1 Samuel 23:6 - Bible in Tzeltal Bachajón

⁶ Te Abiatar snich'an Ahimelec, te baht ta ahnel ta stojol David, yich'oj bahel ta Keila te efod.

Bible in Tzeltal de Oxchuc y Tenejapa

⁶ Te Abiatar te snich'an Ahimelec te tal ta anel ta st'unel bael David, bajt' soc ta Keila, yich'oj bael te efod.

1 Samuel 23:6 ပူးပေါင်းရင်းမြစ်များ

1 Reyes 2:26

Te ajwalil la yalbe te sacerdote Abiatar: Bahan ta aq'uinal ta Anatot, ya sc'an te ya xlajat, pero ma ba ya jmilat yo'tic como awich'beyej bahel te scaxahul te chapbil-c'op yu'un Jehová ta stojol te jtat David, soc pajal c'ax awocol soc te jtate, xchi sc'oblal.

Éxodo 28:6

Ya me spasic te efod ta oro, yax, chi'in-yax soc tsajal estambre, soc lequil ts'otbil lino, buen ch'albil ta ts'isel.

1 Samuel 14:18

Ha yu'un te Saúl la yalbe te Ahías: Ich'a tal te scaxahul te chapbil-c'op yu'un Dios, xchi. (Yu'un te scaxahul te chapbil-c'op yu'un Dios ay ta yohlilic a te snich'nab Israel.)

1 Samuel 14:3

soc Ahías snich'an Ahitob, te yermano Icabod snich'an Finees, te snich'an Elí, te sacerdote yu'un Jehová ta Silo, te yich'oj te efod. Mayuc mach'a sna'oj te bahem te Jonatán.

1 Samuel 22:20

Pero Abiatar, jtuhl snich'an Ahimelec snich'an Ahitob, loc' ta ahnel, baht ta banti ay te David.

1 Samuel 23:2

Ha yu'un te David la sjoc'obe te Jehová: ¿Ya bal ca'be guerra te filisteohetic? xchi. Jac'bot yu'un te Jehová: Bahan, a'beya guerra te filisteohetic, coltaya te Keila, xchi sc'oblal.

1 Samuel 23:5

Ha yu'un te David baht soc te winiquetic yu'un ta Keila, la ya'be guerra te filisteohetique. La yic'be bahel te schansbahlamic soc bayel la smilic hilel. Hich la scoltay Keila te David.

1 Samuel 23:7

Halbot te Saúl te bahem ta Keila te David. Ha yu'un la yal te Saúl: Dios la ya'bonix ta jc'ab, la smaquix sba ta yutil pueblo te ay sts'ahcul soc ochibaletic soc sc'atal-te'eletic yu'un, xchi.

1 Samuel 23:9

C'alal la ya'iy te David te bin chopol snopoj te Saúl, hich la yalbe te sacerdote Abiatar: Ich'bon tal te efod, xchi.

1 Samuel 30:7

Te David la yalbe te sacerdote Abiatar snich'an Ahimelec: Awocoluc, ich'bon tal te efod, xchi. Hich te Abiatar la yich'be tal te efod.