1 Samuel 4:5 - Bible in Tzeltal Bachajón

⁵ Te c'alal c'oht ta campamento te scaxahul te chapbil-c'op yu'un Jehová, spisil Israel hahchic ta tulan aw, la snihc sba te lum yu'un.

Bible in Tzeltal de Oxchuc y Tenejapa

⁵ Te c'alal c'ot yu'unic ta campamento te scajonil trato yu'un Cajwaltic, xch'inlajanic jajch'el ta aw swenta yutsil yo'tanic, asta la stij sba te lumq'uinal yu'un yawique.

1 Samuel 4:5 ပူးပေါင်းရင်းမြစ်များ

2 Samuel 15:24

Ha nix hich baht te Sadoc soc spisil te levitahetic te yich'ojic te scaxahul te chapbil-c'op yu'un Dios; la yaq'uic hilel te scaxahul te chapbil-c'op ta sts'ehl te Abiatar ha to c'alal laj ta loq'uel tal spisilic ta pueblo.

1 Reyes 1:40

Patil spisil te pueblo la st'unic mohel, yacalic ta yoq'uesinel bahel flautas; bayel yutsil yo'tanic, hich ya'iyel te ya snic sba te lumq'uinal yu'un te yawique.

Job 20:5

te com nax te stse'elil yo'tan te mach'a chopol yo'tan, te jts'ihn nax ay yutsil yo'tan te mach'a ma ba sch'uhunej Dios?

Jeremías 7:4

Ma me smuc'ulin awo'tanic te lotil c'opetic ini, te hich ya yal: ¡Ha templo yu'un Jehová, ha templo yu'un Jehová, ha templo yu'un Jehová! te xchihe.

Amós 6:3

¡Ha'ex te yac ac'anic te namal ya xhil te chopol sc'ahc'alel, yac awaq'uic nohpojuc tal te cuentahinel yu'un te tulan uts'inele!

Miqueas 2:11

Teme ay mach'a yac snopbel bin ma meleluc, te hich ya yal ta lot: Ya calbat sc'oblal vino soc tulan uch'balil, teme xchihe, ha me jalwanej ya sc'an te pueblo ini.

Josué 6:20

Ha yu'un awonic te pueblo, soc te sacerdotehetic la yoq'uesinic te xulubiletique. C'alal la ya'iybeyic yoq'uel xulubil te pueblo, buen tulan awonic, hich hemts'uj cohel te ts'ahque. Jujutuhl toj ochic bahel ta Jericó, hich la stsalic.

Josué 6:5

Te c'alal ya xhalaj ta oq'uesinel te xulub tat tuminchij, te c'alal yac awa'iybeyic yoq'uel, tulan ya x'awonic spisil te pueblo, hich ya xjihn cohel te sts'ahcul te pueblohe; tuhlultuhl toj me ya x'ochic bahel, xchi.

Jueces 15:14

C'alal c'ohtic ta Lehi, te filisteohetic yacalic ta aw a loq'uic tal stahic. Pero te espíritu yu'un Jehová hul soc yu'el ta stojol Sansón. Te lazohetic te chucajtic sc'ab a, hich c'oht te bin ut'il lino te c'ahq'uem, hich ch'ay cohel te bin chucul a te sc'abe.

1 Samuel 4:6

Te c'alal la ya'iyic te filisteohetic te tulan aw, hich la yalic: ¿Bin yu'un te tulan aw ta campamento yu'un te hebreohetic? xchihic. Te c'alal la ya'iyic te ha te scaxahul te chapbil-c'op yu'un Jehová te hulix yu'unic ta campamento,