1 Samuel 4:12 - Bible in Tzeltal Bachajón

¹² Loc' ta ahnel ta guerra jtuhl winic yu'un Benjamín, c'oht ta Silo ta yorahil nix, ch'i'em sc'u' soc ay ts'u'lum ta sjol.

Bible in Tzeltal de Oxchuc y Tenejapa

¹² Pero ay jtul soldado sts'umbal Benjamín te ju' yu'un te loc' ta anel ta yolil te guerrae. Bajt' ta animal, jun nax c'aal c'ot c'alal ta Silo, jatsemtic sc'u' soc yac'oj lum ta sjol swenta seña mel-o'tan.

1 Samuel 4:12 ပူးပေါင်းရင်းမြစ်များ

2 Samuel 1:2

ta yoxebal c'ahc'al c'oht jtuhl winic te hahch tal ta campamento yu'un Saúl, ch'i'emtic sc'u' spac' soc ya'tinej ts'u'lum sjol a. C'alal c'oht ta stojol David, la spahcan sba ta lum scuenta yich'el ta muc' te David.

2 Samuel 13:19

Te Tamar la yac' tan ta sjol, la sch'i' te snahtil-c'u' slapoj, la yac' sc'ab ta sjol, yac ta aw bahel.

2 Samuel 15:32

C'alal c'oht ta ba wits te David te banti ya yich' ch'uhunel te Diose, loc' tal ta stojol te Husai te arquita-winic, ch'i'emtic sc'u' soc ya'tinej ts'u'lum te sjole.

Nehemías 9:1

Ta chaneb scha'winic (24) c'ahc'al ta u nix a, te snich'nab Israel la stsob sbahic yu'un ya scom swe'elic, slapojic pac' yu'un mel-o'tan soc yac'ojic ts'ubil lum ta sjolic.

Job 2:12

C'alal namal to ayic a, la shach sitic, ma ba la sna'beyic sba te Job, hich hahchic ta tulan oq'uel. Jujutuhl la sch'i'ic snahtil-c'u'ic, soc yoxebalic la sbuhquiyic mohel ts'u'lum ta sjolic.

Jeremías 26:6

ya cac' te hich ya xc'oht te na ini te bin ut'il Silo soc te pueblo ini ya cac' te ma lecuc sc'oblal ya xc'oht ta stojol spisil te nacionetic ta bahlumilal, xchi.

Ezequiel 24:26

ta hich ora ya xtal ta atojol te mach'a ahn loq'uel tal te ya yalbat te bin c'ohtix ta pasele.

Ezequiel 27:30

Ya me yaq'uic ta a'iyel sc'op ta atojol, soc pich'il yo'tanic ya x'awonic; ya me yac' ts'u'lum ta sjolic, soc ya me sbal sbahic ta tan.

Josué 7:6

Ha yu'un te Josué soc te mamaletic yu'un Israel la sch'i' sc'u'ic yu'un soc la spahcan sbahic ta lum ta stojol te scaxahul te chapbil-c'op yu'un Jehová yalel c'alal ta stibiltayel, soc la yaq'uic tan ta sjolic.