1 Samuel 3:19 - Bible in Tzeltal Bachajón

¹⁹ Muc'ub te Samuel soc joquinot yu'un Jehová, soc ma ba la yac' ch'ayuc jp'ahluc te sc'ope.

Bible in Tzeltal de Oxchuc y Tenejapa

¹⁹ Te Samuel muc'ub, ja' la sjoin jujun c'aal te Cajwaltique. Spisil c'ot ta pasel yu'un, ma'yuc ch'ay baluc te sc'ope.

1 Samuel 3:19 ပူးပေါင်းရင်းမြစ်များ

Génesis 21:22

Te Abraham ta hich ora tal ta c'oponel yu'un Abimelec soc Ficol, te jtsobaw yu'un soldadohetic yu'un, hich la yalbeyic: Dios sjoquinejat ta spisil te bintic yac apas.

Génesis 28:15

Ya joquinat, ya jcanantayat bayuc ya xbahat soc ya quic'at suhtel tal li' ta q'uinal ini; ma ba ya jpihtesat ha to c'alal ya xc'oht ta pasel cu'un spisil te bin la jcalbat, xchi.

Génesis 39:2

Pero joquimbil yu'un Jehová te José, lec c'oht ta loq'uel spisil te bin la spas; nahin ta sna te yajwal, te egipcio-winique.

Génesis 39:3

Te yajwal la yil te joquimbil yu'un Jehová, te lec c'oht ta loq'uel spisil te bin la spas.

1 Reyes 8:56

¡Bayel me yutsil te Jehová te la yac' lahmajuc q'uinal ta stojol te pueblo Israel yu'un, hich te bin ut'il yaloj! Mayuc ch'ay jp'ahluc yu'un spisil te bin yaloj ta scuenta te ya'bat Moisés.

2 Reyes 10:10

Na'ahic me te mayuc bin ma xc'oht ta pasel te bin yaloj Jehová sc'oblal te mach'atic ay yu'un Acab. Te Jehová spasoj te bin la yal ta scuenta Elías te ya'bate, xchi.

2 Reyes 15:12

Hich c'oht ta pasel a te bin yaloj Jehová ta stojol Jehú, te hich la yalbe: Ta schancajal ats'umbal ya me xhuhcajic ta huctajibal yu'un Israel, xchi.

2 Reyes 22:16

Hich ya yal te Jehová: Ya cac' taluc ta stojol te lugar ini soc ta stojol te mach'atic nahinemic tey a spisil te wocol te ya yal te libro ini, te la yilix te ajwalil yu'un Judá,

Isaías 43:2

Te c'alal ya xc'axat ta ha'etic, ho'on ya joquinat; te c'alal ya c'axat ta muc'ul-ha'etic, ma ba ya smulat. C'alal ya xc'axat ta c'ahc', ma ba ya xchic'at; ma ba ya spetat te yat c'ahq'ue.

Isaías 44:26

Ho'on te ya cac' ya xc'oht ta pasel te sc'op te a'batetic cu'un, te ya jc'ohtes ta pasel te bintic chahpambil yu'un te mach'atic jticonej, te hich ya calbe te Jerusalén: Ya me xtalic ta nahinel tey a, xchihon, soc te hich ya calbe te pueblohetic yu'un Judá: Ya me yich'ic xan pasel soc ya jcha'pas te jihnem ts'ahquetic yu'une, xchihon.

Isaías 55:11

hich ay te jc'op te ya xloc' ta que: ma ba jochol ya suht tal ta jtojol, ha ya spas te bin ya sc'an co'tan, soc ha ya sc'ohtes ta pasel te bin scuentahil te la jticon bahele.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

San Lucas 1:28

Te ch'ul a'bat och bahel ta banti ay te ach'ix, hich la yal: ¡Ya jpatbat awo'tan, ha'at te c'uxultaybilat yu'un Dios! Sjoquinejat te Cajwaltic, bayel awutsil ta yohlil te antsetique, xchi.

San Lucas 1:80

Muc'ub te alale, la yich' yip yo'tan; ayin ta jochol taquin q'uinal ha to c'alal la sta yorahil te la yac' sba ta ilel ta stojol Israel.

