1 Samuel 5:11 - Bible in Tzeltal Bachajón

¹¹ Ha yu'un la sticonic ta iq'uel te príncipaletic yu'un te filisteohetic, hich la yalbeyic: Ticonahic bahel te scaxahul te chapbil-c'op yu'un te Dios yu'un Israel, ac'a suhtuc bahel ta banti te lugar yu'un, scuenta yu'un ma ba ya smilotcotic soc te jlumalcotic, xchihic; como ay buen tulan xiwel scuenta lajel ta spisil te pueblo, como tulan yac'oj sc'ab Dios tey a.

Bible in Tzeltal de Oxchuc y Tenejapa

¹¹ Melel ta spamal lum pujc' buen tulan xiwel yu'un lajel, scaj te tulan castigo ticunbotic yu'un te Diose. Ja' yu'un la sticunic ta iq'uel te ajwalil-filisteoetique. Jich la yalbeyic: —Ich'aic bael te scajonil trato te Dios yu'un Israel. Sutaic bael ta yawil, swenta yu'un ma me ba ya smilotic jpisiltic a —xiic.

1 Samuel 5:11 ပူးပေါင်းရင်းမြစ်များ

Éxodo 10:7

Ha yu'un te a'batetic yu'un faraón hich la yalbeyic: ¿Ban c'alal ya ya'botic jwocoltic te winic ini? Ac'a bahel te winiquetic scuenta yu'un ya sch'uhuntayic te Jehová te Dios yu'unique. ¿Yu'un bal ma to xana' te jihnemix te Egipto? xchihic.

1 Samuel 5:10

Ha yu'un la sticonic bahel ta Ecrón te scaxahul te chapbil-c'op yu'un Dios. Pero c'alal c'oht ta Ecrón, te mach'atic ayic ta Ecrón hich hahchic ta aw: La yich'botiquix tal te scaxahul te chapbil-c'op yu'un te Dios yu'un Israel scuenta yu'un ya smilotic soc te jlumaltic, xchihic ta xiwel.

1 Samuel 5:6

Tulan c'oht te sc'ab Jehová ta stojol te mach'atic ayic ta Asdod soc ta sjoyobal, la sjinticlan soc la yac'ticlambe coluc siht'el.

1 Samuel 6:5

Pasahic sloc'ombahil te siht'el awu'unic soc te ch'ohetic yac sjimbelic te q'uinale, soc halbeyahic yutsilal te Dios yu'un Israel; ya wan sloq'ues sc'ab ta atojolic, ta stojol te diosetic awu'unic soc ta stojol te aq'uinalique.