1 Samuel 4:2 - Bible in Tzeltal Bachajón

² Te filisteohetic la schol sbahic ta ya'beyel guerra te Israel; tulanij te guerra, te Israel tsalotic yu'un te filisteohetic, milotic lajunbahc' (4,000) ta tuhl winiquetic ta banti la spasic guerra.

Bible in Tzeltal de Oxchuc y Tenejapa

² La xchajban sbaic jajch'el, ba staic te israeletique. Jich jajch' te guerra yu'unique. Ja' ju' yu'unic te filisteoetique, ja' tsalotic te israeletic, chanmil (4,000) ta jtul laj te swinic ta campo te banti la stsac sbaic ta guerra.

1 Samuel 4:2 ပူးပေါင်းရင်းမြစ်များ

Lamentaciones 3:40

Ac'a jtsahtaytic ta lec te behetic cu'untic, ac'a suhtucotic xan ta stojol Jehová.

Levítico 26:37

Ya syahlteslan sbahic hich te bin ut'il yacalic ta ahnel yu'un espada, aunque mayuc mach'a nutsbilic yu'un. Ma xhu' awu'unic te yac atehc'an abahic ta stojol te acontrahique.

Números 14:45

Hich cohic tal te amalec soc te cananeo te nahinemic tey ta wits, la yehchentesic te israeletic soc la slajinic, la snutsic bahel c'alal ta Horma.

Josué 7:12

Ha scuentahil te ma xhu' ya stsalic te scontra te snich'nab Israel, te ha ya xloq'uic ta ahnel ta stojol te scontra, como ha'ic nix parte ac'biliquix ta scuenta lajel. Ma ba ya joquinexix teme ma ba yac alajin ta awohlilic te bintic parte ac'bil ta scuenta lajel.

1 Samuel 17:21

La schol sbahic ta guerra te Israel soc te filisteohetic, snuhp'usitayej sbahic ta scha'chahpal soldadohetic.

1 Samuel 17:8

Te Goliat la stehc'an sba, hich la yawtay te soldadohetic yu'un Israel: ¿Bin yu'un achapoj abahic ta yaq'uel guerra? ¿Ma bal filisteohucon, soc te ha'ex ya'batex Saúl? Tsahahic loq'uel tal jtuhluc winic ta awohlilic te ya jtsac jba soc.

1 Samuel 4:1

Te sc'op Samuel c'oht ta stojol spisil Israel. Ha yorahil a te Israel loc' bahel ta ya'beyel guerra te filisteohetic; c'oht spas scampamentohic ta Eben-ezer, yan te filisteohetic c'oht spas scampamentohic ta Afec.

1 Samuel 4:10

Ha yu'un te filisteohetic la ya'beyic guerra. Tsalot te Israel, jujutuhl bahtic ta ahnel ta snahilpaq'uic, bayel lajic ta milel, ha ho'lajunbahc' yoxpic (30,000) ta tuhl winiquetic.

1 Samuel 4:3

Te c'alal suhtic ta campamento te winiquetic, hich la yalic te mamaletic yu'un Israel: ¿Bin yu'un te Jehová la yac'otic ta tsalel yo'tic ta stojol te filisteohetique? Conic ta Silo, ya quich'tic tal te scaxahul te chapbil-c'op yu'un Jehová, scuenta yu'un teme ay ta cohliltic ya me scoltayotic ta sc'ab te jcontratique, xchihic.