1 Samuel 28:3 - Bible in Tzeltal Bachajón

³ Te Samuel chamenix a, spisil Israel la yoq'uetayiquix soc la smuquiquix ta Ramá ta slumal. Te Saúl stenojix loq'uel ta q'uinal a te j'ic'-ch'uhlelaletic soc te jna'ojeletique.

Bible in Tzeltal de Oxchuc y Tenejapa

³ Te Samuel lajix a. Spisilic la yoq'uetayic ta Israel te c'alal laje, patil la smuquic ta Ramá ta slumal te banti ayine. Te Saúl ayix c'aal te la snuts loq'uel ta sq'uinal Israel te mach'atic ay bila ya sna'ic syoljoltayel soc te mach'atic ya sc'oponic ch'ulelaletic.

1 Samuel 28:3 ပူးပေါင်းရင်းမြစ်များ

Éxodo 22:17

Yan teme ma ba ya yac' te stat te ya xnuhpun soc, ya me yac' te jayeb taq'uin ya xc'ambot hich te bin ut'il stojol ach'ixetic.

Éxodo 22:18

Te j'ac'-chamel-ants ma me xawac' cuxajuc.

Levítico 19:31

Ma me xbahex ta stojol te mach'atic ya sc'oponic ch'uhlelal, o ta stojol te jna'ojeletique; ma me ayuc bin yac ajoc'obeyic, como ya me xbohlob ac'oblalic yu'un. Ho'on, Jehovahon, te Dioson awu'unique.

Levítico 20:27

Te winic o ants te ya sc'opon sch'uhlel mach'atic chamenic o te ya x'ochic ta jna'ojel, ya me xlajic; ya yich'ic ch'ojel ta ton; ha nix ta scuentahic te ya xlajic, xchi te Jehová.

Levítico 20:6

Te mach'a ya xbaht ta stojol te mach'atic ya sc'oponic ch'uhlelal soc mach'atic jna'ojeletic, te ya yac' sbahic ta antsinel ta stojolic c'ohem, ma lecuc co'tan ta stojol te mach'a hich ya spas, ya me jloq'ues bahel ta yohlil te slumale.

1 Samuel 15:23

Como te toybahil ha pajal mulil soc te bin ay ta lom-na'el, te tulan-o'tanil ha pajal mulil soc sch'uhuntayel loc'ombahetic. Te bin ut'il la ap'ajbe sc'op te Jehová, ha nix hich la sp'ajat te ma ba ya xhilatix ta ajwalil, xchi.

1 Samuel 25:1

Cham te Samuel. Spisil Israel la stsob sbahic yu'un ya yoq'uetayic; la smuquic ta sq'uinal ta Ramá. Patil te David co bahel ta jochol taquin q'uinal Parán.

1 Samuel 28:9

La sjac' te antse: Ana'oj te bin la spas te Saúl, te la stenticlan loq'uel ta q'uinal te j'ic'-ch'uhlelaletic soc te jna'ojeletic. ¿Bin yu'un yac awa'bon jyacol yu'un ya xlajon? xchi.

1 Samuel 7:17

Patil ya suht xan bahel ta Ramá, yu'un tey ay sna a. Tey ya schahpan a te Israel, soc tey la spasbe scajtajib smahtan a te Jehová.