1 Samuel 24:6 - Bible in Tzeltal Bachajón

⁶ Hich la yalbe te swinictac: Ha me ac'a scomon te Jehová te hich ya jpasbe te cajwal, te mach'a tsahbil yu'un Jehová. ¡Ma ba ya hach jc'ab ta scontrahinel, como ha tsahbil yu'un Jehová! xchi.

Bible in Tzeltal de Oxchuc y Tenejapa

⁶ Jich la yalbey te swinictac: —Ja' me ac'a scomon te Cajwaltic ta sjachel jc'ab ta stojol te cajwale, ja' te muc' ajwalile. Melel ja' ac'bot yich' yat'el yu'un te Cajwaltic, ja' yu'un ja' muc' ajwalil stuquel —xi'.

1 Samuel 24:6 ပူးပေါင်းရင်းမြစ်များ

2 Samuel 1:14

¿Bin ut'il ay a te ma ba la axi' te la ahach ac'ab ta smilel te mach'a tsahbil yu'un te Jehová? xchi te David.

2 Samuel 24:10

Te c'alal laj yo'tan te David ta yahtayel te pueblo, pich'bot yo'tan yu'un, hich la yalbe te Jehová: Mero bayel la jta jmul yu'un te bin la jpas. Ya calbat wocol ta atojol, Jehová, te yacuc apasbe perdón te smul te awa'bate. Scaj jsonsohil te hich la jpase, xchi.

1 Reyes 21:3

Pero te Nabot la sjac'be te Acab: Ma hichuc ya sc'an Jehová te ya ca'bat te bin ya'beyejon hilel jme'jtat, xchi.

San Mateo 5:44

Pero ho'on ya calbeyex: C'ux me xawa'iy ta awo'tanic te acontra, lecuc me xac'oponic te mach'atic ya yixta'c'optayex, lecuc bin yac apasbeyic te mach'atic ya sp'ajex, soc c'opombeyahic Dios te mach'atic ya yuts'inex,

Romanos 12:14

Halbeyahic lec sc'oblal te mach'atic ya yuts'inex; halbeyahic lec sc'oblal, ma me xabohlobtesbeyic sc'oblal.

1 Tesalonicenses 5:15

Tsahtayahic te mayuc mach'a ya sutbe spacol te bin chopol ya xpasbot, pero spisil ora talel c'axel xapasbe abahic te bin lec soc nix spisil te yantique.

1 Samuel 12:3

Li' ayon; halbonic jmul ta stojol Jehová soc ta stojol te mach'a tsahbil yu'un, teme ay mach'a la jpojbe swacax, teme ay mach'a la jpojbe sburro, teme ay mach'a la jtojol-lehbe smul, teme ay mach'a ay swocol cu'un, o teme ay mach'a la jquich'be staq'uin yu'un ya smacbon jsit a; ya me jsuhtbeyex, xchi.

1 Samuel 24:7

Ta scuenta te c'op ini te David la scom te winiquetic yu'un, ma ba la ya'be shach sc'abic ta scontrahinel te Saúl. Loc' tal ta ch'en te Saúl, hahch xan ta behel.