San Lucas 2:40

Behbe muc'ubel te alal, behbe yich'bel yip, yac ta nojel ta sp'ijil yo'tan, soc te yutsil yo'tan Dios ay ta stojol.

San Lucas 2:52

Te Jesús behbe yac stahbel sp'ijil yo'tan soc xquechet ta muc'ubel, soc behbe tohyel yutsil sc'oblal ta stojol Dios soc ta stojol ants-winiquetic.

2 Corintios 13:11

Ta slajibal, quermanotac, tse'eluc me awo'tanic, lecuc me ya xc'ohex, ayuc smuc'ul awo'tanic, junuc me awo'tan abahic soc lamaluc me q'uinal ya xcuxajex; hich me ya sjoquinex te Dios yu'un lamal q'uinal soc te ay sc'uxul yo'tane.

2 Corintios 13:14

Ac'a sjoquinex ta apisilic te yutsil yo'tan te Cajwaltic Jesucristo, te sc'uxul yo'tan Dios, soc junuc awo'tanic soc te Ch'ul Espíritu. Hichuc.

Deuteronomio 18:22

Teme ya xc'opoj ta scuenta sbihil Jehová te jalwanej, teme ma ba ya xc'oht ta pasel te bin la yal, yu'un nix ma ha'uc te bin yaloj te Jehová. Ta scuenta stoybahil te hich la yal te jalwanej; ma me xiwat ta stojol.

2 Timoteo 4:22

Te Cajwaltic Jesucristo ac'a sjoquimbat te espíritu awu'un. Ac'a sjoquinex te yutsil-o'tanil. Hichuc.

Josué 21:45

Mayuc jp'ahluc c'op te yaloj Jehová ta stojol Israel te ma ba c'oht ta pasel; spisil c'oht ta pasel.

Jueces 13:24

Te antse ayin squerem-al, Sansón sbihil la ya'be. Muc'ub te querem soc a'bot bendición yu'un Jehová.

1 Samuel 10:7

Te c'alal c'ohemix ta pasel ta atojol a te señahiletic ini, pasa te bin ya sc'an awo'tan, yu'un sjoquinejat te Diose.

1 Samuel 12:2

Li' ayix te ajwalil te ya xnahilij bahel awu'unic. Te ho'one mamalonix, saquix jol; te jnich'nab ay ta awohlilic. Behenon ta awohlilic ta jqueremil c'alal ora ini.

1 Samuel 16:18

Ha yu'un ay jtuhl ya'bat te hich la yal: Ay quiloj jtuhl snich'an Isaí ta Belén te ya sna' stijel te arpa, ay yip yo'tan soc ya sna' yaq'uel guerra, lec ya xc'opoj, t'ujbil soc joquimbil yu'un Jehová, xchi.

1 Samuel 18:12

Te Saúl la xi' te David, como joquimbil yu'un Jehová, yan te Saúl ihquitaybilix yu'un Jehová stuquel.

1 Samuel 18:14

Lec c'oht spisil te bintic la spas, como joquimbil yu'un te Jehová.

1 Samuel 18:5

Te David ya xbaht ta bayuc ya xticonot yu'un Saúl; lec spisil te bintic la spas. Hich te Saúl la ya'be scuentahin te soldadohetic yu'un; lec ta o'tanil yu'un spisil te pueblo soc te a'batetic yu'un Saúl.

1 Samuel 2:21

Te Jehová la sna' te Ana, hich hahch yal, ayin xan oxeb squerem-al soc cheb yantsil-al. Te querem Samuel xquechcon ta muc'ubel ta stojol Jehová.

1 Samuel 2:26

Yan te querem Samuel xquechcon ta muc'ubel soc lec sc'oblal yac ta c'ohel ta stojol Dios soc ta stojol te ants-winiquetique.

1 Samuel 9:6

La sjac' te a'bat: Li' ta pueblo ini ay jtuhl winic yu'un Dios, buen ich'bil ta muc' te winique, spisil te bin ya yal ya xc'oht ta pasel. Conic tey a, ya wan xhu' ya yalbotic banti behil ya sc'an ya jt'untic bahel, xchi.