1 Samuel 26:12 - Bible in Tzeltal Bachajón

¹² Hich te David la yich'be bahel te lanza soc te yawil ha' ay ta nopol sjolinab ta wayel te Saúl, bahtic. Mayuc mach'a ilotic yu'un, mayuc mach'a la sna', soc mayuc mach'a cux yo'tan; spisil wayalic, como a'botic c'uhbuc swayelic yu'un Jehová.

Bible in Tzeltal de Oxchuc y Tenejapa

¹² Jich la yich'bey te slanza soc te jarra ay ta nopol sjol te Saúl, bajt'ic ta xchebalic. Ma'yuc mach'a ilotic yu'un ni ayuc mach'a aiyotic yu'un, melel ma'yuc mach'a wijc' sit, spisil ochem swayelic ta lec. Ja' nix te Cajwaltic te la yac' c'ubuc swayelique.

1 Samuel 26:12 ပူးပေါင်းရင်းမြစ်များ

Génesis 15:12

Yac ta mahlel c'ahc'al a c'uhb swayel te Abram, bayel xiw yo'tan yu'un mero ihc' baht te q'uinal ta stojol.

Génesis 2:21

Ha yu'un te Jehová Dios la yac' c'uhbuc swayel te Adán; c'alal wayalix a la sloq'uesbe jch'ix smochbaquel soc la smacbe te banti la sloq'ues.

Ester 6:1

Ha nix ta ahc'abal a, te ajwalil ma ba tal swayel. Ha yu'un la sticon ta ich'el tal te libro yu'un te sna'ojibal soc te ya'tel, yu'un ya yich' ilbeyel ta stojol.

Isaías 29:10

Como te Jehová la smal ta atojolic espíritu yu'un c'ubul wayel; la smacbe sit te jalwanejetic awu'unic soc la smacbe sjol te mach'atic ya x'ilawanic.

1 Samuel 24:4

Ha yu'un te winiquetic yu'un la yalbeyic te David: Ilawil, c'ohtix te sc'ahc'alel te hich la yalbat te Jehová: Ilawil, ya ca'bat ta ac'ab te acontra, ya me apasbe te bin ya sc'an awo'tan, xchihic. Hich hahch bahel te David, muquen la set'be loq'uel jxeht' sti'il snahtil-c'u' te Saúl.

1 Samuel 26:13

Te David sohl bahel ta jehch yan wits te namal yiloj sba soc.

1 Samuel 26:7

Hich te David soc te Abisai ta ahc'abal bahtic ta banti ay te soldadohetique. Tey wayal a te Saúl ta campamento, ts'apal ta lum te slanza ta nopol sjolinab ta wayel. Te Abner soc te soldadohetic sjoytayejic ta wayel.