1 Samuel 3:17 - Bible in Tzeltal Bachajón

¹⁷ ¿Bin a te la yalbate? Awocoluc, ma me xamucbon ta awo'tan. Dios ac'a ya'bat castigo, soc c'ax to xan hich a, teme ay bin yac amucbon ta awo'tan yu'un spisil te bintic la yalbate, xchi te Elí.

Bible in Tzeltal de Oxchuc y Tenejapa

¹⁷ Te Elí la sjojc'obey: —¿Bitic a te la yalbat te Cajwaltique? Wocoluc, ma me x'amucbon ta awo'tan jxujt'uc. Ac'a yac'bat tulan castigo te Cajwaltic teme ma ba ya awalbon spisil te bi la yalbate —xi' te Elí.

1 Samuel 3:17 ပူးပေါင်းရင်းမြစ်များ

2 Samuel 14:18

Te ajwalil la sjac'be sc'op te antse: Awocoluc, ma me xamuc ta awo'tan te bin ya joc'obat, xchi. C'opojan, cajwal, xchi te antse.

2 Samuel 19:13

Soc hich nix xawalbeyic te Amasa: ¿Ma bal ha'ucat jbaquel soc jbaq'uetalat? Dios ac'a ya'bon castigo, soc c'ax to xan hich a, teme ma ba muc'ul jtsobaw yu'un te soldadohetic cu'un ya xc'ohat yo'tic scuenta sjelol te Joab, xchi.

2 Samuel 3:35

Patil spisil te pueblo tal yalbeyic wocol te David te yacuc xwe' te c'alal ma to xmahl a te c'ahc'ale. Pero te David la yal ta jamal: Hich me ac'a spasbon Dios, soc c'ax to xan hich a, teme ya jwe' pan o yan we'elil te c'alal ma to ba mahlem c'ahc'al a, xchi.

2 Samuel 3:9

Dios ac'a ya'be c'ax tulan castigo te Abner teme ma ba ya jpasbe te David te bin halbot yu'un te Jehová,

1 Reyes 22:16

Pero te ajwalil la yalbe: ¿Jayeb to buelta ya calbat te ha nax yac awalbon te bin melel ta scuenta sbihil te Jehová? la yut.

2 Reyes 6:31

Hich la yal te ajwalil: ¡Hich ac'a spasbon te Dios, soc c'axuc to xan hich a, teme ya to xhil sjol yo'tic te Eliseo snich'an Safat! xchi.

Salmos 141:5

Ac'a ya'bon castigo te mach'a toj yo'tan, lec ya ca'iy; pero ma me xyich' malel ta jol te aceite yu'un mach'atic chopolic, yu'un spisil ora ya jc'opon Dios ta scontrahinel te chopol ya'telique.

Jeremías 38:14

Patil, te ajwalil Sedequías la sticon ta iq'uel tal te jalwanej Jeremías ta yoxebal ochibal yu'un te sna Jehová. Te ajwalil hich la yalbe te Jeremías: Ay bin ya joc'obat, ma me ayuc bin xamuc ta awo'tan, xchi.

Jeremías 42:4

La sjac' te Jeremías: La jca'iybeyex ac'opic. Ya jc'opon te Jehová te Dios awu'unic hich te bin ut'il la awalique. Spisil te bin ya yal te Jehová ya ca'beyex ana'ic, mayuc bin ya jmuc ta co'tan, xchi.

Daniel 4:19

Hich te Daniel, te Beltsasar yan sbihil, xch'ayet yo'tan, a'bot xiwel yu'un te bin la snope. Ha yu'un la yal te ajwalil: Beltsasar, ma me xiwat yu'un te wayichil o te sc'oblale, xchihon. La sjac' te Beltsasar: Ajwalil cu'un, te ha'uc yu'un acontratac te wayich, soc te ha'uc ya xc'oht te sc'oblal ta stojol te mach'atic ya scontrahinate.

Miqueas 2:7

Ha'at te hich yac awal, sna Jacob, ¿Yu'un bal lajemix yo'tan te Jehová? ¿Ha bal te a'teliletic yu'un ini? ¿Ma bal lecuc bin ya spas te jc'op ta stojol te mach'a toj ya xbehen?

Números 23:17

Hich tal ta banti ay te Balac, tey c'oht sta a ta banti ay te scohtol chic'bil mahtanil yu'un, soc te príncipaletic yu'un Moab. Te Balac la sjoc'oy: ¿Bin la yal te Jehová? xchi.

San Mateo 26:63

Pero te Jesús mayuc bin la sjac'. Ha yu'un hich halbot yu'un te muc'ul sacerdote: Hala ca'iycotic ta scuenta te cuxul Dios teme ha'at nix a te Cristohat, te Snich'anat te Diose, xchi.

Rut 1:17

Te banti ya xchamat, tey ya xchamon soc tey ya quich' muquel a. Jehová ac'a ya'bon tulan wocol, soc c'ax to xan hich a, teme ha nax ta scaj lajel stuquel te ya quihquitay jbahtic, xchi.

1 Samuel 14:44

La sjac' te Saúl: Hich me ac'a spasbon te Dios, soc c'ax to xan hich a, teme ma ba ya xlajat, Jonatán, xchi.

1 Samuel 20:13

Pero teme chopol bin snopoj ya spasbat te jtate, hich me ac'a spasbon Jehová, soc c'axem to xan hich a, teme ma ba ya ca'bat ana' yu'un lamal q'uinal ya xbahat. Ac'a sjoquinat te Jehová, hich te bin ut'il la sjoquin te jtate.

1 Samuel 25:22

Dios hich ac'a spasbe te scontratac David, soc c'ax to xan hich a, teme ta sab pajel cuxul ya xhil cu'un jtuhluc te mach'a ay yu'un, xchi.

1 Samuel 3:16

Ha yu'un te Elí la yic' tal, hich la yalbe: Samuel, jnich'an, xchi. Li' ayoni, xchi.