1 Samuel 4:10 - Bible in Tzeltal Bachajón

¹⁰ Ha yu'un te filisteohetic la ya'beyic guerra. Tsalot te Israel, jujutuhl bahtic ta ahnel ta snahilpaq'uic, bayel lajic ta milel, ha ho'lajunbahc' yoxpic (30,000) ta tuhl winiquetic.

Bible in Tzeltal de Oxchuc y Tenejapa

¹⁰ Jich bajt'ic te filisteoetic, ba yac'beyic xan guerra te israeletique. La stsalic, loc' ta anel te israeletic, bajt' ta scampamentoic. Te milaw la yaq'uic te filisteoetic, mero c'axix a, melel lajic lajuneb xcha'winic ta jmil (30,000) te soldado-israeletic te ya xbeen ta yacanique.

1 Samuel 4:10 ပူးပေါင်းရင်းမြစ်များ

2 Samuel 18:17

La yich'beyic bahel te sbaq'uetal Absalón, la sch'ojbeyic cohel ta muc'ul hotol ch'en ta tohyem te'etic. La sbusanic bayel ton ta sba. Spisil Israel ahnic bahel ta snahic.

2 Samuel 18:7

Tey tsalotic a te pueblo yu'un Israel ta stojol te soldadohetic yu'un David. Ta hich ora bayel lajic ta milel, lajic j'ohlil yoxpic (20,000) ta tuhl winiquetic.

2 Samuel 19:8

Ha yu'un hahch te ajwalil, la shuhcan sba ta yochibal te pueblo. C'alal halbot spisil te pueblo: Ha hucul ta yochibal te pueblo te ajwalil, te xchihe, hich tal spisil te pueblo ta stojol te ajwalil. Yan te israeletic, jujutuhl ahniquix bahel ta snahic a.

2 Samuel 20:1

Ay jtuhl chopol winic tey a, Seba sbihil, snich'an Bicri, sts'umbal Benjamín, te la yoq'uesin xulubil soc hich la yal: Mayuc bin ay cu'untic ta stojol David, mayuc bin quich'ojtic yu'un te snich'an Isaí. ¡Ta jujutuhl bahan ta anahic, Israel! xchi.

1 Reyes 12:16

Te c'alal la yilic spisil te pueblo Israel te ma ba ich'otic ta cuenta yu'un te ajwalil, hich la yalbeyic: ¿Bin cocheltic a te David? Mayuc bin ay cu'untic ta scuenta te snich'an Isaí. ¡Bahanic ta anahic, Israel! ¡Cuentahina ana atuquel, David! xchihic. Hich bahtic ta snahic te Israel.

1 Reyes 22:36

C'alal mahl c'ahc'al, hich puhc ta halel ta stojol te soldadohetic: ¡Tuhlultuhl ac'a bahtuc ta slumal, tuhlultuhl ac'a bahtuc ta sq'uinal!

2 Reyes 14:12

Te Judá tsalot yu'un Israel, tuhlultuhl bahtic ta ahnel ta snahic.

2 Crónicas 13:17

Te Abías soc te winiquetic yu'un c'ax bayel la smilic, laj j'ohlil yoxeb scha'winic ta pic (500,000) tsahbilic winiquetic yu'un Israel.

2 Crónicas 25:22

Te Judá tsalot yu'un Israel, jujutuhl ahnic bahel ta snahic.

Salmos 78:9

Te sts'umbal Efraín, aunque yich'ojic st'ihmalte'ic, suht ta spatic ta yorahil guerra.

Jeremías 7:12

Bahanic ta lugar cu'un ta Silo ta banti la jcac' te jbihil ta shahchibal, ilawilic bin la jpasbe ta scaj schopolil te Israel te pueblo cu'une.

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Deuteronomio 28:15

Pero teme ma ba yac awa'iybe sc'op te Jehová te Dios awu'un, teme ma ba yac ac'ohtes ta pasel spisil te mandariletic soc te bintic chapal yu'un te yac calbelat ta ora ini, ya me xtal ta atojol soc ya me stahat spisil te chopol c'oblaliletic ini:

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.

1 Samuel 3:11

Te Jehová la yalbe te Samuel: Ay bin ya cac' c'ohtuc ta pasel ta stojol Israel, te mach'a ya ya'iy ya me xc'opoj schiquinic yu'un.

1 Samuel 4:2

Te filisteohetic la schol sbahic ta ya'beyel guerra te Israel; tulanij te guerra, te Israel tsalotic yu'un te filisteohetic, milotic lajunbahc' (4,000) ta tuhl winiquetic ta banti la spasic guerra.