1 Samuel 26:19 - Bible in Tzeltal Bachajón

¹⁹ Awocoluc, cajwal, a'iybeya sc'op te a'bat awu'une. Teme ha te Jehová te la yac' te yac acontrahinon, ac'a stsac te mahtanile; yan teme ha winiquetic, jc'axel me bohlobenuc sc'oblalic ta stojol Jehová, como la stenoniquix loq'uel scuenta yu'un ma ba ya xc'ohtix ta jcuenta te bin ya ya'botic te Jehová, hich ya yalbonic: Bahan, ac'a aba ta a'batinel ta stojol yantic diosetic, xchihic.

Bible in Tzeltal de Oxchuc y Tenejapa

¹⁹ Wocoluc, cajwal, yacuc awaiybon jc'op jo'on te abaton awu'une. Teme ja' te Cajwaltic te ya yac'bat acontroinone, yacuc lamajuc yo'tan yu'un teme ya cac'bey smajt'an. Pero teme swenta nax winiquetic, jc'axel ch'aybil ac'a c'otuc yu'un te Cajwaltique. Melel ya stenoniquix loq'uel li' ta q'uinal yac'ojbotic te Cajwaltique, jich ya sticunonic bael ta spasel yat'el yan diosetic ya caiy.

1 Samuel 26:19 ပူးပေါင်းရင်းမြစ်များ

Génesis 44:18

Ha yu'un te Judá nohpoj tal ta stojol, hich la yalbe: Ay, cajwal, awocoluc, ac'a sc'oponat ta achiquin te a'bat awu'un, ma me xawilintay te awa'bate, como te ha'ate pajal c'ohemat soc faraón.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

2 Samuel 14:16

Te ajwalil ya wan yich' ta cuenta, ya wan scoltay loq'uel te ya'bat ta sc'ab te winic te ya sc'an ya slajinon soc te cal tey ta q'uinal te a'bot yu'un Dios.

2 Samuel 16:10

Pero la sjac' te ajwalil: ¿Bin cochelex a te ha'ex, yalatac Sarvia? Teme hich yac ta bohlc'optaywanej, yu'un hich halbot yu'un Jehová te ya sbohlc'optay te David. ¿Mach'a ya xhu' ya yalbe: Bin yu'un te hich yac apas? xchi.

2 Samuel 16:11

Patil te David hich la yalbe te Abisai soc spisil te winiquetic yu'un: Ha nix te jnich'an te yo'tanuc ya smilon, ¿ha'uc to balix a te sts'umbal Benjamín? Ihquitayahic, ac'a sbohlc'optayon, como ha nix te Jehová te halbot yu'une.

2 Samuel 20:19

Ho'on lamal co'tan soc jun co'tan ta Israel. Ha'at c'an alajinix jun pueblo te ha nanil ta Israel. ¿Bin yu'un te yac alajin te bintic ay yu'un Jehová? xchi.

2 Samuel 21:3

Te David la sjoc'obe te gabaonetic: ¿Bin ya jpasbeyex ta atojolic? ¿Binti lec yac awa'iyic te ya ca'beyex scuenta yu'un yac awa'beyic bendición te mach'atic yu'un Jehová? xchi.

2 Samuel 24:1

Te Jehová tihl xan yilimba ta stojol Israel. La shachbe yo'tan David ta scontrahinel Israel, hich la yal: Bahan, ahtaya te Israel soc Judá, xchi.

1 Reyes 22:22

Ya xloc'on bahel, ha lotil espirituhon ya xc'ohon ta ye spisil te jalwanejetic, xchi. Te Jehová la yal: Ya xhu' awu'un yac ajuc. Bahan, pasa, xchi.

1 Crónicas 21:1

Te Satanás hahch ta scontrahinel te Israel, la stijbe yo'tan te David te ya yahtay te Israel.

Salmos 120:5

¡Obol jba te nahinemon ta Mesec, te nahinemon ta yohlil te nahilpaq'uetic yu'un Cedar!

Salmos 20:4

Ac'a ya'bat te bin ya sc'an awo'tan soc ac'a sc'ohtes ta pasel spisil bintic chapal awu'un.

Proverbios 30:10

Ma me xalehbe smul te a'bat ta stojol te yajwal, ya wan yalbat chopol ac'oblal soc yac awich' castigo yu'un.

Isaías 60:5

Yac awil, hich ya xtihl yutsil awo'tan, bayel yutsil awo'tan yu'un, como ya x'ich'botat talel te sc'ulejal te mar, ya xtal ta atojol te sc'ulejalic te nacionetique.

Levítico 26:31

Jc'axel jochol ya xhil cu'un te pueblohetic awu'unic, ya jimbeyex te ch'ul awilaletic awu'unic soc ma ba ya jsic'be sumumal yic' te lequil perfume awu'unique.

Números 36:7

scuenta yu'un te sq'uinal te snich'nab Israel ma ba ya sohl bahel ta yan jchahp yu'un Israel; como te jujuchahp yu'un Israel ay ta scuentahic te q'uinal yu'un te jchahp yu'un te statique.

Números 36:9

ma ba xmelmon ya xc'ax bahel ta jujuchahp. Te jujuchahp te snich'nab Israel ya me yich'ic hilel te q'uinal a'bot yich'ic, xchi.

Romanos 14:15

Teme ta scaj we'elil te ya smel yo'tan te awermano, yu'un nix ma ba ayat ta spasel te bin ya sc'an te sc'uxul-o'tanile. Ma me ha'uc ta scuenta te bin yac awe' te yac awac' ch'ayuc te mach'a cham Cristo yu'une.

Gálatas 5:12

¡Ayuc ya yehchentes sbahic ta c'axel te mach'atic yac sjimbelex awo'tanique!

Deuteronomio 13:3

ma me xawa'iybe sc'op te jalwanej o te hal-wayichil, como te Jehová te Dios awu'unic yac stsajbelex yil teme c'ux yac awa'iy ta awo'tanic te Jehová te Dios awu'unic ta spisil awo'tanic soc ta spisil ach'uhlelic.

2 Timoteo 4:14

Te Alejandro te jten-taq'uin, la ya'bon c'axuc bayel jwocol; ya me x'a'bot stoj yu'un Cajwaltic te bin la spase.

1 Samuel 18:10

Ta schebal c'ahc'al hul soc yip ta stojol Saúl bohl espíritu ticombil tal yu'un Dios; hahch ta sohquel sjol ta yutil sna. Te David yac ta stijel arpa a, hich te bin ut'il ya spasulan ta spisil ora. Te Saúl yich'oj lanza ta sc'ab,

1 Samuel 24:9

Hich la yalbe te Saúl: ¿Bin yu'un yac awa'iybe sc'op te mach'atic hich ya yalic: Te David ya sc'an ya ya'bat wocol, te xchihique?

1 Samuel 25:24

La spahcan sba ta ye'tal yoc, hich la yal: Cajwal, ho'on ac'a c'ohtuc ta jcuenta te mulile. Awocoluc, ac'a sc'oponat te a'bat awu'un, a'iybeya awa'iy te sc'op te ya yalbate.

1 Samuel 27:1

Hich la yal ta yo'tan te David: Ya me sta yorahil te ya xlajon ta sc'ab te Saúl. Ha lec ya xbohon ta ahnel ta sq'uinal filisteohetic, scuenta yu'un hich ma ba ya sna'onix a te Saúl, soc ma ba ya slehonix ta sjoyobal sq'uinal Israel, hich me ya xcolon ta sc'ab a, xchi.