1 Samuel 23:12 - Bible in Tzeltal Bachajón

¹² Te David la sjoc'oy xan: Te mach'atic ayic ta Keila ¿ya bal yac'onic ta sc'ab Saúl soc te winiquetic cu'un? xchi. Yac, ya yaq'uex ta sc'ab, xchi te Jehová.

Bible in Tzeltal de Oxchuc y Tenejapa

¹² Te David la sjojc'obey te Cajwaltic: —¿Ya bal yac'otic ta sc'ab Saúl te yajwal lum Keila jo'on soc te jwinictac? —xi'. Te Cajwaltic la sjac': —Ya yaq'uex ta sc'ab —xi'.

1 Samuel 23:12 ပူးပေါင်းရင်းမြစ်များ

Salmos 118:8

Ha lec xan te ya smuc'ulin co'tantic te Jehová, te bin ut'il te ya smuc'ulin co'tantic te winique.

Salmos 143:8

A'bon ca'iy ta sahb te sc'uxul awo'tan, como ha'at smuc'ulinejat co'tan. A'bon jna' te be te banti ya sc'an ya xbehenon, yu'un ya jtoy mohel jch'uhlel ta atojol.

Salmos 31:8

Ma ba la awac'on ta sc'ab te jcontra; la awac' tehc'ajucon ta buen jamal q'uinal.

Salmos 62:1

Ha nax ta stojol Dios ya jta lamal q'uinal, ha ya xtal ta stojol stuquel te jcolele.

Isaías 29:15

Ay me swocolic te mach'atic ya snac' ta stojol Jehová te bin schapoj ta yo'tanic, te ya spas ya'telic ta yihc'al q'uinal, soc te hich ya yalic: ¿Mach'a ya yilotic, soc mach'a ya sna' jbahtic? te xchihique.

Jeremías 11:18

Te Jehová la ya'bon jna', hich la jna' a; la ya'bon quil te ya'telique.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

Jueces 15:10

Te winiquetic yu'un Judá la sjoc'obeyic: ¿Bin yu'un tal acontrahinotcotic? xchihic. Ha talotcotic ta schuquel te Sansón, yu'un hich ya jpasbecotic te bin ut'il la spasbotcotic, xchihic.

1 Samuel 23:11

¿Ya bal yac'onic ta sc'ab Saúl te mach'atic ayic ta Keila? ¿Ya bal xtal te Saúl hich te bin ut'il ya'iyej te a'bat awu'une? Jehová, Diosat yu'un Israel, awocoluc halbeya te a'bat awu'une, xchi. Yac, ya xco tal, xchi te Jehová.

1 Samuel 23:20

Ha yu'un, ajwalil, cohan tal teme hich ya sc'an awo'tan, ho'otcotic ya ca'becotic ta sc'ab te ajwalile, xchihic.

1 Samuel 23:7

Halbot te Saúl te bahem ta Keila te David. Ha yu'un la yal te Saúl: Dios la ya'bonix ta jc'ab, la smaquix sba ta yutil pueblo te ay sts'ahcul soc ochibaletic soc sc'atal-te'eletic yu'un, xchi.