1 Samuel 23:4 - Bible in Tzeltal Bachajón

⁴ Ha yu'un te David baht sjoc'obe xan te Jehová. Te Jehová hich la yalbe: Hahchan, cohan bahel ta Keila, ho'on ya ca'bat ta ac'ab te filisteohetique, xchi.

Bible in Tzeltal de Oxchuc y Tenejapa

⁴ Te David bajt' xan ta sjojc'obeyel te Cajwaltique. Te Cajwaltic jich la yal: —Jajch'an ta beel, baan ta Keila, jo'on ya cac'bat ta ac'ab te filisteoetique —xi'.

1 Samuel 23:4 ပူးပေါင်းရင်းမြစ်များ

2 Samuel 2:1

Patil te David la sjoc'obe te Jehová: ¿Ya bal xhu' ya xmohon bahel ta junuc pueblo ta sq'uinal Judá? xchi. La yal te Jehová: Mohan bahel, xchi. ¿Banti ya xbohon? xchi te David. La sjac' te Jehová: Ta Hebrón, xchi sc'oblal.

2 Samuel 5:19

Ha yu'un te David la sjoc'obe te Jehová: ¿Ya bal ca'be guerra te filisteohetic? ¿Ya bal awa'bon ta jc'ab? xchi. Te Jehová la sjac'be sc'op te David: Bahan, como ya ca'bat ta ac'ab te filisteohetic, xchi sc'oblal.

2 Reyes 3:18

Ma wocoluc ya ya'iy te Jehová ini; ha nix hich ya me ya'beyex ta ac'abic te moabetique.

1 Crónicas 14:10

Ha yu'un te David la sjoc'obe te Jehová: ¿Ya bal ca'be guerra te filisteohetic? ¿Ya bal awa'bon ta jc'ab? xchi. La sjac' te Jehová: Bahan, como ya ca'bat ta ac'ab, xchi.

Josué 8:7

Hich te ha'exe ya me xhahchex tal ta banti anac'oj abahic, ya me awu'untayic te pueblohe. Te Jehová te Dios awu'unic ya me ya'beyex ta ac'abic.

Jueces 6:39

Pero te Gedeón la yalbe te Diose: Ma me xtihl awilimba ta jtojol teme ya jc'oponat xan: ya jpas jun xan prueba quil soc te stsotsel tuminchij. Awocoluc, taquin ac'a hiluc te stsotsel, ac'a cohuc ta lum te ts'ujule, xchi.

Jueces 7:7

Ha yu'un te Jehová la yalbe te Gedeón: Ta scuenta te ho'lajunwinic (300) ta tuhl winiquetic te la sleq'uic ha' ya jcoltayex soc ya ca'beyex ta ac'abic te madianetique. Ac'a suhticuc ta snahic spisil te yantique, xchi.

Jueces 7:9

Ta ahc'abal nix, te Jehová hich la yalbe: Hahchan, cohan bahel ta ya'beyel guerra te campamento, yu'un la jca'batix ta ac'ab.

1 Samuel 10:22

Ha yu'un la sjoc'obeyic xan te Jehová teme ma to ba talem te winique. La yal te Jehová: Li' ayi, snac'oj sba ta yohlil te biluquetic, xchi.

1 Samuel 23:2

Ha yu'un te David la sjoc'obe te Jehová: ¿Ya bal ca'be guerra te filisteohetic? xchi. Jac'bot yu'un te Jehová: Bahan, a'beya guerra te filisteohetic, coltaya te Keila, xchi sc'oblal.

1 Samuel 23:3

Pero te winiquetic sjoquinejic te David hich la yalbeyic: Li' ta sq'uinal Judá ayotcotic ta xiwel, ¿ha'uc to balix a teme ya xbohotic ta Keila ta ya'beyel guerra te soldadohetic yu'un te filisteohetique? xchihic.

1 Samuel 23:5

Ha yu'un te David baht soc te winiquetic yu'un ta Keila, la ya'be guerra te filisteohetique. La yic'be bahel te schansbahlamic soc bayel la smilic hilel. Hich la scoltay Keila te David.

1 Samuel 28:6

Te Saúl la sjoc'obe te Jehová, pero te Jehová ma ba la sjac' ta scuenta swayich o ta Urim o jalwanejetic.

1 Samuel 30:8

Te David la sjoc'obe te Jehová: ¿Ya bal jnuts bahel te jpoj-biluquetique? ¿Ya bal xhu' ya jta? xchi. La sjac' te Jehová: Nutsa bahel, ya me ata, soc ya me acoltay tal te mach'atic bahemic ta chuquel, xchi.