1 Samuel 3:21 - Bible in Tzeltal Bachajón

²¹ Te Jehová yan buelta la yac' sba ta ilel ta Silo; como tey ta Silo ya yac' sba ta na'el ta stojol Samuel te sc'op Jehová.

Bible in Tzeltal de Oxchuc y Tenejapa

²¹ Te Cajwaltic la yac' sba ta na'el yan buelta ta Silo, tey la yac'bey sna' a te Samuel te sc'ope.

1 Samuel 3:21 ပူးပေါင်းရင်းမြစ်များ

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Jeremías 41:5

ay winiquetic te talic ta Siquem, Silo soc Samaria, chanwinic (80) ta tuhl te sloq'uesej yisimic, chi'emic sc'u' spaq'uic soc yehchentesej sbahic, yich'ojic tal mahtanil harina soc pom ta sna Jehová.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

Números 12:6

Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

Deuteronomio 29:10

Ha'ex apisilic atsoboj abahic yo'tic ta stojol Jehová te Dios awu'unic: ha te jtsobawetic yu'un te jujuchahp awu'unic, te mamaletic, jcuentahinwanejetic soc spisil te winiquetic yu'un Israel,

Hebreos 1:1

Te Dios bayel buelta soc bayel bin ut'il la sc'opon te antiguo jme'jtatic ta namey ta scuenta te jalwanejetic;

1 Samuel 10:19

Pero yo'tic mayuquix sc'oblal ta awo'tanic te Dios awu'unic, te ya scoltayex te c'alal ayex ta wocol soc ta mel-o'tan. Soc la awalic: Ma'uc, ya me awa'botcotic ajwalil, xchihex. Ha yu'un, yo'tic tehc'ana abahic ta stojol Jehová ta jujuchahp ats'umbalic soc ta jujuchahp te mach'atic ay awu'unic, xchi te Samuel.

1 Samuel 3:1

Te querem Samuel la yac' sba ta a'batinel yu'un Jehová ta stojol Elí. Ha yorahil a te ma ba nopic tal te sc'op Jehová soc te bin ya x'a'bot yil ta nahalsit.

1 Samuel 3:10

Tal te Jehová, la stehc'an sba soc la sc'opon hich te bin ut'il ta yan buelta: Samuel, Samuel, xchi. C'opojan, yac ya'iybelat te a'bat awu'une, xchi te Samuel.

1 Samuel 3:4

Te Jehová la sc'opon te Samuel. Li' ayoni, xchi te Samuel.

1 Samuel 9:15

Te c'alal pajel xanix ya xc'oht a te Saúl, te Jehová ay bin la ya'be sna' te Samuel: