1 Samuel 3:3 - Bible in Tzeltal Bachajón

³ Te Samuel wayal ta templo yu'un Jehová te banti ay te scaxahul te chapbil-c'op yu'un Dios, ma to ba tup'en a te tsumbil c'ahc' yu'un Dios.

Bible in Tzeltal de Oxchuc y Tenejapa

³ Te Samuel wayal ta templo yu'un Cajwaltic te banti ay te cajón yu'un Dios, yac ta tilel c'ajc' ta ch'ul awilal.

1 Samuel 3:3 ပူးပေါင်းရင်းမြစ်များ

2 Crónicas 13:11

Ha'ic ya schiq'uic te scohtol chic'bil mahtaniletic ta jujun sab soc jujun tibiltic soc ya schiq'uic te pom te sumet yic' ta stojol Jehová; ya yaq'uic te pan ta ch'ul mesa soc ya stsunic te c'ahc' ta scajtajib c'ahc' pasbil ta oro yu'un ya xtihl jujun tibiltic. Como te ho'otcotic jcanantayejcotic te mandariletic yu'un Jehová te Dios cu'uncotic, yan te ha'exe la awihquitayiquix.

Salmos 27:4

Junax te bin jc'ambeyej te Jehová, te ha ya jle: ha te ya x'ayinon ta sna Jehová te jayeb c'ahc'al cuxulon, yu'un ya quilbe st'ujbilal te Jehová soc yu'un ya jle ta Templo yu'un.

Salmos 29:9

Te sc'op Jehová ya sbichticlambe te sc'ab jihte'etic soc watal ya xhil yu'un te tohyem te'etique. Spisilic ya yalbeyic yutsilal sc'oblal ta Templo yu'un.

Salmos 5:7

Yan te ho'one, ta scuenta bayel sc'uxul awo'tan ya x'ochon ta Na awu'un; ta scuenta quich'belat ta muc' ya jquejan jba ta stojol te ch'ul Templo awu'une.

Éxodo 25:31

Soc ya me apas scajtajib c'ahc' ta puro oro, tembil ta martillo; junax ta pasel te yoc, ste'el, svasohil, swolnich, soc snich.

1 Samuel 1:6

Te Penina, te smohlol ta antsil, bayel la yuts'in soc la ya'be smel yo'tan, yu'un ma ba ac'ot ta alajel yu'un te Jehová.

1 Samuel 1:9

C'alal laj yo'tanic ta we'el uch'el ta Silo, hahch te Ana. Te sacerdote Elí hucul ta shuctajib ta nopol yoyal spuertahul te templo yu'un Jehová.