1 Samuel 4:17 - Bible in Tzeltal Bachajón

¹⁷ La sjac' te winic: Te Israel loc' ta ahnel ta stojol te filisteohetic soc c'ax bayel lajiquix. Soc lajix schebal te anich'nab, ha te Ofni soc Finees, soc ich'ot bahel te scaxahul te chapbil-c'op yu'un Dios, xchi.

Bible in Tzeltal de Oxchuc y Tenejapa

¹⁷ La sjac' te winique: —Te joytic ta israele, loq'uiquix ta anel ta stojol te filisteoetique. Soc mero bayal te milele. Tey lajix xchebal a te anich'nabe, ja' te Ofni soc Finees. Soc nix te scajonil trato yu'un Dios, ochix ta sc'abic te filisteoetique —xi'.

1 Samuel 4:17 ပူးပေါင်းရင်းမြစ်များ

Salmos 78:61

La yac' ta chuquel bahel te seña yu'el, ha te yutsilal ta sc'ab scontra.

Salmos 78:64

Te sacerdotehetic yu'unic lajic ta espada, te me'ba' antsetic yu'unic ma ba oq'uetayotic yu'unic.

1 Samuel 2:34

Ha me seña awu'un ini te bin ya xc'oht ta pasel ta stojol te cha'tuhl anich'nab, ha te Ofni soc Finees: ta schebalic ya me xlajic ta junax c'ahc'al.

1 Samuel 3:11

Te Jehová la yalbe te Samuel: Ay bin ya cac' c'ohtuc ta pasel ta stojol Israel, te mach'a ya ya'iy ya me xc'opoj schiquinic yu'un.

1 Samuel 3:12

Ha yorahil a te ya cac' c'ohtuc ta pasel ta stojol Elí spisil te bin la jcalbe sc'oblal te mach'atic ay yu'un, c'alal ta shahchibal ha to ta slajibal.

1 Samuel 4:16

Te winic hich c'oht yalbe te Elí: Tojon tal ta banti ay te guerra, colonix loq'uel tal tey a, xchi. ¿Bin c'ohem ta pasel hiche, jnich'an? xchi te Elí.

1 Samuel 4:18

Te c'alal la sta ta halel te scaxahul te chapbil-c'op yu'un Dios, te Elí jawts'uj cohel ta shuctajib ta ti' puerta, wac' snuc', hich cham, como mamalix soc bayel yalal. Ha juez ta Israel cha'winic (40) ha'bil.