1 Samuel 24:9 - Bible in Tzeltal Bachajón

⁹ Hich la yalbe te Saúl: ¿Bin yu'un yac awa'iybe sc'op te mach'atic hich ya yalic: Te David ya sc'an ya ya'bat wocol, te xchihique?

Bible in Tzeltal de Oxchuc y Tenejapa

⁹ Jich la yalbey: —Cajwal, ¿bi yu'un ya ach'uun te mach'atic ya yalbat te yac jlebelat awocole?

1 Samuel 24:9 ပူးပေါင်းရင်းမြစ်များ

Salmos 101:5

Ya jcom te mach'a muquen ya sle ta c'op te spat-xuhc; ma jc'an te mach'a jtoyba soc te muc' ya yac' sbahe.

Salmos 141:6

Te jcuentahinwanejetic yu'unic ya me yich'ic ch'ojel cohel ta xuhc tonetic, ya me ya'iyic te ha smelelil te jc'ope.

Proverbios 16:28

Te chopol winic ya shach c'op, soc te mach'a ya xlehawan ta c'op ya ya'be spit sbahic te mach'atic mero jun yo'tan sbahique.

Proverbios 17:4

Te mach'a chopol, ya ya'iybe sc'op te mach'a chopol bin ya yal; te mach'a jlot, ya ya'iybe sc'op te mach'a chopol te sc'ope.

Proverbios 18:8

Te sc'op te lehaw ta c'op hich ay te bin ut'il c'unil we'elil; ya xc'ub bahel c'alal ta yutil sbaq'uetal.

Proverbios 25:23

Te ic' ya xtal ta norte ya yic' tal ha'al; ha nix hich te labanwanej ya yac' chicnajuc ilimba ta sit yelaw.

Proverbios 26:28

Te yac' te mach'a ya ya'iy lot ya yil-o'tantay te mach'a ya yuts'in, soc te t'ujbil c'op te ma meleluc, ya xjinawan.

Proverbios 29:12

Teme ay ajwalil te ya yich' ta cuenta te lotil-c'op, ha nix hich chopol yo'tanic spisil te j'a'teletic yu'une.

Jeremías 37:18

Ha nix hich te Jeremías la sjoc'obe te ajwalil Sedequías: ¿Bin jmul la jta ta atojol, ta stojol te a'batetic awu'un o te pueblo ini, yu'un yac awotseson ta cárcel?

Levítico 19:16

Ma me xbehenat ta yohlil alumal ta le-c'op. Ma me ayuc bin yac apas te ya xlaj scuxlejal apat-axuhc a. Ho'on, Jehovahon.

Santiago 3:6

Ha c'ahc' c'ohem te cac'tic, ha jun yawil nojel ta mulil te ay ta jbaq'uetaltic. Ya sbohlobtes spisil te jbaq'uetaltic, ya schic'botic spisil jcuxlejaltic, soc ha nix tihltesbil sc'ahc'al yu'un te infierno.

1 Samuel 20:1

Ta patil, te David loc' bahel ta ahnel ta Naiot te ay ta Ramá, c'oht ta stojol Jonatán, hich la yal: ¿Bin la jpas ho'on? ¿Bin chopol jpasoj o bin jmul jtahoj ta stojol atat, te yac slehbelon yu'un ya smilon? xchi.

1 Samuel 20:41

Te c'alal bahtix a te quereme, loc' tal te David ta sts'ehl te ton, oxeb buelta la spahcan sba c'alal ta lum ta stojol; la yuhts'uy sbahic soc la yoq'uetay sbahic, ha tulan xan oc' a te David.

1 Samuel 24:10

Yo'tic la awilix ta asit bin ut'il Jehová la yac'at ta jc'ab ta ch'en. Ay la yalbonic te yacuc jmilat, pero ma hichuc la jpas, yu'un hich la jcal: Ma ba ya hach jc'ab ta scontrahinel te cajwal, como ha tsahbil yu'un Jehová, xchihon.

1 Samuel 24:8

Ha nix hich loc' talel ta ch'en te David, hahch yawtay te Saúl: ¡Cajwal, te ajwalil cu'un! xchi. Te c'alal la sut sit ta spat te Saúl, te David la snijan sba ta lum ta yich'el ta muc'.

1 Samuel 26:18

Soc la yal xan: ¿Bin yu'un yac anutsbelon te a'baton awu'une, cajwal? ¿Bin jpasoj? ¿Bin chopol jpasoj?

1 Samuel 26:19

Awocoluc, cajwal, a'iybeya sc'op te a'bat awu'une. Teme ha te Jehová te la yac' te yac acontrahinon, ac'a stsac te mahtanile; yan teme ha winiquetic, jc'axel me bohlobenuc sc'oblalic ta stojol Jehová, como la stenoniquix loq'uel scuenta yu'un ma ba ya xc'ohtix ta jcuenta te bin ya ya'botic te Jehová, hich ya yalbonic: Bahan, ac'a aba ta a'batinel ta stojol yantic diosetic, xchihic.