1 Samuel 30:12 - Bible in Tzeltal Bachajón

¹² la ya'beyic jxeht' taquijem higo soc cha'chej taquijem ts'usub. Te c'alal laj ta we'el cux yo'tan yu'un, como yoxebalix c'ahc'al soc yoxebalix ahc'abal a te mayuc bin swe'oj soc yuch'oj.

Bible in Tzeltal de Oxchuc y Tenejapa

¹² la yac'beyic jxejt' pejch'el taquintesbil higo soc cha'pejch' taquintesbil ts'usub. Te c'alal laj yo'tan ta we'el te egipcio-winic, jajch' ta lecubel q'uinal la yaiy, melel yoxebalix c'aal soc yoxebalix ajc'ubal a te ma'yuc bi swe'oj yuch'oje.

1 Samuel 30:12 ပူးပေါင်းရင်းမြစ်များ

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

Lamentaciones 1:11

Spisil te ants-winiquetic yu'un ya x'ahcanajic ta slehel swe'elic; la sjel swe'elic ta bintic bayel sc'oblal yu'unic scuenta yu'un hich ya xcuxajic a. ¡Ilawil, Jehová, bin ut'il la jquich' tulan pehc'anel! xchi.

Jonás 1:17

Pero te Jehová ay schahpanej jcoht muc'ul chay te ya sbic' te Jonás. Oxeb c'ahc'al soc oxeb ahc'abal ay ta sch'uht te chay te Jonás.

San Mateo 27:63

hich la yalic: Cajwal, ya jna'cotic te hich la yal te jlo'loywanej te c'alal cuxul to a: Ta yoxebal c'ahc'al ya xcha'cuxajon, xchi.

Jueces 15:19

Ha yu'un Dios la sjambe ta banti lomol lum tey ta Lehi, hich loc' ha' tey a; la yuch' te ha'e, hich la yich' xan yip soc la sta xan yutsil yo'tan a. Ha scuentahil te la ya'be sbihilin En-hacore te lugar te ay ta Lehi c'alal ora.

1 Samuel 14:27

Pero te Jonatán ma ba la ya'iy te bin ut'il te stat la ya'be yalic ta jamal te winiquetique; ha yu'un la shach te snahbate' yich'oj ta sc'ab, la yotses ta chab, patil la yotses ta ye; lecub sit yu'un.

1 Samuel 30:11

La stahic jtuhl egipcio-winic ta yohl q'uinal, la yiq'uic bahel ta stojol David. La ya'beyic swe'el soc la ya'beyic yuch' ha',

1 Samuel 30:13

Te David hich la yalbe: ¿Mach'a yu'unat, soc ban talemat? xchi. La sjac' te egipcio-winic: Ho'on ya'baton jtuhl amalec-winic, pero yoxebalix c'ahc'al a te la yihquitayon hilel te cajwal, scaj te ayon ta chamel.