1 Samuel 28:8 - Bible in Tzeltal Bachajón

⁸ Hich te Saúl la slap yan c'u'ul, hich la syanijtes sba a. Ta ahc'abal baht soc cheb winiquetic ta sc'oponel te antse, hich c'oht yalbe: Awocoluc, c'opombon jun ch'uhlelal, ic'bon tal te mach'a ya calbat, xchi.

Bible in Tzeltal de Oxchuc y Tenejapa

⁸ Te Saúl la slap yan c'u'il, jich la syantes sba. La yic' sjoin cheb winiquetic, ba sc'opon ta ajc'ubal te antse, jich la yalbey: —Wocoluc, c'opona te espíritu ay ta awenta, soc te yacuc awic'bon tel te mach'a ya calbate —xi' te Saule.

1 Samuel 28:8 ပူးပေါင်းရင်းမြစ်များ

1 Reyes 22:30

Te ajwalil yu'un Israel, hich la yalbe te Josafat: Te ho'one ya jyanijtes jba, ya x'ochon ta guerra. Yan te ha'ate ya me alap te sc'u' ajwalil awu'un, xchi. Hich la syanijtes sba te ajwalil yu'un Israel, och ta guerra.

1 Reyes 22:34

Pero ay mach'a te hich nax la st'im bahel te ya'tejibal st'ihmalte', la yehchentes te ajwalil yu'un Israel te banti jamal te smahquil; ha yu'un te ajwalil la yalbe te jtij-carreta yu'un: Suta aba, ic'awon loq'uel ta guerra, yu'un ehchenajonix, xchi.

1 Crónicas 10:13

Hich laj te Saúl ta scaj te ma ba jun yo'tan ta stojol Jehová, ma ba la scanantaybe sc'op te Jehová soc baht sjoc'obe jtuhl jna'ojel ants,

2 Crónicas 18:29

Te ajwalil yu'un Israel la yalbe te Josafat: Te ho'one ya jyanijtes jba ochel ta guerra, pero te ha'ate ya me alap te c'u'ul scuenta ajwalil, xchi. Hich la syanijtes sba te ajwalil yu'un Israel, och bahel ta guerra.

2 Crónicas 35:22

Pero te Josías ma ba suht bahel, la syanijtes sba ta ya'beyel guerra; ma ba la yich' ta cuenta te bin la yal te Necao, te ha nix sc'op a te Diose. Tal ya'be guerra ta spamlej yu'un Meguido.

Isaías 8:19

Teme hich ya yalbeyex: Joc'obeyahic te jmonawetic soc te jna'ojeletic te ya xc'opojic ta sajsaj-c'op, teme xchihique, hich yac awalbe: Te pueblo ¿ma bal yacuc sjoc'obe te Dios yu'une? ¿Ya bal sjoc'obe te mach'atic chamenic ta scuenta te mach'atic cuxulic? xchihan me.

Jeremías 23:24

¿Ay bal mach'a ya xhu' ya snac' sba te banti ma xhu' ya quil? xchi te Jehová. ¿Ma bal nojeluc cu'un te ch'ulchan soc te bahlumilal? xchi te Jehová.

Ezequiel 12:6

Ta comon sitil ya me acajan bahel ta anehquel te abiluque, ta yihc'ubel q'uinal ya xloc'at bahel soc; ya me amac asit awelaw scuenta yu'un ma xhu' yac awil te q'uinale. Como ha seña ya xc'ohat cu'un ta stojol te sna Israel, xchi.

San Juan 3:19

Hich ay scuentahil te ya stoj smulic: ha te tal ta bahlumilal te sacal q'uinal, pero te ants-winiquetic ha bayel xan la smulanic te yihc'al q'uinal te bin ut'il te sacal q'uinal, como chopol te ya'telique.