1 Samuel 31:4 - Bible in Tzeltal Bachajón

⁴ Ha yu'un te Saúl la yalbe te jcuch-a'tejibal yu'un: Loq'uesa te espada awu'un, lowahon a scuenta yu'un ma ha'uc ya xtal slowon ta espada te mach'atic ma ba yich'ojic circuncisión, te hich ya slabanonic a, xchi. Pero te jcuch-a'tejibal yu'un ma ba la sc'an, yu'un bayel xiw. Ha yu'un te Saúl la stsac te espada yu'un, la syahltes sba ta sni'il.

Bible in Tzeltal de Oxchuc y Tenejapa

⁴ Ja' yu'un te Saúl la yalbey te jcuch-at'ejibal ta guerra yu'une: —Loq'uesa te apuñal, milawon a, swenta yu'un ma ja'uc to ya xtal smilonic te mach'atic ma ba xch'uunejic te cuxul Diose, ya me yixlanbonic te jbaq'uetale —xi'. Pero te jcuch-at'ejibal ta guerra yu'une, ma ba la sc'an ya smil, yu'un mero bayal la xi'. Ja' yu'un te Saúl la stsac te spuñal, la xch'oj sba ta sni' spuñal.

1 Samuel 31:4 ပူးပေါင်းရင်းမြစ်များ

2 Samuel 1:1

Te c'alal lajix a te Saúl, te c'alal suhtemix tal a te David ta Siclag ta stsalel te amalequetic, tey ay cheb c'ahc'al a;

2 Samuel 1:14

¿Bin ut'il ay a te ma ba la axi' te la ahach ac'ab ta smilel te mach'a tsahbil yu'un te Jehová? xchi te David.

2 Samuel 1:20

Ma me xawalic ta Gat, soc ma me xawalic ta callehetic ta Ascalón, scuenta yu'un ma me tse'eluc yo'tanic a te yantsil-nich'nab te filisteohetic, scuenta yu'un ma ba ya xwihlic yu'un yutsil yo'tanic te yantsil-nich'nab te mach'atic ma ba yich'ojic circuncisión.

2 Samuel 1:6

Hich la yal te winic: C'alal tey ayon ta wits Gilboa a, la jquil te yich'oj yip ta slanza te Saúl, soc yacalic ta talel ta spat te carretahetic yu'un guerra soc te winiquetic cajajtic ta cawu.

2 Samuel 17:23

Te Ahitofel, c'alal la yil te ma ba la spasic te bin la yal, la schahpan sburro, baht ta sna ta slumal. C'alal laj yalbel mandar ta sna, la sjihpan sba, hich laj; la yich' muquel ta banti mucul te state.

2 Samuel 21:12

baht yich'be tal te sbaquel Saúl soc te sbaquel Jonatán te snich'an te ayic ta stojol te winiquetic yu'un Jabes ta Galaad te elc'ambotic tal yu'unic ta plaza yu'un Bet-sán, te banti jihpambot sbaq'uetalic yu'un te filisteohetic te c'alal la smilic te Saúl ta Gilboa.

1 Reyes 16:18

C'alal la yil te Zimri te tsalbilix te pueblo, och bahel ta sna ajwalil, la ya'be sc'ahc'al te snahe. Tey laj a

1 Reyes 16:27

Te bintic xan sc'oblal te Omri, spisil te bintic la spas soc te bintic muc' hu' yu'un spasel, ts'ihbabil ta libro yu'un te ya'tel ajwaliletic yu'un Israel.

1 Crónicas 10:4

Ha yu'un te Saúl la yalbe te jcuch-a'tejibal yu'un: Loq'uesa te espada awu'un, lowahon a, scuenta yu'un ma ba ya xtal slabanon te mach'atic ma ba yich'ojic circuncisión, xchi. Pero te jcuch-a'tejibal yu'un ma ba la sc'an, como bayel la xi'. Ha yu'un te Saúl la stsac te espada yu'un, la syahltes cohel sba ta sni'il.

Jueces 14:3

Pero halbot yu'un te sme'state: ¿Yu'un bal mayuc ach'ix yu'un awermanotac o ta spisil te jlumaltic, te ya xbaht awic' awihnamin yantsilel te filisteohetic te ma ba yich'ojic circuncisión? xchi. Te Sansón la sjac'be sc'op te stat: C'ambon te ach'ix, yu'un ya jmulan, xchi.

Jueces 9:54

Te Abimelec la yic' tal ta ora te jcuch-a'tejibal yu'un, hich la yalbe: Loq'uesa tal te espada awu'un, milawon a, scuenta yu'un ma hichuc ya xhalbot jc'oblal: Jtuhl ants milot yu'un, ma xchihuc. Ha yu'un te jcuch-a'tejibal yu'un la slow ta espada, hich laj.

1 Samuel 14:6

Hich te Jonatán la yalbe te jcuch-a'tejibal yu'un: La' me, sohlucotic bahel ta banti ay te jchahp soldado yu'un te mach'atic ma ba yich'ojic circuncisión; ay wan bin ya spasbotic te Jehová, como ma ba wocol ya ya'iy stuquel te ya yac' tsalaw, teme ay tsobolic o teme mayuc tsobolic, xchi.

1 Samuel 17:26

Ha yu'un te David la sjoc'obe te mach'atic ayic ta sts'ehl: ¿Bin ya spasbeyic te winic te ya stsal te filisteo ini, te hich ya xlaj sc'oblal a te labanel yu'un Israel? ¿Mach'a ya scuy sba a te filisteo te ma ba yich'oj circuncisión yu'un ya stijbe hahchel yo'tanic te soldadohetic yu'un te cuxul Dios? xchi.

1 Samuel 17:36

Aunque choj, aunque oso, pero te a'bat awu'un la smil. Te filisteo ini te ma ba yich'oj circuncisión pajal ya xc'oht soc, como stijbeyej yo'tan te soldadohetic yu'un te cuxul Dios.

1 Samuel 26:10

Soc la yal xan te David: ¡Yiloj Jehová! ya me x'ehchentesot yu'un Jehová, (chican teme ya xc'oht yorahil te ya xcham, o teme ya xlaj ta guerra),

1 Samuel 31:5

Te c'alal la yil te jcuch-a'tejibal yu'un te lajix te Saúl, ha nix hich la syahltes sba ta sni'il te espada yu'un, pajal laj soc.