1 Samuel 27:10 - Bible in Tzeltal Bachajón

¹⁰ C'alal hich ya xjoc'obot yu'un Aquis: ¿Banti c'ohex ta poj-biluquetic nax? teme xchihe, hich ya yal te David: Ta Neguev yu'un Judá, o ta Neguev yu'un Jerameel, o ta Neguev yu'un te queneohetic, xchi.

Bible in Tzeltal de Oxchuc y Tenejapa

¹⁰ Ya xjojc'obotic yu'un: —¿Banti c'oex ta spojel biluquetic te naxe? —xi'. Jac'bot yu'un te David: —Ta sur yu'un Judá —xi' jun buelta. —Ta sur yu'un Jerameel —xi' yan buelta. —Ta sur yu'un sq'uinal quenitaetic —xi' xan.

1 Samuel 27:10 ပူးပေါင်းရင်းမြစ်များ

Génesis 27:24

Te Isaac la scha'joc'obe: ¿Melel bal te ha'at jnich'anat Esaú? xchi. Ho'on, xchi te Jacob.

2 Samuel 17:20

C'alal c'ohtic ta sna te ants te winiquetic yu'un Absalón, la sjoc'obeyic te antse: ¿Banti ay te Ahimaas soc te Jonatán? xchihic. Sohliquix bahel ta jehch ha', xchi te antse. Te bin ut'il ma ba la stahic ta lehel, suhtic bahel ta Jerusalén.

1 Crónicas 2:25

Te snich'nab Jerameel, te sba-nich'an Hezrón, ha te Ram, te sba-nich'an, Buna, Orén, Ozem soc Ahías.

1 Crónicas 2:9

Te snich'nab Hezrón: ha te Jerameel, Ram soc Quelubai.

Salmos 119:163

Ya jp'aj soc ya quihlay te lot, pero c'ux ta co'tan te ley awu'une.

Salmos 119:29

Ma xawac'on ta sbehlal lot; ta scuenta sc'uxul awo'tan a'bon jnop te Ley awu'une.

Proverbios 29:25

Te xiwel ta stojol ants-winiquetic, ha yaquil c'ohem, yan te mach'a ha smuc'ulinej yo'tan te Jehová, canantaybil stuquel.

Números 24:21

Soc la yil te ceneohetic, hich c'opoj ta sc'op-jalwanej: Ay yip te banti ya xnahinat; ay apechech ta tontiquil;

Efesios 4:25

Ha yu'un ac'a hiluc awu'unic lot, ta smelelil c'op xac'oponic apat-axuhquic, como junax baq'uet ayotic ta jpisiltic.

Jueces 1:16

Te sts'umbal Hobab, te snihal-mamal Moisés, loq'uic bahel ta pueblo yu'un xahnetic soc te snich'nab Judá, bahtic ta jochol taquin q'uinal yu'un Judá te ay ta Neguev ta nopol Arad; la sjoquin sbahic ta nahinel soc te yajwal q'uinal tey a.

Jueces 4:11

Te Heber, te queneo-winic, te ha sts'umbal Hobab, snihal-mamal Moisés, ayix ora te loq'uem ta stojol te queneohetic soc te spasoj scampamento ta banti te jihte' ta Zaanaim, ta nopol Cedes.

Jueces 5:24

Bayel me yutsil Jael ta yohlil te antsetic, te yihnam Heber te queneo-winic; bayel me yutsil ta yohlil te antsetic ya xnahinic ta nahilpac'.

1 Samuel 15:6

Hich la yalbe te queneohetic: Bahanic, jitsa abahic, loc'anic bahel ta yohlil te mach'atic ayic ta Amalec scuenta yu'un ma pajaluc ya jlajinex soc; como la ac'uxultayic spisil te snich'nab Israel te c'alal mohic tal ta Egipto, xchi. Hich loq'uic bahel te queneohetic ta yohlil te snich'nab Amalec.

1 Samuel 21:2

Te David la sjac'be sc'op te Ahimelec: Ay bin la ya'bon jpas te ajwalil, hich la yalbon: Ma me ayuc mach'a ya sna' te bin ya jticonat ta spasel soc te bin la jcalbat, xchi. La jcalbe te winiquetic cu'un te ya stahonic ta yan lugar.

1 Samuel 23:27

Ta hich ora tal ta halbeyel yu'un jtuhl winic te Saúl: ¡La' me ta ora! La yochintaybotiquix jq'uinaltic te filisteohetic, xchi.

1 Samuel 27:11

Te David mayuc jtuhluc ants-winic ya yac' te cuxul a ya xc'oht ta Gat, yu'un hich ya yal: Scuenta yu'un ma xyac'otic ta na'el a, te hich ya yalic: Hich la spas te David, te xchihique. Hich la spasulan te jayeb c'ahc'al nahin ta sq'uinal te filisteohetique.

1 Samuel 29:8

Te David la yalbe te Aquis: ¿Bin jpasoj? ¿Bin atahbeyej te a'bat awu'un te c'alal ochon ta a'batinel awu'un c'alal ora ini, te ma xhu' ya xbohon ta ya'beyel guerra te scontratac te ajwalil cu'une? xchi.

1 Samuel 30:29

Racal, te pueblohetic ta Jerameel, te pueblohetic yu'un queneohetic,