1 Samuel 30:8 - Bible in Tzeltal Bachajón

⁸ Te David la sjoc'obe te Jehová: ¿Ya bal jnuts bahel te jpoj-biluquetique? ¿Ya bal xhu' ya jta? xchi. La sjac' te Jehová: Nutsa bahel, ya me ata, soc ya me acoltay tal te mach'atic bahemic ta chuquel, xchi.

Bible in Tzeltal de Oxchuc y Tenejapa

⁸ Te David la sjojc'obey te Cajwaltique, jich la yalbey: —¿Ya bal xju' ya jnuts bael te jpoj-biluquetic? ¿Ya bal xju' ya jta? —xi' ta stojol. La sjac' te Cajwaltic: —Nutsa bael. Ya me ata, soc ya me apojbey sujt'el tel te mach'atic baemic ta chuquele —xi' te Cajwaltique.

1 Samuel 30:8 ပူးပေါင်းရင်းမြစ်များ

Génesis 14:16

Te Abram la yich'be te biluquetic yich'ojic bahel, soc te Lot te snich'ajun, soc sbiluc, te antsetic soc te yantic ants-winiquetique.

2 Samuel 5:19

Ha yu'un te David la sjoc'obe te Jehová: ¿Ya bal ca'be guerra te filisteohetic? ¿Ya bal awa'bon ta jc'ab? xchi. Te Jehová la sjac'be sc'op te David: Bahan, como ya ca'bat ta ac'ab te filisteohetic, xchi sc'oblal.

2 Samuel 5:23

Ha yu'un te David la sjoc'obe te Jehová, hich halbot yu'un: Ma me tojuc xmohat bahel, ya me ajoyic talel ta spatic, tey yac awochintayic a ta banti ay te bálsamo-te'etic.

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Salmos 91:15

Ya sc'oponon, ya me jac'be sc'op; ya joquin c'alal ay ta wocol, ya cac' ta libre soc ya cac' ta ich'el ta muc'.

Éxodo 15:9

Te jcontrahinwanej hich la yal: Ya jnuts bahel, ya jtsac; ya jpuc bahel te bintic pojbil, tic' ya xc'ax co'tan a. Ya jloq'ues te espada cu'un, ya jlajinlan ta jc'ab, xchi.

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

Jueces 20:18

Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

Jueces 20:23

yu'un te snich'nab Israel mohemiquix bahel soc oq'uic ta stojol Jehová c'alal ta yihc'ubel q'uinal, soc la sjoc'obeyic te Jehová: ¿Ya bal suhtotcotic ta ya'beyel guerra te snich'nab Benjamín te quermanocotic? xchihic. La sjac' te Jehová: Bahan, a'beyahic guerra, xchi.

Jueces 20:28

soc te Finees snich'an Eleazar, te snich'an Aarón, tey yac ta a'tel a), hich la yalic: ¿Ya to bal suhtotcotic xan ta ya'beyel guerra te snich'nab Benjamín te quermanocotic, o ma'uquix? xchihic. La yal te Jehová: Mohanic bahel, yu'un pajel ya ca'beyex ta ac'abic, xchi.

Jueces 8:4

Te Gedeón c'oht ta Jordán soc te ho'lajunwinic (300) ta tuhl winiquetic sjoquinej, sohlic bahel, aunque luhbenic, la to snutsic bahel te madianetique.

1 Samuel 10:22

Ha yu'un la sjoc'obeyic xan te Jehová teme ma to ba talem te winique. La yal te Jehová: Li' ayi, snac'oj sba ta yohlil te biluquetic, xchi.

1 Samuel 14:37

Hich te Saúl la sjoc'obe te Diose: ¿Ya bal xcohon bahel ta stojol te filisteohetique? ¿Ya bal awa'be ta sc'ab te Israel? xchi. Pero te Jehová ma ba la sjac' ta hich ora.

1 Samuel 23:2

Ha yu'un te David la sjoc'obe te Jehová: ¿Ya bal ca'be guerra te filisteohetic? xchi. Jac'bot yu'un te Jehová: Bahan, a'beya guerra te filisteohetic, coltaya te Keila, xchi sc'oblal.

1 Samuel 23:4

Ha yu'un te David baht sjoc'obe xan te Jehová. Te Jehová hich la yalbe: Hahchan, cohan bahel ta Keila, ho'on ya ca'bat ta ac'ab te filisteohetique, xchi.

1 Samuel 28:6

Te Saúl la sjoc'obe te Jehová, pero te Jehová ma ba la sjac' ta scuenta swayich o ta Urim o jalwanejetic.

1 Samuel 30:18

Spisil te bintic la spojic talel te amalequetic la yich' suhtel te David, soc ha nix hich la yic' suhtel schebal te yihname.

1 Samuel 30:19

Mayuc bin ch'ay yu'unic, muc' biq'uit, ach'ix queremetic o te bintic pojbilic, mayuc bin ch'ay te bintic la yich'ic bahel; spisil la yich' xan suhtel te David.