1 Samuel 26:16 - Bible in Tzeltal Bachajón

¹⁶ Ma ba lec te bin la apas. ¡Yiloj Jehová! ya sc'an ya xlajex, yu'un ma ba la acanantayic te ajwalil awu'unic, ha te mach'a tsahbil yu'un te Jehová. Ilawil banti ay te lanza yu'un te ajwalil soc te yawil ha' te nopol ayic ta sjolinab ta wayel, xchi.

Bible in Tzeltal de Oxchuc y Tenejapa

¹⁶ Ma ba lec te bila ya apase. Jamal ya cal ta stojol te Cajwaltic, te ja' lec te yacuc xlajexe, melel ma ba la acanantayic te awajwalic, ja' te muc' ajwalil stsaoj te Cajwaltique. Lebeya awil te slanza soc te jarra, te ayic ta nopol sjol. Ya quiltic teme ya atae —xi'.

1 Samuel 26:16 ပူးပေါင်းရင်းမြစ်များ

2 Samuel 12:5

Bayel ilin yu'un te David ta stojol te jc'ulej winic. Hich la yalbe te Natán: ¡Yiloj Jehová, ya sc'an ya xlaj te mach'a hich spasoj!

2 Samuel 19:28

Como spisil te mach'atic ay yu'un ta sna te jtat ayic ta scuenta lajel ta stojol te ajwalil cu'un, pero ha'at la awac' te a'bat awu'un ta yohlil te mach'atic ic'bilic ta we'el ta amesa. ¿Bin yan ya xhu' ya jc'ambe ta stojol te ajwalile? xchi.

1 Reyes 2:26

Te ajwalil la yalbe te sacerdote Abiatar: Bahan ta aq'uinal ta Anatot, ya sc'an te ya xlajat, pero ma ba ya jmilat yo'tic como awich'beyej bahel te scaxahul te chapbil-c'op yu'un Jehová ta stojol te jtat David, soc pajal c'ax awocol soc te jtate, xchi sc'oblal.

Salmos 102:20

yu'un ya ya'iybe yahcan te jchuqueletic, yu'un ya yac' ta libre te mach'atic ac'bilic ta lajel;

Salmos 79:11

Ac'a c'ohtuc ta atojol te yacan te jchuqueletique; ta scuenta smuc'ul yip ac'ab coltaya te mach'atic chahpambil te ya xlajique.

Efesios 2:3

Ta jpisiltic hich nix tey cuxajotic ta nahil to a, ha baht ta co'tantic spasulanel te bintic la smulan spasel te jpoco'-taleltic yu'un mulil, la jpasbetic te bintic la sc'an yo'tan soc te bintic la snop. Ta scuenta te jtaleltic ini ayotic ta scuenta yich'beyel te yilimba Dios, hich te bin ut'il te yantique.

1 Samuel 20:31

Como te jayeb c'ahc'al cuxul ta bahlumilal te snich'an Isaí, mayuc awip yac ata soc ma ba ya x'ochat ta ajwalil. ¡Ticombon ta iq'uel tal, yu'un ya sc'an ya yich' milel! xchi.

1 Samuel 24:6

Hich la yalbe te swinictac: Ha me ac'a scomon te Jehová te hich ya jpasbe te cajwal, te mach'a tsahbil yu'un Jehová. ¡Ma ba ya hach jc'ab ta scontrahinel, como ha tsahbil yu'un Jehová! xchi.

1 Samuel 26:11

ma me xyac'on Jehová te ya jach jc'ab ta scontrahinel te mach'a tsahbil yu'une. Pero tsaca te lanza te ay ta nopol sjolinab ta wayel soc te yawil ha', conic, xchi.

1 Samuel 26:15

Te David hich la yalbe te Abner: ¿Ma bal winicucat? ¿Mach'a pajalat soc ta Israel? ¿Bin yu'un te ma ba yac acanantay te ajwalil awu'une? Como ay jtuhl winic te och bahel ya c'an smilbat te ajwalil awu'une.

1 Samuel 26:9

Pero la sjac' te David: Ma me xamil. Como ¿mach'a c'an shach sc'ab ta scontrahinel te mach'a tsahbil yu'un te Jehová, te mayuc smul ya xhile? xchi.