawil. Aunque ya yawtayic, ma ba ya sjac', ma ba ya scoltaylan loq'uel ta swocolic.

Jeremías 10:8

Spisilic sonsohetic soc ma sna'ic q'uinal; nohptesbilic yu'un loc'ombahetic pasbil ta te' te ma xtuhunique.

Sofonías 2:11

Te Jehová xiweltic sba ya xc'oht ta stojolic, ya sjinticlan spisil te diosetic ta q'uinal; spisil te nacionetic ta sti'il te q'uinal ya me squejan sbahic ta stojol tey nix ta banti ayique.

San Marcos 3:11

Te bohl espírituhetic, c'alal la yilic te Jesús, la squejan sbahic ta stojol soc la yalic: Ha'at Snich'anat te Diose, xchihic ta aw.

1 Samuel 6:1

Huqueb u halaj ta sq'uinal filisteohetic te scaxahul te chapbil-c'op yu'un Jehová.

1 Samuel 6:5

Pasahic sloc'ombahil te siht'el awu'unic soc te ch'ohetic yac sjimbelic te q'uinale, soc halbeyahic yutsilal te Dios yu'un Israel; ya wan sloq'ues sc'ab ta atojolic, ta stojol te diosetic awu'unic soc ta stojol te aq'uinalique.