1 Samuel 30:6 - Bible in Tzeltal Bachajón

⁶ Ay swocol yu'un mel-o'tan te David, como te winiquetic la yalic sch'ojel ta ton, como ta spisil te winiquetic pich'il yo'tanic ta scaj te ach'ix queremetic yu'unique. Pero te David la sta yip yo'tan ta stojol Jehová te Dios yu'une.

Bible in Tzeltal de Oxchuc y Tenejapa

⁶ Te David ma sna' bi ya yut sba scaj te yac ta alel te ya yich' xch'ojel ta ton yu'un te swinictaque, melel spisilic ilinem yo'tanic yu'un te bi c'oem ta pasel ta stojol te snich'nabique. Pero ja' la yipin yo'tan te Cajwaltic te Dios yu'une.

1 Samuel 30:6 ပူးပေါင်းရင်းမြစ်များ

Génesis 32:7

Bayel hahch ta xiwel te Jacob soc bayel la smel yo'tan yu'un. Hich la yac' ta cha'tsohb te mach'atic sjoquinej, soc te tuminchijetic, wacaxetic soc te camellohetic,

2 Samuel 17:8

Soc la yal xan te Husai: Ha'at ana'oj te ma xiwic te atat soc te winiquetic yu'un, soc hahchem slab yo'tanic hich te bin ut'il me' oso te yich'oj pojbeyel yalatac. Soc te atat mero ya sna' yaq'uel guerra, ma ba ya sjoquin ta ahc'abal te pueblo.

2 Reyes 4:27

C'alal c'oht te banti ay te winic yu'un Dios ta wits, la spetbe yoc. Nohpoj tal te Giezi, c'an sjits loq'uel, pero te winic yu'un Dios la yal: Ihquitaya, como ay ta wocol ta mel-o'tan. Te Jehová smucoj, ma ba ya'beyejon jna' bin scuentahil, xchi.

Job 13:15

Aunque ya smilon, ha smuc'ulinej co'tan te Diose. Ya jcoltay jba ta stojol, ya calbe te lec te behetic cu'un,

Salmos 116:10

La sch'uhun co'tan, ha yu'un c'opojon, te c'alal ay bayel jwocol.

Salmos 138:3

Te c'alal la jcawtayat, la ajac'bon jc'op; la awa'bon xan yip co'tan.

Salmos 18:2

Te Jehová ha muc'ul ton cu'un soc ahnibal cu'un, ha j'ac'aw ta libre cu'un; ha Dios cu'un, ha toyol ch'entiquil cu'un te banti ya jnac' jba; ha jmahquil soc yip te colel cu'un, ha toyol ahnibal cu'un.

Salmos 18:6

Ayon ta wocol a te la jc'opon te Jehová, awon ta stojol te Dios cu'une. La ya'iybon jc'op c'alal ta Templo yu'un, c'oht ta schiquin te cawe.

Salmos 25:17

P'ohlemix te jwocol ta co'tan; loq'uesawon a ta mel-o'tan cu'un.

Salmos 27:14

¡Mahliya te Jehová! ¡Ac'a fuerza, ayuc me yip awo'tan! ¡Hich, mahliya te Jehová!

Salmos 31:24

Pasahic tulan, ayuc me yip awo'tanic apisilic te smuc'ulinej awo'tanic te Jehová.

Salmos 42:11

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal, te Jcoltaywanej soc te Dios cu'une.

Salmos 42:5

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal te Jcoltaywanej soc te Dios cu'une.

Salmos 42:7

Ya sjac' sba ta a'iyel ta sc'ubulil ch'entiquil te stulanil sc'op te swihlib ha'etic awu'une; spisil te tulan stselajan ha' awu'un c'axemiquix ta jba.

Salmos 56:11

ha ya smuc'ulin co'tan te Diose, ma ba ya xiwon. ¿Bin ya xhu' ya spasbon te winique?

Salmos 62:1

Ha nax ta stojol Dios ya jta lamal q'uinal, ha ya xtal ta stojol stuquel te jcolele.

Salmos 62:5

Ha nax ta stojol Dios ya jta lamal q'uinal, ha ya xtal ta stojol stuquel te smuc'ul co'tane.

Salmos 71:4

Dios cu'un, coltayawon loq'uel ta sc'ab te mach'a chopol, ta sc'ab te mach'a chopol yo'tan soc te j'uts'inwaneje.

Salmos 71:5

Como ha'at, Cajwal Jehová, smuc'ulat co'tan soc yipat co'tan c'alal ta jqueremil to.

Éxodo 17:4

Ha yu'un te Moisés la yawtay te Jehová, hich la yal: ¿Bin ya jpas soc te pueblo ini? Jteb xanix ya sc'an ma ba ya sch'ojonic ta ton, xchi.

