1 Samuel 30:16 - Bible in Tzeltal Bachajón

¹⁶ Hich la yic' bahel te David. Te amalequetic spucoj sbahic ta q'uinal a, yacalic ta we'el uch'el soc ta pas-q'uin yu'un te bintic la spojic tal ta sq'uinal filisteohetic soc ta sq'uinal Judá.

Bible in Tzeltal de Oxchuc y Tenejapa

¹⁶ Jich la yic' bael c'alal ta banti ayic te jpoj-biluquetic. Spucoj sbaic ta aquiltic, yacalic ta we'el-uch'el, yacalic ta pas-q'uin yu'un te jayeb bi la yich' pojel tel yu'unic ta sq'uinal filisteoetic soc ta sq'uinal Judá.

1 Samuel 30:16 ပူးပေါင်းရင်းမြစ်များ

2 Samuel 13:28

Te Absalón hich la yalbe te a'batetic yu'un: Ya me awilic ta lec te Amnón te c'alal yacubenix yu'un vino a. Te c'alal hich ya cal: Milahic te Amnón, teme xchihone, ya me amilic. Ma me xiwex, como ho'on jmandar. Ac'a fuersa, ayuc me yip awo'tanic ta spasel, xchi.

1 Crónicas 4:43

La slajinic te mach'atic hilemic yu'un Amalec, soc tey nahinic c'alal ora.

Job 20:5

te com nax te stse'elil yo'tan te mach'a chopol yo'tan, te jts'ihn nax ay yutsil yo'tan te mach'a ma ba sch'uhunej Dios?

Salmos 119:162

Ya stse'ejin co'tan yu'un te ac'op awaloj, hich te bin ut'il mach'a ya sta bayel bintic pojticlambil.

Éxodo 32:6

Ha yu'un ta schebal c'ahc'al hahchic ta sab, la yaq'uic scohtol chic'bil mahtaniletic soc mahtaniletic scuenta lamal q'uinal. Te pueblo la shuhcan sbahic ta we'el uch'el, patil hahchic ta spasel q'uin.

Isaías 22:13

Pero ay tse'el-o'tanil soc yutsil-o'tanil, smilel wacaxetic soc tuminchijetic, swe'el ti'bal soc yuch'el vino, hich la awalic: ¡We' uch'ucotic, yu'un pajel ya xchamotic! xchihex.

Isaías 9:3

La awac' p'ohluc te ants-winiquetic soc la awa'be bayel yutsil yo'tanic. Tse'el yo'tanic ta atojol hich te bin ut'il ta yorahil stsobel sit awal-ts'unubil, hich te bin ut'il c'alal ya spucbe sbahic te bintic pojbile.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

Josué 22:8

soc hich la yalbe: Suhtanic bahel ta anahilpaq'uic soc bayel c'ulejalil, bayel chambahlametic, plata, oro, bronce soc hierro, soc bayel c'u'ul pac'aletic; a'beyahic te awermanotac te pojbil biluquetic yu'un te acontrahique, xchi.

Jueces 8:11

Te Gedeón mo bahel ta be yu'un te mach'atic nahinemic ta nahilpaq'uetic ta stojol banti ya xloc' tal c'ahc'al yu'un Noba soc Jogbeha, och ya'be guerra te campamento, yu'un mayuc jcanan yu'unic.

1 Samuel 30:14

C'ohotcotic ta spojel biluquetic ta Neguev yu'un te cereteohetic, yu'un Judá soc ta Neguev yu'un Caleb; soc la jca'becotic hilel sc'ahc'al te Siclag, xchi.

1 Samuel 30:15

¿Ya bal awic'on bahel ta banti ayic te jpoj-biluquetique? xchi te David. Halbon ta jamal ta stojol Dios teme ma ba yac amilon o te yac awac'on ta sc'ab te cajwal, hich ya quic'at bahel ta banti ayic, xchi.