1 Samuel 23:9 - Bible in Tzeltal Bachajón

⁹ C'alal la ya'iy te David te bin chopol snopoj te Saúl, hich la yalbe te sacerdote Abiatar: Ich'bon tal te efod, xchi.

Bible in Tzeltal de Oxchuc y Tenejapa

⁹ Pero la yaiy te David te bi chapalix yu'un Saúl. La yalbey mandal te sacerdote Abiatar te yacuc x'ich'bot tel te efod, swenta yu'un ya me sjojc'obey te Cajwaltique.

1 Samuel 23:9 ပူးပေါင်းရင်းမြစ်များ

1 Reyes 2:26

Te ajwalil la yalbe te sacerdote Abiatar: Bahan ta aq'uinal ta Anatot, ya sc'an te ya xlajat, pero ma ba ya jmilat yo'tic como awich'beyej bahel te scaxahul te chapbil-c'op yu'un Jehová ta stojol te jtat David, soc pajal c'ax awocol soc te jtate, xchi sc'oblal.

Jeremías 33:3

Awtayawon, ya jac'bat, soc ya calbat bintic muc' sc'oblal soc te bintic muquen ay te ma ba ana'oje.

Oseas 3:4

Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic.

Números 27:21

Te Josué ya xbaht ta stojol te sacerdote Eleazar te ha ya sjoc'obe te Jehová ta scuenta te Urim. Ta scuenta smandar te Josué ya xloq'uic bahel spisil te pueblo Israel, soc ta scuenta smandar ya x'ochic talel, xchi.

Hechos 14:6

pero c'alal la sna'ic, ahnic bahel ta Listra soc ta Derbe te ayic ta sq'uinal Licaonia, soc spisil sq'uinal ta sjoyobal,

Hechos 9:24

pero la ya'iy te Saulo te bin chapal sc'oblal yu'unique. C'ahc'al ahc'abal la scanantayic te puertahetic yu'un ya smilic.

1 Samuel 10:22

Ha yu'un la sjoc'obeyic xan te Jehová teme ma to ba talem te winique. La yal te Jehová: Li' ayi, snac'oj sba ta yohlil te biluquetic, xchi.

1 Samuel 14:18

Ha yu'un te Saúl la yalbe te Ahías: Ich'a tal te scaxahul te chapbil-c'op yu'un Dios, xchi. (Yu'un te scaxahul te chapbil-c'op yu'un Dios ay ta yohlilic a te snich'nab Israel.)

1 Samuel 22:20

Pero Abiatar, jtuhl snich'an Ahimelec snich'an Ahitob, loc' ta ahnel, baht ta banti ay te David.

1 Samuel 23:10

La yal te David: Jehová, Diosat yu'un Israel, ya'iyejix te a'bat awu'un te snopoj te Saúl te ya xtal ta Keila yu'un ya slajin ta jcuenta.

1 Samuel 23:6

Te Abiatar snich'an Ahimelec, te baht ta ahnel ta stojol David, yich'oj bahel ta Keila te efod.

1 Samuel 23:8

Hich te Saúl la tsob tal spisil te soldadohetic yu'un scuenta yu'un ya xco bahel ta Keila ta sjoytayel David soc te winiquetic yu'une.

1 Samuel 30:7

Te David la yalbe te sacerdote Abiatar snich'an Ahimelec: Awocoluc, ich'bon tal te efod, xchi. Hich te Abiatar la yich'be tal te efod.