Proverbios 18:10

Ha toyol ts'ahc te sbihil te Jehová; tey ya x'ahnimaj bahel a te mach'a toj yo'tan soc hich ya xcol.

Isaías 25:4

Como ha'at ahnibalat yu'un te pobre, ahnibalat ta yorahil swocol te mach'a mayuc bin ay yu'un, ahnibalat yu'un te tulan ic'al ha'al soc axinalat yu'un te sq'uixinal c'ahc'al. Como te sahb ye te j'uts'inwanej hich c'ohem te bin ut'il tulan ic'al ha'al ta yorahil sic,

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jonás 2:2

hich la yal: Te c'alal ayon ta wocol a, la jc'opon te Jehová, la ya'iybon jc'op; awonon c'alal ta yutil te stsobojibal mach'atic chamenic, la awa'iybon te jc'ope.

Números 14:10

Ha yu'un spisil te pueblo c'an sch'ojic ta ton yu'un. Pero te yutsilal Jehová chicnaj ta Nahilpac' Templo yu'un tahojibal ta stojol spisil te snich'nab Israel.

San Mateo 21:9

Te mach'atic nahil ayic soc te mach'atic patil ayic, hich yacalic ta yalel ta aw: ¡Hosana ta stojol te snich'an David! ¡Bayel yutsil te mach'a ya xtal ta scuenta sbihil te Cajwaltique! ¡Hosana ta toyol! xchihic ta aw.

San Mateo 27:22

Joc'obotic yu'un te Pilato: ¿Bin ya jpasbe te Jesús, te Cristo sbihil? xchi. Spisilic la sjaq'uic: ¡Ac'a yich' milel ta cruz! xchihic.

San Juan 8:59

Hich la stamticlanic ton yu'un ya sch'ojic a, pero la snac' sba te Jesús, loc' bahel ta Templo, c'ax ta yohlilic, baht.

Romanos 4:18

Aunque hich yilel te tojol ay bin ya smahliy, la sch'uhun yo'tan te Abraham, ha scuentahil te ha tatil c'oht yu'un tsobol nacionetic, hich te bin ut'il halbot: Hich yipal ya xc'oht ats'umbal, te xchihe.

Romanos 4:20

Ma xchebetuc yo'tan yu'un te bin halbot sc'oblal yu'un Dios, la to yich' xan sch'uhunel yo'tan soc la yalbe yutsil sc'oblal te Diose,

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

2 Corintios 1:6

Teme ya xc'ax jwocolcotic, yu'un hich yac atahic smuc'ul q'uinal yac awa'iyic soc te colel awu'unique; soc teme ya xmuc'ubtesot q'uinal ca'iycotic, yu'un hich yac atahic smuc'ul q'uinal awa'iyic a, te ha ya yac' te ya xcuhch awu'unic te wocol te ha nix hich yac ta c'axel cu'uncotique.

2 Corintios 4:8

Bayel bin ay jwocolcotic yu'un, pero ma ba ya slajimbotcotic quipcotic; ma xna'baj bin ya jpascotic, pero ma ba ya xlaj yutsil co'tancotic yu'un;

2 Corintios 7:5

Te c'alal talotcotic ta sq'uinal Macedonia, mayuc la scux yo'tan te jbaq'uetalcotic, bayuc nax la jtahcotic wocol: ay c'opetic ta spat soc ay xiwel ta yutil.

Hebreos 13:6

Ha yu'un jun co'tantic ya caltic: Ha jcoltaywanej cu'un te Cajwaltic; ma ba ya jxi' te bin ya xhu' ya spasbon te winique.

Jueces 18:25

Te snich'nab Dan hich la sjaq'uic: Ma x'awonat ta jpatcotic, ay wan c'ahc'al winiquetic te ya xtal tsacat, hich ya xlaj acuxlejal soc scuxlejalic te mach'atic ay awu'un, la yutic.

Jueces 20:22

Te winiquetic yu'un Israel la smuc'ubtesbe sba yo'tanic, suhtic bahel ta yaq'uel guerra tey nix te banti la schol sbahic ta shahchibal;

1 Samuel 1:10

Te Ana, soc bayel smel-o'tan la sc'opon te Jehová, soc bayel oc'.

1 Samuel 23:16

Te Jonatán te snich'an Saúl tal ta banti ay David ta Hores, la ya'be yip yo'tan ta scuenta Dios,

1 Samuel 28:15

Te Samuel hich la yalbe te Saúl: ¿Bin yu'un yac awuts'imbelon te la awac' mohucon tal? xchi. La sjac' te Saúl: Ayon ta tulan wocol; ya ya'bon guerra te filisteohetic, soc spihtesejonix te Diose. Ma ba ya sjac'bonix jc'op ta scuenta jalwanejetic o ta wayichiletic. Ha yu'un la jquic'at scuenta yu'un yac awalbon te bin ya sc'an ya jpas, xchi.