1 Samuel 26:25 - Bible in Tzeltal Bachajón

²⁵ Te Saúl hich la yalbe te David: Bayeluc me awutsil, jnich'an David; melel nix a bayel bin muq'uic sc'oblal ya xhahch apasticlan, soc ta spisil lec me ya xc'ohat, xchi. Ha yu'un te David hahch xan bahel, te Saúl suht bahel ta sna.

Bible in Tzeltal de Oxchuc y Tenejapa

²⁵ Te Saúl jich la yal ta spisil yo'tan: —Dios me ya yac'bat bendición, jnich'an David. Bayal me bi muq'uic sc'oplal ya xjajch' apas, soc spisil t'ujbil ya xc'ot ta pasel awu'un —xi'. Patil sujt' bael ta sna te Saule. Jich nix te David cha'bajt' xan ta beel.

1 Samuel 26:25 ပူးပေါင်းရင်းမြစ်များ

Génesis 32:28

La yal te winic: Ma ba Jacob ya xhil abihil, Israel ya xc'ohtix, yu'un la atsac aba soc Dios soc winiquetic, la awa'iy tsalaw, xchi.

Proverbios 26:25

Teme buen lec ya xc'opoj, ma xach'uhun, como ay huqueb bintic ilobtic sba ta yo'tan.

Isaías 54:17

Mayuc a'tejibal yu'un guerra te ya xhu' ya stsalat, soc ya xhu' awu'un scomel te mach'a ya slehat ta c'op. Ha ini te bin ya yich'ic te a'batetic yu'un Jehová, ha ini te tsalaw te ya c'abe, xchi te Jehová.

Oseas 12:4

La stsac sba soc jtuhl ch'ul a'bat, soc la stsal; oc' soc la sc'an te ya xna'bot yo'bolil sba yu'une. Dios la sta ta Bet-el, tey c'opoj soc a;

Romanos 8:35

¿Mach'a c'an spitotic loq'uel ta stojol te sc'uxul yo'tan Cristo? ¿Ha bal te contrahinel o wocoletic, uts'inel, wi'nal, teme mayuc c'u'ul-pac'al, te bin chuhcul ya xc'oht ta pasel, o espada?

Romanos 8:37

Ta spisil ini, ho'otic jc'axel ya ca'iytic tsalaw ta scuenta te Mach'a c'ux la ya'iyotic ta yo'tane

1 Samuel 24:19

Como ¿mach'a a te ya sta scontra te lec ya scoltay bahele? Te Jehová ac'a stojbat te bin lec, yu'un te bin la apasbonix ha'i c'ahc'al ini.

1 Samuel 24:20

Yo'tic ya jna'ix te melel ya x'ochat ta ajwalil, soc te ban c'alal smacoj te Israel ya me yich' yip ta acuenta.

1 Samuel 24:22

Ha yu'un te David hich jc'axel la yalbe ta jamal te Saúl. Hich suht bahel ta sna te Saúl, yan te David soc te swinictac mohic bahel ta ahnibal.