1 Samuel 26:8 - Bible in Tzeltal Bachajón

⁸ Ha yu'un te Abisai la yalbe te David: Dios la ya'batix ta ac'ab te acontra. A'bon jmil ta lanza, junax buelta ya jts'ap ta lum, ma ba cheb ya ca'be, xchi.

Bible in Tzeltal de Oxchuc y Tenejapa

⁸ Jich la yalbey te David te Abisai: —Dios la yac'batix ta ac'ab te acontro. Ac'awon bael, ya jmil ta ora, ya jts'ap ta lum soc te slanzae, ta jun nax buelta tic' ya xlaj a —xi'.

1 Samuel 26:8 ပူးပေါင်းရင်းမြစ်များ

2 Samuel 16:9

Ha yu'un te Abisai te yal Sarvia, hich la yalbe te ajwalil: ¿Bin yu'un ya sbohlc'optay te ajwalil cu'un te chamen ts'i' ini? Awocoluc, ac'awon sohlel yu'un ya jbojbe loq'uel sjol, xchi.

Salmos 31:8

Ma ba la awac'on ta sc'ab te jcontra; la awac' tehc'ajucon ta buen jamal q'uinal.

Jeremías 40:15

Ha yu'un te Johanán snich'an Carea hich la yalbe ta muquen te Gedalías ta Mizpa: Ac'awon bahel yu'un ya jmil te Ismael snich'an Netanías, mayuc mach'a ya sna'. ¿Bin yu'un ya smilat, te hich ya spuc sbahic spisil te judiohetic te stsoboj sbahic ta atojol, te hich ya xch'ayic te mach'atic hilemic yu'un Judá? xchi.

Nahúm 1:9

¿Bin a te yac anopic ta scontrahinel te Jehová? ¡Jc'axel ya slajin; ma ba cheb buelta ya ya'be spacol te scontratac!

Romanos 11:32

Como Dios la yac' te chucul c'oht spisilic yu'un sc'axuntayel mandar, scuenta yu'un ya sc'uxultay ta spisilic.

Deuteronomio 32:30

¿Bin ut'il ya xhu' te jtuhl nax ya snuts bahel jmil ta tuhl, soc te cha'tuhl nax ya yac' ahnuc lajunmil, te manchuc chonotic yu'un te Muc'ul Ton, soc te ihquitayotic yu'un te Jehová?

Josué 21:44

Te Jehová la ya'be scux yo'tanic ta sjoyobalic, hich te bin ut'il la yalbe ta jamal te sme'statique. Mayuc junuc te scontrahic te tsalotic yu'un, como te Jehová la yac'ticlambe ta sc'abic spisil te scontrahique.

Jueces 1:4

Baht te Judá, te Jehová la ya'be ta sc'abic te cananeo soc te ferezeo; la smilic jpic soc ho'bahc' (10,000) ta tuhl ta Bezec.

1 Samuel 23:14

Te David hil ta jochol taquin q'uinal ta ahnibal-ch'entiquil, ta witsiltic ta jochol taquin q'uinal Zif. Te Saúl jujun c'ahc'al la sle te David, pero ma ba ac'ot ta c'abal yu'un te Diose.

1 Samuel 24:4

Ha yu'un te winiquetic yu'un la yalbeyic te David: Ilawil, c'ohtix te sc'ahc'alel te hich la yalbat te Jehová: Ilawil, ya ca'bat ta ac'ab te acontra, ya me apasbe te bin ya sc'an awo'tan, xchihic. Hich hahch bahel te David, muquen la set'be loq'uel jxeht' sti'il snahtil-c'u' te Saúl.

1 Samuel 24:5

Patil la sna' te ma lecuc te bin la spas, como la set'be loq'uel jxeht' sti'il smuc'ul-c'u' te Saúl.

1 Samuel 26:23

Te Jehová ac'a stoj ta tuhlultuhl ha chican teme stojil bin spasoj soc teme jun yo'tane. Te Jehová la yac'at ta jc'ab te naxe, pero ma ba la jc'an la jach jc'ab ta stojol te mach'a tsahbil yu'un te Jehová.

1 Samuel 26:7

Hich te David soc te Abisai ta ahc'abal bahtic ta banti ay te soldadohetique. Tey wayal a te Saúl ta campamento, ts'apal ta lum te slanza ta nopol sjolinab ta wayel. Te Abner soc te soldadohetic sjoytayejic ta wayel.

1 Samuel 26:9

Pero la sjac' te David: Ma me xamil. Como ¿mach'a c'an shach sc'ab ta scontrahinel te mach'a tsahbil yu'un te Jehová, te mayuc smul ya xhile? xchi.