1 Samuel 26:5 - Bible in Tzeltal Bachajón

⁵ Hich hahch bahel te David, baht ta banti spasoj scampamento te Saúl. La yil banti wayal te Saúl soc te Abner snich'an Ner, te jtsobaw yu'un te soldadohetic yu'une. Te Saúl wayal ta yohlil te campamento, joytaybil yu'un te winiquetic yu'une.

Bible in Tzeltal de Oxchuc y Tenejapa

⁵ Patil te David bajt' c'alal ta banti la spas scampamento te Saule. La yil ta lec te banti ya xway, soc te banti ya xway te Abner snich'an Ner, te ja' general yu'un spisil te soldadoetic yu'une. Te Saúl wayal ta yolil te campamento, joytabil yu'un spisil te swinictaque.

1 Samuel 26:5 ပူးပေါင်းရင်းမြစ်များ

2 Samuel 3:27

Te c'alal suht tal ta Hebrón te Abner, te Joab la yic' bahel ta jehch sti'il yochibal te pueblo scuenta yu'un ya sc'opon ta muquen. Tey la yehchentes ta sch'uht a te Abner scuenta sutbeyel spacol te milbot te yihts'in Asael, hich laj te Abner.

1 Crónicas 9:39

Te Ner, ha stat Cis; te Cis, ha stat Saúl; te Saúl, ha stat Jonatán, Malquisúa, Abinadab soc Es-baal.

1 Samuel 17:20

Hich sab hahch te David, la ya'be hilel ta scuenta yan te ya scanantay te tuminchijetic, la yich' bahel te ihc'atsil te pasot ta mandar yu'un Isaí. C'oht ta campamento te c'alal ya xloc' tal schahpan sbahic te soldadohetic soc yacalic ta aw scuenta guerra.

1 Samuel 17:55

Te Saúl, c'alal la yil te loc' bahel te David yu'un ya stsac sba soc te filisteo, hich la yalbe te Abner te jtsobaw yu'un te soldadohetic: Abner ¿mach'a snich'an te querem ini? xchi. Jamal ya calbat, ajwalil, ma jna', xchi te Abner.

1 Samuel 26:4

la sticon bahel jtsahtaywanejetic, hich la sna' te melel yac ta talel te Saúl.

1 Samuel 9:1

Ay jtuhl winic yu'un Benjamín te ich'bil ta muc', Cis sbihil, ha snich'an Abiel, snich'an Zeror, snich'an Becorat, snich'an Afía, sts'umbal Benjamín.