1 Samuel 24:11 - Bible in Tzeltal Bachajón

¹¹ Ilawil, jtat, te sti'il anahtil-c'u' quich'oj ta jc'ab. La jset'bat loq'uel pero ma ba la jmilat. Na'a me te mayuc bin chopol o aq'uel ta c'abal te jnopoje. Mayuc jtahoj jmul ta atojol, pero ha'at yac alehbelon yu'un yac amilon.

Bible in Tzeltal de Oxchuc y Tenejapa

¹¹ “Soc ila awil, cajwal, te sti'il ac'u' quich'oj ta jc'abe, te yu'unuc ya jc'an ya jmilat, la jmilatix te jichuque. Tey me x'ana' a te ma'yuc bi amen jnopoj ta co'tan ta atojol, soc ma ba jnopoj te ya jmuquen-milate. Ma'yuc jtaoj jmul ta atojol. Yan te ja'ate yac alebelon yu'un ya amilon.

1 Samuel 24:11 ပူးပေါင်းရင်းမြစ်များ

2 Samuel 1:14

¿Bin ut'il ay a te ma ba la axi' te la ahach ac'ab ta smilel te mach'a tsahbil yu'un te Jehová? xchi te David.

2 Reyes 5:13

Pero te a'batetic yu'un nohpojic talel, hich la yalbeyic: Jtatic, te ayuc bin mero tulan ta pasel la ya'bat apas te jalwanej, ¿ma bal lajuc apas te hichuque? ¿Ha'uc to balix a te hich la yalbat: Poca aba, hich ya xlecubat? xchihic.

Job 10:16

Teme ya jach te jole, ha'at yac anutson hich te bin ut'il choj, soc yac apas jchahp a'teliletic ta jcontra.

Salmos 119:161

Te príncipaletic mayuc scuentahil ya yuts'inonic, pero ya xiw co'tan yu'un te ac'ope.

Salmos 140:11

Ma me xhalaj ta q'uinal te mach'a chopol ya xc'opoj; ac'a yich' nutsel yu'un te bin chopol te mach'a ya x'uts'inwan.

Salmos 35:7

Como mayuc scuentahil te la snac'bonic jyacol, mayuc scuentahil la sjoc'bonic jch'enal.

Salmos 59:3

Como snac'oj sbahic yu'un ya smilonic; stsoboj sbahic ta jcontra winiquetic te ay yipic, ma ha'uc ta scuenta te bin jpasoj o ta scuenta jmul, Jehová.

Salmos 7:5

ac'a snutson te jcontra soc ac'a stahon; ac'a ts'o'ts'o'tec'bon ta lum te jcuxlejal, ac'a ya'bon ta ts'u'lum te quich'el ta muc'. Selah

Proverbios 15:1

Te t'ujbil suhtib c'op ya slahmajtes ilimba, yan te tulan suhtib c'op ya yac' tohyuc xan te ilimba.

Lamentaciones 4:18

La stsahtay yilic te jujujihm coctic hich ma ba hu' ya xbehenotic ta callehetic. Nohpoj tal te slajibal cu'untic, ts'acay te corahiltic, c'ohtix te jlajibaltique.

Ezequiel 13:18

Hich me xawalbe: Hich yaloj te Jehová, te Ajwalil: ¡Ay me swocolic te antsetic te ya sts'isic tut pac' te ay bin ya xhu' ya spasic a ta sc'opic, te ya yaq'uic ta spisil snuc' sc'abic, soc te ya spasic smahquil sjolic ta chahpalchahp ya'bilal, yu'un ya xhu' yu'unic stsacbel scuxlejal ants-winiquetic! ¿Ya bal atsacbe scuxlejal te pueblo cu'un scuenta yu'un hich cuxul ya xhilex te ha'exe?

Miqueas 7:2

Mayuquix ta q'uinal te mach'a ay sc'uxul yo'tan, mayuc hilem ta yohlil te ants-winiquetic te mach'a toj yo'tan; spisilic ya xmacliywanic yu'un ya xmilawanic, jujutuhl ya schahpambe syacol te yermanohe.

San Juan 15:25

Te bin ut'il hich la spasic, yu'un hich ya xc'oht ta pasel a te bin ts'ihbabil hilel ta Ley yu'unic: Mayuc scuentahil te la sp'ajonic, te xchihe.

1 Samuel 12:3

Li' ayon; halbonic jmul ta stojol Jehová soc ta stojol te mach'a tsahbil yu'un, teme ay mach'a la jpojbe swacax, teme ay mach'a la jpojbe sburro, teme ay mach'a la jtojol-lehbe smul, teme ay mach'a ay swocol cu'un, o teme ay mach'a la jquich'be staq'uin yu'un ya smacbon jsit a; ya me jsuhtbeyex, xchi.

1 Samuel 18:27

loc' bahel te David soc te winiquetic yu'un, la smil lajunwinic (200) ta tuhl filisteohetic. La yich'be tal te snuhculel sjol sc'unil sbaq'uetal te filisteohetic, la ya'be spisil te ajwalil, scuenta yu'un hich ya snihalin. Hich te Saúl la ya'be yic' te yantsil-nich'an Mical.

1 Samuel 23:14

Te David hil ta jochol taquin q'uinal ta ahnibal-ch'entiquil, ta witsiltic ta jochol taquin q'uinal Zif. Te Saúl jujun c'ahc'al la sle te David, pero ma ba ac'ot ta c'abal yu'un te Diose.

1 Samuel 23:23

Ilawilic ta lec hiche soc halbonic ca'iy spisil te banti ya snac'ticlan sba. Patil suhtanic talel, ya me awa'bonic jna', hich ya joquinex bahel. Teme tey ay a, xtiq'uet ya jle ta yohlil jujuchahp sts'umbal Judá, xchi.

1 Samuel 25:28

Awocoluc pasbeya perdón te a'bat awu'un te bin chopol ini. Jehová ya me ya'be yip te sna te cajwal, yu'un yacat ta spasel te guerra yu'un Jehová, soc ma me ayuc bin chopol ya stahat te jayeb c'ahc'al cuxulat.

1 Samuel 26:18

Soc la yal xan: ¿Bin yu'un yac anutsbelon te a'baton awu'une, cajwal? ¿Bin jpasoj? ¿Bin chopol jpasoj?

1 Samuel 26:20

Ma me xyich' malel jch'ich'el ta namal ta stojol Jehová, como te ajwalil yu'un Israel loc' slehbel jcoht ch'ac, hich te bin ut'il mach'a ya snuts nacow ta wits, xchi.

1 Samuel 26:23

Te Jehová ac'a stoj ta tuhlultuhl ha chican teme stojil bin spasoj soc teme jun yo'tane. Te Jehová la yac'at ta jc'ab te naxe, pero ma ba la jc'an la jach jc'ab ta stojol te mach'a tsahbil yu'un te Jehová.