1 Samuel 3:9 - Bible in Tzeltal Bachajón

⁹ Ha yu'un hich la yalbe te Samuel: Bahan, mehtsana aba. Teme ya sc'oponat xan, jac'beya: C'opojan, Jehová, yac ya'iybelat te a'bat awu'un, xchi te Elí. Hich baht te Samuel, c'oht smehtsan sba ta lugar yu'un.

Bible in Tzeltal de Oxchuc y Tenejapa

⁹ Jich la yal: —Baan, mejts'ana aba. Teme ya to sc'oponat xan te Cajwaltic, jac'beya: “C'opojan, ya caiy stojol jo'on te awabatone”, uta me —xi' te Elí. Jich te Samuel bajt' xan ta yawil nix, c'o smejts'an sba.

1 Samuel 3:9 ပူးပေါင်းရင်းမြစ်များ

Salmos 85:8

Ya me ca'iy te bin ya yal te Jehová Dios, yu'un ya yalbe sc'oblal lamal q'uinal te pueblo yu'un, ha te mach'atic yu'un te ch'uhltesbilic, scuenta yu'un ma ba ya scha'pasic xan te bin scuenta sohquejolal.

Salmos 85:9

Melel nopol ay colel yu'un ta stojol te mach'atic ya yich'ic ta muc', scuenta yu'un ya xnahin ta jlumaltic te yutsilal.

Éxodo 20:19

Ha yu'un hich la yalbeyic te Moisés: Ha'at yac ac'oponotcotic, ya me ca'iycotic; pero ma me ha'uc ya sc'oponotcotic te Diose, scuenta yu'un ma ba ya xlajotcotic a, xchihic.

Isaías 6:8

Patil la jca'iybe sc'op te Jehová, hich yac ta yalel: ¿Mach'a ya jticon bahel? ¿Mach'a ya xbaht cu'untic? xchi. La jac'be sc'op: Li' ayon, ticonawon bahel, xchihon.

Daniel 10:19

hich la yalbon: Ma me xiwat, ha'at te c'uxat ta o'tanil, lamaluc me q'uinal xawa'iy; ac'a xan fuersa, ayuc me yip awo'tan, xchi. C'alal yac sc'opombelon a, la jquich' quip, hich la jcalbe: C'opojan, tatil, como la awa'bon xan quip, xchihon.

Hechos 9:6

Hahch ta nihquel soc ta xiwel te Saulo, hich la yal: Cajwal, ¿bin yac ac'an ya jpas? xchi. Hahchan, ochan bahel ta pueblo, tey ya xc'ohat ta halbeyel a te bin ya sc'an yac apas, xchi te Cajwaltique.

Josué 5:14

La sjac': Ma'uc, ha talemon scuenta jtsobaw yu'un te soldadohetic yu'un Jehová, xchi. Ha yu'un te Josué la spahcan sba ta lum, la sch'uhuntay soc hich la yalbe: ¿Bin yac awalbe te a'bat awu'un, Cajwal? xchi.

1 Samuel 3:10

Tal te Jehová, la stehc'an sba soc la sc'opon hich te bin ut'il ta yan buelta: Samuel, Samuel, xchi. C'opojan, yac ya'iybelat te a'bat awu'une, xchi te Samuel.

1 Samuel 3:8

Te Jehová la sc'opon te Samuel scuenta yoxebal buelta. Hich hahch, baht ta stojol Elí soc la yalbe: Li' ayoni, ¿bin yu'un la awic'on? xchi c'ohel. Te Elí tey la sna'ix a te ha te Jehová yac ta iq'uel yu'un te quereme.