1 Samuel 3:18 - Bible in Tzeltal Bachajón

¹⁸ Ha yu'un te Samuel la yalbe ya'iy spisil te bintic halbot, mayuc bin la smuc ta yo'tan. La yal te Elí: Ha Jehová stuquel; ac'a spas te bin lec ya ya'iy, xchi.

Bible in Tzeltal de Oxchuc y Tenejapa

¹⁸ Te Samuel la xcholbey yaiy spisil te bitic albot yu'un te Cajwaltic, ma'yuc la smuc ta yo'tan. Te Elí jich la yal ta spisil yo'tan: —Ja' Cajwaltic stuquel. Ac'a spas te bi lec ta pasel ya yaiye —xi'.

1 Samuel 3:18 ပူးပေါင်းရင်းမြစ်များ

Génesis 18:25

Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

2 Samuel 10:12

Ac'a me fuersa, ya me jpastic tulan ta scuenta te pueblo cu'untic soc te pueblohetic yu'un te Dios cu'untique. Ac'a spas te bin lec ta pasel ya yil te Jehová, xchi.

2 Samuel 15:26

Yan teme ya yalbon: Ma lecucat ta co'tan, teme xchihe, li' ayoni, ac'a spasbon te bin lec ya ya'iy, xchi.

2 Reyes 20:19

Te Ezequías la yalbe te Isaías: Te sc'op Jehová te la awa'bon jna', lec ay, xchi. Yu'un la yal ta yo'tan: Ay to wan lamal q'uinal soc lec to wan ya xc'ax cu'un te jayeb c'ahc'al cuxulon, xchi.

1 Crónicas 19:13

Ac'a me yip awo'tan, ac'a fuersa yu'un te pueblo cu'untic soc yu'un te pueblohetic yu'un te Dios cu'untique. Te Jehová ac'a spas stuquel te bin ya sc'an yo'tane, xchi.

Job 1:21

hich la yal: Watalon a la yayinteson jnan, watalon a ya suhton bahel. Jehová la yac', Jehová la sloq'ues. ¡Bayeluc me yutsil sbihil te Jehová! xchi.

Job 2:10

La yal te Job: Pajal ya xc'opojat soc antsetic te ma sna'ic q'uinal. Teme ya quich'tic te bintic lec yu'un Dios, ¿ma bal ha'uc nix hich ya quich'tic te bintic ma lecuc? xchi. Ta spisil ini ma ba la sta smul te Job yu'un te bin la yal.

Salmos 39:9

Ch'abon, ma ba la jam que, como ha'at la apas ini.

Éxodo 34:5

Potsol cohel tal ta tocal te Jehová, tey c'oht sta sba soc a, soc la yal te sbihil te Jehová.

Isaías 39:8

Te Ezequías la yalbe te Isaías: Lec te sc'op Jehová te la awale, xchi. Yu'un hich la yal ta yo'tan: Ay me lamal q'uinal soc jun me co'tan te jayeb xan c'ahc'al cuxulone, xchi.

Jeremías 34:6

Hich te jalwanej Jeremías la yalbe spisil te c'op ini te ajwalil Sedequías ta Jerusalén,

Jeremías 38:14

Patil, te ajwalil Sedequías la sticon ta iq'uel tal te jalwanej Jeremías ta yoxebal ochibal yu'un te sna Jehová. Te ajwalil hich la yalbe te Jeremías: Ay bin ya joc'obat, ma me ayuc bin xamuc ta awo'tan, xchi.

Jeremías 42:4

La sjac' te Jeremías: La jca'iybeyex ac'opic. Ya jc'opon te Jehová te Dios awu'unic hich te bin ut'il la awalique. Spisil te bin ya yal te Jehová ya ca'beyex ana'ic, mayuc bin ya jmuc ta co'tan, xchi.

Lamentaciones 3:39

Te mach'a cuxul ¿bin yu'un ya x'och wulwonel yu'un te castigo yu'un te smule?

Levítico 10:3

Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

1 Pedro 5:6

Ha yu'un pehc'ana me abahic ta stojol sc'ab Dios te bayel yu'el, scuenta yu'un ha ya stoybeyex ac'oblalic te c'alal ya sta yorahil yu'une.

Jueces 10:15

Te snich'nab Israel hich la sjac'beyic sc'op te Jehová: Jtahoj jmulcotic; pasa ta jtojolcotic te bin ya sc'an awo'tan. Pero awocoluc, coltayawotcotic yo'tic, xchihic.