1 Samuel 26:21 - Bible in Tzeltal Bachajón

²¹ Ha yu'un hich la yal te Saúl: Jtahoj jmul; suhtan tal, jnich'an David. Mayuc bin chopol xan ya jpasbat, como yo'tic bayel sc'oblal ta atojol te jcuxlejale. Sonsohon, bayel howiyemon, xchi.

Bible in Tzeltal de Oxchuc y Tenejapa

²¹ Te Saúl jich la yal: —David, jnich'an, ya jna'ix te la jtaix jmule. Jichon ya caiy te bit'il sonso, mero bayal falta jtaoj. Pero la', sujt'anix tel, ma ba ya jlebatix awocol. Melel nax la awac'bonix quil te awich'ojbon ta muc' te jcuxlejale —xi'.

1 Samuel 26:21 ပူးပေါင်းရင်းမြစ်များ

2 Reyes 1:13

Patil te ajwalil la scha'ticon xan ta yoxebal buelta yan capitán soc lajuneb yoxwinic (50) ta tuhl winiquetic. Pero te yoxebal capitán mo bahel, la squejan sba ta stojol te Elías, la yalbe wocol, hich la yal: Winicat yu'un Dios, ayuc me sc'oblal awu'un te jcuxlejal soc te scuxlejalic te lajuneb yoxwinic (50) ta tuhl a'batetic awu'une.

2 Reyes 1:14

Cohemix tal c'ahc' ta ch'ulchan, lajinotic te cheb capitanetic soc te lajlajuneb yoxwinic (50) soldadohetic yu'un. Ayuc me sc'oblal te jcuxlejal ta atojol, xchi.

Salmos 116:15

Bayel sc'oblal ta stojol Jehová teme ya xcham te mach'atic yu'un te ch'uhltesbilic.

Salmos 49:8

(como c'ax bayel stojol te ya yich' mambeyel scuxlejal, ma xhu' ta tahbeyel te stojole),

Salmos 72:14

Ya me scoltaylan ta wocol soc ta uts'inel, como bayel sc'oblal ta yo'tan te scuxlejalique.

Éxodo 9:27

Ha yu'un te faraón la sticon ta iq'uel te Moisés soc Aarón, hich la yalbe: Yo'tic la jtahix jmul. Te Jehová ha toj stuquel, yan te ho'on soc te jlumale chopolon soc.

Números 22:34

Ha yu'un te Balaam la yalbe te ch'ul a'bat yu'un Jehová: Jtahoj jmul, ma ba la jna' teme ha'at amacbeyejon jbe. Teme ma ba lec yac awa'iy, ya suhton, xchi.

San Mateo 27:4

hich c'oht yal: La jta jmul yu'un la jcac' ta c'abal te Mach'a mayuc smul, xchi. Pero la yalbeyic: ¿Bin cochelcotic a te ho'otcotique? ¡Ila aba atuquel! la yutic.

1 Samuel 13:13

Hich halbot yu'un te Samuel: Ma xana' te bin la apase. Te lajuc ach'uhumbe te mandar te la yalbat te Jehová te Dios awu'un, la yac' te stalel ayic ta ajwalil ta Israel te ats'umbal te hichuque.

1 Samuel 15:24

Te Saúl la yalbe te Samuel: La jta jmul, como la jc'axuntaybe smandar te Jehová soc te ac'ope, ta scaj te la jxi' te pueblo soc la jquich'be ta cuenta te sc'opique.

1 Samuel 15:30

La yal te Saúl: La jta jmul; pero awocoluc, ich'awon ta muc' ta stojol te mamaletic yu'un te pueblo cu'un soc ta stojol Israel, joquinawon bahel scuenta yu'un ya jch'uhuntay te Jehová te Dios awu'un, xchi.

1 Samuel 18:30

Ya xloq'uic bahel ta guerra te jtsobaw yu'un te filisteohetic. Te jujun buelta te ya xloq'uic bahele, ha bayel xan hu' yu'un te David te bin ut'il te yantic a'batetic yu'un Saúl. Hich mero na'bil sba c'oht.

1 Samuel 24:17

hich la yalbe te David: Ha'at c'ax hich toj awo'tan a te bin ut'il te ho'one, yu'un lec te bin la apasbon, yan te ho'one chopol bin la jpasbat.

1 Samuel 26:22

La sjac' te David: Li' ay te lanza yu'un te ajwalile. Ac'a taluc jtuhluc a'bat ta yich'el bahel.

1 Samuel 26:24

Hich te bin ut'il bayel sc'oblal ta jtojol te acuxlejal, hich nix ayuc sc'oblal te jcuxlejal ta stojol Jehová soc ha ac'a scoltayon loq'uel ta spisil wocol, xchi.

1 Samuel 27:4

C'alal halbot te Saúl te baht ta ahnel ta Gat te David, la yihquitay slehel.