1 Samuel 26:7 - Bible in Tzeltal Bachajón

⁷ Hich te David soc te Abisai ta ahc'abal bahtic ta banti ay te soldadohetique. Tey wayal a te Saúl ta campamento, ts'apal ta lum te slanza ta nopol sjolinab ta wayel. Te Abner soc te soldadohetic sjoytayejic ta wayel.

Bible in Tzeltal de Oxchuc y Tenejapa

⁷ Ja' nix ta yorail ta ajc'ubal a, te David soc te Abisai bajt'ic ta campamento yu'un Saúl. C'alal c'otic ta banti ay te Saúl, wayal ta scampamentoic a c'o staic, ts'apal ta lum ta nopol sjol te slanzae. Te Abner soc te soldadoetic wayajtic, sjoytayejic ta wayel te banti wayal te Saule.

1 Samuel 26:7 ပူးပေါင်းရင်းမြစ်များ

Génesis 45:19

Soc hich xapas ta mandar: Hich me xapasic: ich'ahic bahel carretahetic yu'un Egipto yu'un te awal-anich'anic soc awihnamic, soc ic'ahic tal te atatic, la'ic li'i.

1 Samuel 17:20

Hich sab hahch te David, la ya'be hilel ta scuenta yan te ya scanantay te tuminchijetic, la yich' bahel te ihc'atsil te pasot ta mandar yu'un Isaí. C'oht ta campamento te c'alal ya xloc' tal schahpan sbahic te soldadohetic soc yacalic ta aw scuenta guerra.

1 Samuel 26:6

Ha yu'un te David hich la yalbe te Ahimelec te heteo-winic soc te Abisai te yal Sarvia, sbanquil Joab: ¿Mach'a ya xcohon bahel soc ta campamento yu'un Saúl? xchi. Ho'on ya joquinat cohel, xchi te Abisai.

1 Samuel 26:8

Ha yu'un te Abisai la yalbe te David: Dios la ya'batix ta ac'ab te acontra. A'bon jmil ta lanza, junax buelta ya jts'ap ta lum, ma ba cheb ya ca'be, xchi.