1 Samuel 29:3 - Bible in Tzeltal Bachajón

³ Te jtsobawetic yu'un te filisteohetic hich la yalic: ¿Bin ya spasic li'i te hebreohetique? xchihic. Te Aquis hich la sjac'be sc'op te jtsobawetic yu'un te filisteohetic: ¿Ma bal yac awilic te ha te David te ya'bat Saúl, ajwalil yu'un Israel? Sjoquinejon bayel c'ahc'al. Mayuc jtahbeyej falta yu'un te jayeb c'ahc'al te c'axix tal ta jtojol c'alal ora, xchi.

Bible in Tzeltal de Oxchuc y Tenejapa

³ Te ajwalil-filisteoetic la sjojc'obeyic te Aquis: —¿Ja' xan te hebreoetic, bi ya spasic li'to? —xiic. Jac'botic yu'un te Aquis: —Ja' te David te ay ta abatinel yu'un Saúl ta neelal to, te muc' ajwalil yu'un Israel, pero ayix ja'wil te li' joineje. Ja' to nix te c'alal jul tel ta jtojol, c'alal ora ma'yuc bi falta jtaojbey —xi'.

1 Samuel 29:3 ပူးပေါင်းရင်းမြစ်များ

Génesis 14:13

Pero ay jtuhl te loc' ta ahnel, c'oht yalbe ya'iy te Abram te hebreo-winic te nahinem ta banti ay te jihte' yu'un Mamre te amorreo-winique. Te Mamre ha yermano sba soc Escol soc Aner, te jun yo'tan sbahic soc Abram.

1 Crónicas 12:19

Soc ay sts'umbal Manasés te c'axic ta stojol David te c'alal baht soc te filisteohetic ta ya'beyel guerra te Saúl. (Pero te David ma ba la scoltay te filisteohetic, como te jtsobawetic yu'un te filisteohetic, c'alal stsoboj sbahic, la snopic te ya sticonic bahel te David, hich la yalic: Ya me yich' loq'uesel joltic teme ya xc'ax bahel ta stojol Saúl te yajwale, xchihic yu'un.)

1 Crónicas 12:20

Hich te c'alal suht ta Siclag te David, te sts'umbal Manasés te c'axic tal ta stojol: ha te Adnas, Jozabad, Jediael, Micael, Jozabad, Eliú, Ziletai, capitanetic yu'un jujumil sts'umbal Manasés.

Daniel 6:5

Ha yu'un hich la yalic: Ma ba ya jtahtic bin ut'il ya jlehbetic smul te Daniel, ha nax teme ay bin ya jtahbetic smul ta scuenta te ley yu'un te Dios yu'une, xchihic.

San Juan 19:6

C'alal la yilic te Jesús te principal sacerdotehetic soc te policiahetic, hahchic ta aw: ¡Mila ta cruz! ¡Mila ta cruz! xchihic. La yal te Pilato: Ic'ahic bahel, milahic ta cruz te ha'exe, como mayuc smul la jtahbe te ho'one, xchi.

Romanos 12:17

Ma me xasutbeyic ta bin chopol te mach'a chopol bin ya spasbeyex; pasahic te bin lec ta stojol spisil ants-winiquetic.

1 Pedro 3:16

Lecuc me bin ya yalbat awo'tan, scuenta yu'un ya xq'uexawic te mach'atic chopol bin ya yalbeyic sc'oblal te bintic lec yac apasic te bin ut'il yu'unex Cristo.

1 Samuel 14:11

Hich schebalic la yac' sbahic ta ilel yu'un te soldadohetic yu'un te filisteohetic, hich halbotic yu'unic: Ilawilic, yacalic ta loq'uel tal ta ch'entiquil banti snac'oj sbahic te hebreohetic, xchihic.

1 Samuel 25:28

Awocoluc pasbeya perdón te a'bat awu'un te bin chopol ini. Jehová ya me ya'be yip te sna te cajwal, yu'un yacat ta spasel te guerra yu'un Jehová, soc ma me ayuc bin chopol ya stahat te jayeb c'ahc'al cuxulat.

1 Samuel 27:1

Hich la yal ta yo'tan te David: Ya me sta yorahil te ya xlajon ta sc'ab te Saúl. Ha lec ya xbohon ta ahnel ta sq'uinal filisteohetic, scuenta yu'un hich ma ba ya sna'onix a te Saúl, soc ma ba ya slehonix ta sjoyobal sq'uinal Israel, hich me ya xcolon ta sc'ab a, xchi.

1 Samuel 27:7

Te David halaj ta nahinel jun ha'bil soc chaneb u ta sq'uinal filisteohetic.

1 Samuel 29:6

Ha yu'un te Aquis la sticon ta iq'uel tal te David, hich la yalbe: ¡Yiloj Jehová, te ha'at tojat ta winiquil! Lec ya quil te pajal ya xloc'otic bahel soc ya x'ochotic tal ta campamento. Mayuc bin chopol jtahoj ta acuenta jayebix c'ahc'al te hulat ha to c'alal ora ini; pero te jtsobawetic ma lecuc ya yilat stuquelic.

1 Samuel 4:6

Te c'alal la ya'iyic te filisteohetic te tulan aw, hich la yalic: ¿Bin yu'un te tulan aw ta campamento yu'un te hebreohetic? xchihic. Te c'alal la ya'iyic te ha te scaxahul te chapbil-c'op yu'un Jehová te hulix yu'unic ta campamento,